Diogenes Laertius, Lives of Eminent Philosophers, D, Kef. e'. KRANTWR 1:

Κράντωρ Σολεὺσ θαυμαζόμενοσ ἐν τῇ ἑαυτοῦ πατρίδι ἀπῆρεν εἰσ Ἀθήνασ καὶ Ξενοκράτουσ διήκουσε Πολέμωνι συσχολάζων. καὶ κατέλιπεν ὑπομνήματα εἰσ μυριάδασ στίχων τρεῖσ, ὧν τινά τινεσ Ἀρκεσιλάῳ προσάπτουσι. φασὶ δὲ αὐτὸν ἐρωτηθέντα τίνι θηραθείη ὑπὸ Πολέμωνοσ, εἰπεῖν τῷ μήτ’ ὀξύτερον μήτε βαρύτερον ἀκοῦσαι φθεγγομένου. οὗτοσ νοσήσασ εἰσ τὸ Ἀσκληπιεῖον ἀνεχώρησε κἀκεῖ περιεπάτει· οἱ δὲ πανταχόθεν προσῄεσαν αὐτῷ, νομίζοντεσ οὐ διὰ νόσον, ἀλλὰ βούλεσθαι αὐτόθι σχολὴν συστήσασθαι. ὧν ἦν καὶ Ἀρκεσίλαοσ θέλων ὑπ’ αὐτοῦ συστῆναι Πολέμωνι, καίπερ ἐρῶντοσ, ὡσ ἐν τῷ περὶ Ἀρκεσιλάου λέξομεν.