헬라어 문장 검색 - Διογεν́Λιϝεσοφ́4́09́

(디오게네스 라에르티오스, Lives of Eminent Philosophers, D, Kef q'. KARNEADHS)

Καρνεάδησ Ἐπικώμου ἢ Φιλοκώμου, ὡσ Ἀλέξανδροσ ἐν Διαδοχαῖσ, Κυρηναῖοσ. οὗτοσ τὰ τῶν Στωικῶν βιβλία ἀναγνοὺσ ἐπιμελῶσ <καὶ μάλιστα> τὰ Χρυσίππου, ἐπιεικῶσ αὐτοῖσ ἀντέλεγε καὶ εὐημέρει τοσοῦτον, ὥστε ἐκεῖνο ἐπιλέγειν· εἰ μὴ γὰρ ἦν Χρύσιπποσ, οὐκ ἂν ἦν ἐγώ. φιλόπονοσ δ’ ἄνθρωποσ γέγονεν εἰ καί τισ ἄλλοσ, ἐν μὲν τοῖσ φυσικοῖσ ἧττον φερόμενοσ, ἐν δὲ τοῖσ ἠθικοῖσ μᾶλλον. ὅθεν καὶ ἐκόμα καὶ ἔτρεφεν ὄνυχασ ἀσχολίᾳ τῇ περὶ τοὺσ λόγουσ. τοσοῦτον δ’ ἴσχυσεν ἐν φιλοσοφίᾳ, ὥστε καὶ τοὺσ ῥήτορασ ἀπολύσαντασ ἐκ τῶν σχολῶν παρ’ αὐτὸν ἰέναι καὶ αὐτοῦ ἀκούειν. Ἦν δὲ καὶ μεγαλοφωνότατοσ, ὥστε τὸν γυμνασίαρχον προσπέμψαι αὐτῷ μὴ οὕτω βοᾶν·

τὸν δὲ εἰπεῖν, "καὶ δὸσ μέτρον φωνῆσ. " ἔνθεν εὐστόχωσ ἑλόντα ἀμείψασθαι· φάναι γάρ, "μέτρον ἔχεισ τοὺσ ἀκούοντασ. " δεινῶσ τ’ ἦν ἐπιπληκτικὸσ καὶ ἐν ταῖσ ζητήσεσι δύσμαχοσ· τά τε δεῖπνα λοιπὸν παρῃτεῖτο διὰ τὰσ προειρημένασ αἰτίασ. οὗτόσ ποτε Μέντοροσ τοῦ Βιθυνοῦ μαθητοῦ ὄντοσ καὶ παρ’ αὐτὸν ἐλθόντοσ εἰσ τὴν διατριβήν, ὡσ ἐπείρα αὐτοῦ τὴν παλλακὴν ὁ Μέντωρ, καθά φησι Φαβωρῖνοσ ἐν Παντοδαπῇ ἱστορίᾳ, μεταξὺ λέγων παρῴδησεν εἰσ αὐτόν· πωλεῖταί τισ δεῦρο γέρων ἅλιοσ νημερτήσ, Μέντορι εἰδόμενοσ ἠμὲν δέμασ ἠδὲ καὶ αὐδήν·

τοῦτον σχολῆσ τῆσδ’ ἐκκεκηρῦχθαι λέγω· καὶ ὃσ ἀναστὰσ ἔφη· οἱ μὲν ἐκήρυσσον, τοὶ δ’ ἠγείροντο μάλ’ ὦκα. Δειλότερον δέ πωσ δοκεῖ περὶ τὴν τελευτὴν ἀνεστράφθαι, ὅτε συνεχὲσ ἔλεγεν, "ἡ συστήσασα φύσισ καὶ διαλύσει. " μαθών τε Ἀντίπατρον φάρμακον πιόντα ἀποθανεῖν, παρωρμήθη πρὸσ τὸ εὐθαρσὲσ τῆσ ἀπαλλαγῆσ καί φησι, "δότε οὖν κἀμοί· τῶν δὲ εἰπόντων, "τί; "οἰνόμελι" εἶπεν. τελευτῶντοσ δ’ αὐτοῦ φασιν ἔκλειψιν γενέσθαι σελήνησ, συμπάθειαν, ὡσ ἂν εἴποι τισ, αἰνιττομένου τοῦ μεθ’ ἥλιον καλλίστου τῶν ἄστρων. Φησὶ δὲ Ἀπολλόδωροσ ἐν Χρονικοῖσ ἀπελθεῖν αὐτὸν ἐξ ἀνθρώπων ἔτει τετάρτῳ τῆσ δευτέρασ καὶ ἑξηκοστῆσ καὶ ἑκατοστῆσ Ὀλυμπιάδοσ, βιώσαντα ἔτη πέντε πρὸσ τοῖσ ὀγδοήκοντα.

" "τί μέντοι; φέρονται δ’ αὐτοῦ ἐπιστολαὶ πρὸσ Ἀριαράθην τὸν Καππαδοκίασ βασιλέα. τὰ δὲ λοιπὰ αὐτοῦ οἱ μαθηταὶ συνέγραψαν· αὐτὸσ δὲ κατέλιπεν οὐδέν. ἔστι καὶ εἰσ τοῦτον ἡμῶν τῷ λογαοιδικῷ μέτρῳ [καὶ Ἀρχεβουλείῳ]· τί με Καρνεάδην, τί με, Μοῦσα, θέλεισ ἐλέγχειν; ἀμαθὴσ γὰρ ὃσ οὔτι κάτοιδεν ὅπωσ δεδοίκει τὸ θανεῖν· ὅτε καὶ φθισικήν ποτ’ ἔχων κακίστην νόσον, οὐκ ἔθελεν λύσιν ἰσχέμεν· ἀλλ’ ἀκούσασ ὅτι φάρμακον Ἀντίπατρόσ τι πιὼν ἀπέσβη, "δότε τόινυν," ἔφησε, "τὶ κἀμὲ πιεῖν. τί;

"δότ’ οἰνόμελι. " σφόδρα τ’ εἶχε πρόχειρα ταυτί· "φύσισ ἡ συνέχουσά με καὶ διαλύσεται δή. " ὁ μὲν οὐδὲν ἔλασσον ἔβη κατὰ γῆσ, ἐνῆν δὲ τὰ πλέω κακὰ κέρδε’ ἔχοντα μολεῖν ἐσ ᾅδου. Λέγεται καὶ τὰσ ὄψεισ νυκτὸσ ὑποχυθῆναι καὶ ἀγνοεῖν· κελεῦσαί τε τὸν παῖδα λύχνον ἅψαι· εἰσκομίσαντοσ δὲ καὶ εἰπόντοσ, "κεκόμικα," "οὐκοῦν," εἰπεῖν, "σὺ ἀναγίνωσκε. " Τούτου πολλοὶ μὲν καὶ ἄλλοι γεγόνασι μαθηταί, ἐλλογιμώτατοσ δὲ Κλειτόμαχοσ· περὶ οὗ καὶ λεκτέον. Γέγονε μέντοι καὶ ἄλλοσ Καρνεάδησ, ἐλεγείασ ποιητὴσ ψυχρόσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diogenes Laertius, Lives of Eminent Philosophers, D, Kef q'. KARNEADHS

(디오게네스 라에르티오스, Lives of Eminent Philosophers, D, Kef q'. KARNEADHS)

상위

목록

SEARCH

MENU NAVIGATION