Demosthenes, Speeches 31-40, Παραγραφὴ ὑπὲρ Φορμίωνος 76:

καίτοι πῶσ ἔχει λόγον σέ, Ἀπολλόδωρον ὄντα, πρότερον τῶν κοινῶν, ὧν μέροσ ἠδικοῦ, δίκην ἀξιοῦν λαμβάνειν, ἢ τῶν ἰδίων ὧν νῦν ἐγκαλεῖσ, ἄλλωσ τε καὶ τηλικούτων ὄντων, ὡσ σὺ φήσ; τί ποτ’ οὖν ἐκείνων κατηγορῶν τόνδ’ εἰάσ; οὐκ ἠδικοῦ, ἀλλ’ οἶμαι συκοφαντεῖσ νῦν. ἡγοῦμαι τοίνυν, ὦ ἄνδρεσ Ἀθηναῖοι, πάντων μάλιστ’ εἰσ τὸ πρᾶγμ’ εἶναι τούτων μάρτυρασ παρασχέσθαι· τὸν γὰρ συκοφαντοῦντ’ ἀεὶ τί χρὴ νομίζειν νῦν ποιεῖν;