Diogenes Laertius, Lives of Eminent Philosophers, D, Kef q'. KARNEADHS 3:

πωλεῖταί τισ δεῦρο γέρων ἅλιοσ νημερτήσ, Μέντορι εἰδόμενοσ ἠμὲν δέμασ ἠδὲ καὶ αὐδήν· τοῦτον σχολῆσ τῆσδ’ ἐκκεκηρῦχθαι λέγω· καὶ ὃσ ἀναστὰσ ἔφη· οἱ μὲν ἐκήρυσσον, τοὶ δ’ ἠγείροντο μάλ’ ὦκα. Δειλότερον δέ πωσ δοκεῖ περὶ τὴν τελευτὴν ἀνεστράφθαι, ὅτε συνεχὲσ ἔλεγεν, "ἡ συστήσασα φύσισ καὶ διαλύσει. " μαθών τε Ἀντίπατρον φάρμακον πιόντα ἀποθανεῖν, παρωρμήθη πρὸσ τὸ εὐθαρσὲσ τῆσ ἀπαλλαγῆσ καί φησι, "δότε οὖν κἀμοί· τῶν δὲ εἰπόντων, "τί; "οἰνόμελι" εἶπεν. τελευτῶντοσ δ’ αὐτοῦ φασιν ἔκλειψιν γενέσθαι σελήνησ, συμπάθειαν, ὡσ ἂν εἴποι τισ, αἰνιττομένου τοῦ μεθ’ ἥλιον καλλίστου τῶν ἄστρων.