Diogenes Laertius, Lives of Eminent Philosophers, D, Kef. s'. ARKESILAOS 8:

ἔξεστ’ ἐρωτᾶν πότνιά σ’ ἢ σιγὴν ἔχω; ἔστι δὲ ταῦτα ἐκ τοῦ Οἰνομάου τοῦ Σοφοκλέουσ. ὑπολαβὼν ἔφη· γύναι, τί μοι τραχεῖα κοὐκ εἰθισμένωσ λαλεῖσ; στωμύλου δὲ ἀγεννοῦσ πράγματα αὐτῷ παρέχοντοσ ἔφη· ἀκόλασθ’ ὁμιλεῖν γίγνεται δούλων τέκνα. ἄλλου δὲ πολλὰ φλυαροῦντοσ οὐδὲ τίτθησ αὐτὸν χαλεπῆσ τετυχηκέναι ἔφη· τισὶ δὲ οὐδὲ ἀπεκρίνετο. πρὸσ δὲ τὸν δανειστικὸν καὶ φιλόλογον εἰπόντα τι ἀγνοεῖν, ἔφη· λήθουσι γάρ τοι κἀνέμων διέξοδοι θήλειαν ὄρνιν, πλὴν ὅταν τόκοσ παρῇ.