Demosthenes, Speeches 31-40, Πρὸς Βοιωτὸν περὶ τοῦ Ὀνόματος.? 30:

ἐτόλμα τοίνυν πρὸς τῷ διαιτητῇ πρᾶγμ ἀναιδέστατον λέγειν, ὡς ὁ πατὴρ αὑτοῦ δεκάτην ἐποίησεν ὥσπερ ἐμοῦ καὶ τοὔνομα τοῦτ ἔθετ αὐτῷ, καὶ μάρτυράς τινας παρείχετο, οἷς ἐκεῖνος οὐδεπώποτ ὤφθη χρώμενος. ἐγὼ δ οὐδέν ὑμῶν ἀγνοεῖν οἰόμαι, ὅτι οὔτ ἂν ἐποίησε δεκάτην οὐδεὶς παιδίου μὴ νομίζων αὑτοῦ δικαίως εἶναι, οὔτε ποιήσας καὶ στέρξας, ὡς ἂν υἱόν τις στέρξαι, πάλιν ἔξαρνος ἐτόλμησε γενέσθαι.