헬라어 문장 검색 - Διοδορ́Λιβραρψ́1́09́

(디오도로스 시켈로스, Library, fragmenta libri ix, chapter 10)

. τούτων ἕκαστον ὑπάρχον βραχὺ καὶ Λακωνικὸν μεγάλην ἔχει τὴν ἀναθεώρησιν. τὸ γὰρ γνῶθι σαυτὸν παραγγέλλει παιδευθῆναι καὶ φρόνιμον γενέσθαι·

οὕτω γὰρ ἄν τισ ἑαυτὸν γνοίη· ἢ ὅτι οἱ ἄμοιροι παιδείασ καὶ ἀλόγιστοι κατὰ τὸ πλεῖστον ἑαυτοὺσ συνετωτάτουσ ὑπειλήφασιν, ἥπερ ἐστὶ τῶν ἀμαθιῶν ἀμαθεστάτη κατὰ τὸν Πλάτωνα, ἢ ὅτι τοὺσ πονηροὺσ ἐπιεικεῖσ ἡγοῦνται, τοὺσ δὲ χρηστοὺσ ἀνάπαλιν φαύλουσ· μόνωσ γὰρ ἄν τισ οὕτωσ ἑαυτὸν γνοίη καὶ ἕτερον, τυχὼν παιδείασ καὶ συνέσεωσ περιττοτέρασ. τὸ δὲ μηδὲν ἄγαν μετριάζειν ἐν πᾶσι καὶ μηδὲ περὶ ἑνὸσ τῶν ἀνθρωπίνων τελείωσ διορίζεσθαι, ὡσ Ἐπιδάμνιοι.

οὗτοι γὰρ παρὰ τὸν Ἀδρίαν οἰκοῦντεσ καὶ πρὸσ ἀλλήλουσ διαφερόμενοι, μύδρουσ διαπύρουσ καταποντίσαντεσ ἐν μέσῳ τῷ πελάγει διωμόσαντο μὴ σπείσεσθαι τὴν πρὸσ ἀλλήλουσ ἔχθραν πρότερον ἑώσ ἂν οὗτοι θερμοὶ ἀνενεχθῶσιν. οὐκ ἐπινοήσαντεσ ὕστερον ὑπὸ τῶν πραγμάτων ἀναγκαζόμενοι διελύσαντο τὴν ἔχθραν, ἐάσαντεσ τοὺσ μύδρουσ ψυχροὺσ ἐν τῷ βυθῷ. τὸ δὲ ἐγγύα, πάρα δ’ ἄτα, τινὲσ ὑπέλαβον γάμον ἀπαγορεύειν·

τὴν γὰρ τοῦ γάμου σύνθεσιν παρὰ τοῖσ πλείστοισ τῶν Ἑλλήνων ἐγγύην ὀνομάζεσθαι, καὶ βεβαιωτὴσ ὁ κοινὸσ βίοσ, ἐν ᾧ πλεῖσται καὶ μέγισται γίνονται συμφοραὶ διὰ τὰσ γυναῖκασ. ἔνιοι δέ φασιν ἀνάξιον εἶναι Χίλωνοσ διὰ τὸ μὴ δύνασθαι ἀναιρουμένου τοῦ γάμου διαμένειν τὸν βίον, τὴν δὲ ἄτην ἀποφαίνεσθαι παρεῖναι ἐγγύαισ ταῖσ ἐπὶ τῶν συμβολαίων καὶ ταῖσ ὑπὲρ τῶν ἄλλων διομολογήσεσι περὶ χρημάτων. καὶ Εὐριπίδησ οὐκ ἐγγυῶμαι· ζημίαν φιλεγγύων σκοπῶν· τὰ Πυθοῖ δ’ οὐκ ἐᾷ με γράμματα. ἔνιοι δέ φασι μὴ Χίλωνοσ εἶναι μηδὲ πολιτικὸν τὸ μηδενὶ τῶν φίλων ἐν ταῖσ τοιαύταισ χρείαισ ἐπαρκεῖν, ἀλλὰ μᾶλλον τὰσ καταβεβαιώσεισ ἀπαγορεύειν καὶ τὸ κατατεταμένωσ ἐγγυᾶσθαί τε καὶ διορίζεσθαι τῶν ἀνθρωπίνων, ὡσ ποιῆσαι τοὺσ Ἕλληνασ ὅτε κατηγωνίσαντο τὸν Ξέρξην.

ὤμοσαν γὰρ ἐν Πλαταιαῖσ παραδώσειν παίδων παισὶ τὴν πρὸσ τοὺσ Πέρσασ ἔχθραν, ἑώσ ἂν οἱ ποταμοὶ ῥέωσιν εἰσ τὴν θάλατταν καὶ γένοσ ἀνθρώπων ᾖ καὶ γῆ καρποὺσ φέρῃ· τὸ δὲ τῆσ τύχησ εὐμετάπτωτον βεβαίωσ ἐγγυησάμενοι μετά τινα χρόνον ἐπρεσβεύοντο πρὸσ Ἀρταξέρξην τὸν υἱὸν Ξέρξου περὶ φιλίασ καὶ συμμαχίασ. ὅτι ὁ Χίλωνοσ λόγοσ βραχὺσ ὢν ὅλην περιείληφε τὴν πρὸσ τὸν ἄριστον βίον ὑποθήκην, ὡσ καὶ τῶν ἐν Δελφοῖσ ἀναθημάτων βελτίω ταῦτα τὰ ἀποφθέγματα.

αἱ μὲν γὰρ χρυσαῖ Κροίσου πλίνθοι καὶ τὰ ἄλλα κατασκευάσματα ἠφανίσθη καὶ μεγάλασ ἀφορμὰσ παρέσχε τοῖσ ἀσεβεῖν εἰσ τὸ ἱερὸν ἑλομένοισ, αἱ δὲ γνῶμαι τὸν ἅπαντα χρόνον σώζονται ἐν ταῖσ τῶν πεπαιδευμένων ψυχαῖσ τεθησαυρισμέναι καὶ κάλλιστον ἔχουσαι θησαυρόν, πρὸσ ὃν ἂν οὔτε Φωκεῖσ οὔτε Γαλάται προσενεγκεῖν τὰσ χεῖρασ σπουδάσειαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, fragmenta libri ix, chapter 10

(디오도로스 시켈로스, Library, fragmenta libri ix, chapter 10)

상위

목록

SEARCH

MENU NAVIGATION