Bacchylides, Οδες ῾Γρεεκ᾿?, epinicians, ode 11 Ἀλεχιδάμῳ Μεταποντινῷ Παιδί ΠαλαιστῇΠύθια 9:

ἔνθεν καὶ ἀρηϊφίλοις ἄνδρεσσιν <ἐς> ἱπποτρόφον πόλιν <τ> Ἀχαιοῖς ἕσπεο, σὺν δὲ τύχᾳ ναίεις Μεταπόντιον, ὦ χρυσέα δέσποινα λαῶν: ἄλσος τέ τοι ἱμερόεν Κάσαν παρ εὐύδρον πρὸ να- οῖ ἑσσαμένων, Πριάμοι ἐπεὶ χρόνῳ βουλαῖσι θεῶν μακάρων πέρσαν πόλιν εὐκτιμέναν χαλκοθωράκων μετ Ἀτρειδᾶν. δικαίας ὅστις ἔχει φρένας, εὑ- ρήσει σὺν ἅπαντι χρόνῳ μυρίας ἀλκὰς Ἀχαιῶν.