Demosthenes, Speeches 31-40, Παραγραφὴ ὑπὲρ Φορμίωνος 48:

πρὸσ μὲν οὖν τὰ συμφέροντ’ ἐὰν ἐξετάζῃσ, καλῶσ βεβουλευμένον αὐτὸν εὑρήσεισ· εἰ δὲ πρὸσ γένουσ δόξαν ἀναίνει Φορμίωνα κηδεστήν, ὁρ́α μὴ γελοῖον ᾖ σὲ ταῦτα λέγειν. εἰ γάρ τισ ἔροιτό σε, ποῖόν τιν’ ἡγεῖ τὸν πατέρα τὸν σεαυτοῦ εἶναι, χρηστὸν εὖ οἶδ’ ὅτι φήσειασ ἄν. πότερον οὖν οἰεί μᾶλλον ἐοικέναι τὸν τρόπον καὶ πάντα τὸν βίον Πασίωνι σαυτὸν ἢ τουτονί; ἐγὼ μὲν εὖ οἶδ’ ὅτι τοῦτον. εἶθ’ ὅσ ἐστιν ὁμοιότεροσ σοῦ τῷ σῷ πατρί, τοῦτον, εἰ τὴν μητέρα τὴν σὴν ἔγημεν, ἀναίνει;