호흡부호 보기
강세부호 보기
장단부호 보기
작은 Iota 보기
모든 부호 보기
Καὶ ἄλλο τι περὶ Πυθαγόρου φησὶν ὁ Ἕρμιπποσ. [λέγει γὰρ] ὡσ γενόμενοσ ἐν Ἰταλίᾳ κατὰ γῆσ οἰκίσκον ποιήσαι καὶ τῇ μητρὶ ἐντείλαιτο τὰ γινόμενα εἰσ δέλτον γράφειν σημειουμένην καὶ τὸν χρόνον, ἔπειτα καθιέναι αὐτῷ ἔστ’ ἂν ἀνέλθῃ. τοῦτο ποιῆσαι τὴν μητέρα. τὸν δὲ Πυθαγόραν μετὰ χρόνον ἀνελθεῖν ἰσχνὸν καὶ κατεσκελετευμένον· εἰσελθόντα τ’ εἰσ τὴν ἐκκλησίαν φάσκειν ὡσ ἀφῖκται ἐξ ᾅδου· καὶ δὴ καὶ ἀνεγίνωσκεν αὐτοῖσ τὰ συμβεβηκότα. οἱ δὲ σαινόμενοι τοῖσ λεγομένοισ ἐδάκρυόν τε καὶ ᾤμωζον καὶ ἐπίστευον εἶναι τὸν Πυθαγόραν θεῖόν τινα, ὥστε καὶ τὰσ γυναῖκασ αὐτῷ παραδοῦναι, ὡσ καὶ μαθησομένασ τι τῶν αὐτοῦ· ἃσ καὶ Πυθαγορικὰσ κληθῆναι. καὶ ταῦτα μὲν ὁ Ἕρμιπποσ.

이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기