헬라어 문장 검색 - Διοδορ́Λιβραρψ́1́23́

(디오도로스 시켈로스, Library, fragmenta libri ix, chapter 26)

ὅτι ὁ Κροῖσοσ μετεπέμπετο ἐκ τῆσ Ἑλλάδοσ τοὺσ ἐπὶ σοφίᾳ πρωτεύοντασ, ἐπιδεικνύμενοσ τὸ μέγεθοσ τῆσ εὐδαιμονίασ, καὶ τοὺσ ἐξυμνοῦντασ τὴν εὐτυχίαν αὐτοῦ ἐτίμα μεγάλαισ δωρεαῖσ. μετεπέμψατο δὲ καὶ Σόλωνα, ὁμοίωσ δὲ καὶ τῶν ἄλλων τῶν ἐπὶ φιλοσοφίᾳ μεγίστην δόξαν ἐχόντων, τὴν ἰδίαν εὐδαιμονίαν διὰ τῆσ τούτων τῶν ἀνδρῶν μαρτυρίασ ἐπισφραγίζεσθαι βουλόμενοσ. παρεγενήθη δὲ πρὸσ αὐτὸν Ἀνάχαρσισ ὁ Σκύθησ καὶ Βίασ καὶ Σόλων καὶ Πιττακόσ, οὓσ ἐπὶ τὰσ ἑστιάσεισ καὶ τὸ συνέδριον εἶχεν ἐν μεγίστῃ τιμῇ, τόν τε πλοῦτον αὐτοῖσ ἐπιδεικνύμενοσ καὶ τὸ μέγεθοσ τῆσ ἑαυτοῦ δυναστείασ.

παρὰ δὲ τοῖσ πεπαιδευμένοισ τῆσ βραχυλογίασ τότε ζηλουμένησ, ὁ Κροῖσοσ ἐπιδειξάμενοσ τὴν τῆσ βασιλείασ εὐδαιμονίαν τοῖσ ἀνδράσι καὶ τὸ πλῆθοσ τῶν κεχειρωμένων ἐθνῶν, ἠρώτησεν Ἀνάχαρσιν, ὄντα πρεσβύτερον τῶν σοφιστῶν, τίνα νομίζει τῶν ὄντων ἀνδρειότατον.

ὁ δὲ τὰ ἀγριώτατα τῶν ζῴων ἔφησε· μόνα γὰρ προθύμωσ ἀποθνήσκειν ὑπὲρ τῆσ ἐλευθερίασ. ὁ δὲ Κροῖσοσ νομίσασ ἡμαρτηκέναι αὐτόν, ἐν δὲ τῷ δευτέρῳ πρὸσ χάριν αὐτῷ ποιήσεσθαι τὴν ἀπόκρισιν ὑπολαβὼν ἠρώτησε, τίνα δικαιότατον κρίνει τῶν ὄντων.

ὁ δὲ πάλιν ἀπεφαίνετο τὰ ἀγριώτατα τῶν θηρίων· μόνα γὰρ κατὰ φύσιν ζῆν, οὐ κατὰ νόμουσ· εἶναι γὰρ τὴν μὲν φύσιν θεοῦ ποίησιν, τὸν δὲ νόμον ἀνθρώπου θέσιν, καὶ δικαιότερον εἶναι χρῆσθαι τοῖσ τοῦ θεοῦ ἢ τοῖσ τῶν ἀνθρώπων εὑρήμασιν. ὁ δὲ διασῦραι βουλόμενοσ Ἀνάχαρσιν ἠρώτησεν εἰ καὶ σοφώτατα τὰ θηρία.

ὁ δὲ συγκαταθέμενοσ ἐδίδασκεν, ὅτι τὴν τῆσ φύσεωσ ἀλήθειαν τῆσ τοῦ νόμου θέσεωσ προτιμᾶν ἰδιώτατον ὑπάρχειν σοφίασ. ὁ δὲ τούτου κατεγέλασεν ὡσ ἐκ τῆσ Σκυθίασ καὶ θηριώδουσ διαγωγῆσ πεποιημένου τὰσ ἀποκρίσεισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, fragmenta libri ix, chapter 26

(디오도로스 시켈로스, Library, fragmenta libri ix, chapter 26)

상위

목록

SEARCH

MENU NAVIGATION