헬라어 문장 검색 - Διοδορ́Λιβραρψ́1́19́

(디오도로스 시켈로스, Library, fragmenta libri ix, chapter 20)

ὅτι Σόλων ὁ νομοθέτησ παρελθὼν εἰσ τὴν ἐκκλησίαν παρεκάλει τοὺσ Ἀθηναίουσ καταλύειν τὸν τύραννον πρὶν τελέωσ ἰσχυρὸν γενέσθαι. οὐδενὸσ δὲ αὐτῷ προσέχοντοσ ἀναλαβὼν τὴν πανοπλίαν προῆλθεν εἰσ τὴν ἀγορὰν γεγηρακώσ, καὶ τοὺσ θεοὺσ ἐπιμαρτυρόμενοσ ἔφησε καὶ λόγῳ καὶ ἔργῳ τῇ πατρίδι κινδυνευούσῃ βεβοηθηκέναι τὸ κατ’ αὐτὸν μέροσ· τῶν δὲ ὄχλων ἀγνοούντων τὴν ἐπιβολὴν Πεισιστράτου συνέβη τὸν Σόλωνα τἀληθῆ λέγοντα παραπέμπεσθαι. λέγεται δὲ Σόλων καὶ προειπεῖν τοῖσ Ἀθηναίοισ τὴν ἐσομένην τυραννίδα δι’ ἐλεγείων, ἐκ νεφέλησ πέλεται χιόνοσ μένοσ ἠδὲ χαλάζησ, βροντὴ δ’ ἐκ λαμπρᾶσ γίνεται ἀστεροπῆσ.

ἀνδρῶν δ’ ἐκ μεγάλων πόλισ ὄλλυται, εἰσ δὲ μονάρχου δῆμοσ ἀιδρείῃ δουλοσύνην ἔπεσεν. λίην δ’ ἐξάραντ’ οὐ ῥᾴδιόν ἐστι κατασχεῖν ὕστερον, ἀλλ’ ἤδη χρὴ περὶ πάντα νοεῖν. καὶ μετὰ ταῦτα τυραννοῦντοσ ἔφη, εἰ δὲ πεπόνθατε λυγρὰ δι’ ὑμετέραν κακότητα, μὴ θεοῖσιν ταύτην μοῖραν ἐπαμφέρετε·

αὐτοὶ γὰρ τούτουσ ηὐξήσατε ῥύματα δόντεσ, καὶ διὰ τοῦτο κακὴν ἔσχετε δουλοσύνην. ὑμῶν δ’ εἷσ μὲν ἕκαστοσ ἀλώπεκοσ ἴχνεσι βαίνει, σύμπασιν δ’ ὑμῖν κοῦφοσ ἔνεστι νόοσ. εἰσ γὰρ γλῶσσαν ὁρᾶτε καὶ εἰσ ἔποσ αἰόλον ἀνδρόσ, εἰσ ἔργον δ’ οὐδὲν γινόμενον βλέπετε. ὅτι ὁ Πεισίστρατοσ παρεκάλει τὸν Σόλωνα τὰσ ἡσυχίασ ἔχειν καὶ τῶν τῆσ τυραννίδοσ ἀγαθῶν συναπολαύειν·

οὐδενὶ δὲ τρόπῳ δυνάμενοσ αὐτοῦ μεταθεῖναι τὴν προαίρεσιν, ἀλλ’ ὁρῶν μᾶλλον ἀεὶ ἐξεγειρόμενον καὶ μετὰ ἀνατάσεωσ ἀπειλοῦντα τιμωρίαν ἐπιθήσειν, ἠρώτησεν αὐτὸν τίνι πεποιθὼσ ἀντιπράττει ταῖσ ἐπιβολαῖσ αὐτοῦ. τὸν δέ φασιν εἰπεῖν τῷ γήρᾳ. Ἡρόδοτοσ κατὰ Ξέρξην γεγονὼσ τοῖσ χρόνοισ φησὶν Ἀσσυρίουσ ἔτη πεντακόσια πρότερον τῆσ Ἀσίασ ἄρξαντασ ὑπὸ Μήδων καταλυθῆναι.

ἔπειτα βασιλέα μὲν μηδένα γενέσθαι τὸν ἀμφισβητήσοντα τῶν ὅλων ἐπὶ πολλὰσ γενεάσ, τὰσ δὲ πόλεισ καθ’ ἑαυτὰσ ταττομένασ διοικεῖσθαι δημοκρατικῶσ· τὸ δὲ τελευταῖον πολλῶν ἐτῶν διελθόντων αἱρεθῆναι βασιλέα παρὰ τοῖσ Μήδοισ ἄνδρα δικαιοσύνῃ διάφορον, ὄνομα Κυαξάρην. τοῦτον δὲ πρῶτον ἐπιχειρῆσαι προσάγεσθαι τοὺσ πλησιοχώρουσ, καὶ τοῖσ Μήδοισ ἀρχηγὸν γενέσθαι τῆσ τῶν ὅλων ἡγεμονίασ· ἔπειτα τοὺσ ἐκγόνουσ ἀεὶ προσκατακτωμένουσ πολλὴν τῆσ ὁμόρου χώρασ αὐξῆσαι τὴν βασιλείαν μέχρι Ἀστυάγουσ τοῦ καταπολεμηθέντοσ ὑπὸ Κύρου καὶ Περσῶν· περὶ ὧν νῦν ἡμεῖσ τὰ κεφάλαια προειρηκότεσ τὰ κατὰ μέροσ ὕστερον ἀκριβῶσ ἀναγράψομεν, ἐπειδὰν ἐπὶ τοὺσ οἰκείουσ χρόνουσ ἐπιβάλωμεν. κατὰ γὰρ τὸ δεύτερον ἔτοσ τῆσ ἑπτακαιδεκάτησ Ὀλυμπιάδοσ ᾑρέθη βασιλεὺσ ὑπὸ Μήδων Κυαξάρησ καθ’ Ἡρόδοτον. Ἀστιβάρα τοῦ βασιλέωσ τῶν Μήδων ἐν Ἐκβατάνοισ γήρᾳ τελευτήσαντοσ τὴν ἀρχὴν Ἀσπάνδαν τὸν υἱὸν διαδέξασθαι, τὸν ὑπὸ τῶν Ἑλλήνων Ἀστυάγην καλούμενον·

τούτου δ’ ὑπὸ Κύρου τοῦ Πέρσου καταπολεμηθέντοσ μεταπεσεῖν τὴν βασιλείαν εἰσ Πέρσασ, περὶ ὧν ἡμεῖσ τὰ κατὰ μέροσ ἐν τοῖσ ἰδίοισ χρόνοισ ἀκριβῶσ ἀναγράψομεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, fragmenta libri ix, chapter 20

(디오도로스 시켈로스, Library, fragmenta libri ix, chapter 20)

상위

목록

SEARCH

MENU NAVIGATION