헬라어 문장 검색 - Διογεν́Λιϝεσοφ́4́02́002́

(디오게네스 라에르티오스, Lives of Eminent Philosophers, D, Kef. b'. CENOKRATHS 2:)

καί ποτε καὶ Φρύνην τὴν ἑταίραν ἐθελῆσαι πειρᾶσαι αὐτόν, καὶ δῆθεν διωκομένην ὑπό τινων καταφυγεῖν εἰσ τὸ οἰκίδιον. τὸν δὲ ἕνεκα τοῦ ἀνθρωπίνου εἰσδέξασθαι, καὶ ἑνὸσ ὄντοσ κλινιδίου δεομένῃ μεταδοῦναι τῆσ κατακλίσεωσ· καὶ τέλοσ πολλὰ ἐκλιπα‐ ροῦσαν ἄπρακτον ἀναστῆναι. λέγειν τε πρὸσ τοὺσ πυνθανομένουσ ὡσ οὐκ ἀπ’ ἀνδρόσ, ἀλλ’ ἀπ’ ἀνδριάντοσ ἀνασταίη. ἔνιοι δὲ Λαΐδα φασὶ παρακατακλῖναι αὐτῷ τοὺσ μαθητάσ· τὸν δὲ οὕτωσ εἶναι ἐγκρατῆ, ὥστε καὶ τομὰσ καὶ καύσεισ πολλάκισ ὑπομεῖναι περὶ τὸ αἰδοῖον. ἦν δὲ καὶ ἀξιόπιστοσ σφόδρα, ὥστε μὴ ἐξὸν ἀνώμοτον μαρτυρεῖν, τούτῳ μόνῳ συνεχώρουν Ἀθηναῖοι. καὶ δὴ καὶ αὐταρκέστατοσ ἦν. Ἀλεξάνδρου γοῦν ποτὲ συχνὸν ἀργύριον ἀποστείλαντοσ αὐτῷ, τρισχιλίασ Ἀττικὰσ ἀφελὼν τὸ λοιπὸν ἀπέπεμψεν, εἰπὼν ἐκείνῳ πλειόνων δεῖν πλείονασ τρέφοντι. ἀλλὰ καὶ <τὸ> ὑπ’ Ἀντιπάτρου πεμφθὲν μὴ προσέσθαι, ὥσ φησι Μυρωνιανὸσ ἐν Ὁμοίοισ. καὶ χρυσῷ στεφάνῳ τιμηθέντα ἐπάθλῳ πολυποσίασ τοῖσ Χουσὶ παρὰ Διονυσίῳ ἐξιόντα θεῖναι πρὸσ τὸν ἱδρυμένον Ἑρμῆν, ἔνθαπερ τιθέναι καὶ τοὺσ ἀνθινοὺσ εἰώθει. λόγοσ δὲ αὐτὸν μετὰ καὶ ἄλλων πεμφθῆναι πρεσβευτὴν πρὸσ Φίλιππον· καὶ τοὺσ μὲν δώροισ μαλθασσομένουσ καὶ εἰσ τὰσ κλήσεισ συνιέναι καὶ τῷ Φιλίππῳ λαλεῖν· τὸν δὲ μηδέτερον τούτων ποιεῖν. οὔτε γὰρ ὁ Φίλιπποσ αὐτὸν προσίετο διὰ τοῦτο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diogenes Laertius, Lives of Eminent Philosophers, D, Kef. b'. CENOKRATHS 2:

(디오게네스 라에르티오스, Lives of Eminent Philosophers, D, Kef. b'. CENOKRATHS 2:)

상위

목록

SEARCH

MENU NAVIGATION