헬라어 문장 검색 - Βαξξηψ́ΟδεσΓρέ1́05́

(바킬리데스, Οδεσ ̔Γρεεκ̓, epinicians, ode 5 Τῷ Αὐτῷ Κέλητι Ολύμπια.)

εὔμοιρε Συρακοσίων ἱπποδινήτων στραταγέ, γνώσει μὲν ἰοστεφάνων Μοισᾶν γλυκύδωρον ἄγαλμα, τῶν γε νῦν αἴ τισ ἐπιχθονίων, ὀρθῶσ· φρένα δ’ εὐθύδικον ἀτρέμ’ ἀμπαύσασ μεριμνᾶν δεῦρ’ ἐπάθρησον νόῳ, ᾗ σὺν Χαρίτεσσι βαθυζώνοισ ὑφάνασ ὕμνον ἀπὸ ζαθέασ νάσου ξένοσ ὑμετέραν πέμ‐ πει κλεεννὰν ἐσ πόλιν, χρυσάμπυκοσ Οὐρανίασ κλει‐ νὸσ θεράπων· ἐθέλει δὲ γᾶρυν ἐκ στηθέων χέων αἰνεῖν Ιἕρωνα. βαθὺν δ’ αἰθέρα ξουθαῖσι τάμνων ὑψοῦ πτερύγεσσι ταχεί‐ αισ αἰετὸσ εὐρυάνακτοσ ἄγγελοσ Ζηνὸσ ἐρισφαράγου θαρσεῖ κρατερᾷ πίσυνοσ ἰσχύϊ, πτάσσοντι δ’ ὄρνι‐ χεσ λιγύφθογγοι φόβῳ·

οὔ νιν κορυφαὶ μεγάλασ ἴσχουσι γαίασ, οὐδ’ ἁλὸσ ἀκαμάτασ δυσπαίπαλα κύματα· νωμᾶ‐ ται δ’ ἐν ἀτρύτῳ χάει λεπτότριχα σὺν ζεφύρου πνοι‐ αῖσιν ἔθειραν ἀρίγνω‐ τοσ μετ’ ἀνθρώποισ ἰδεῖν· τὼσ νῦν καὶ ἐμοὶ μυρία πάντᾳ κέλευθοσ ὑμετέραν ἀρετὰν ὑμνεῖν, κυανοπλοκάμου θ’ ἕκατι Νίκασ χαλκεοστέρνου τ’ Ἄρηοσ, Δεινομένευσ ἀγέρω‐ χοι παῖδεσ·

εὖ ἔρδων δὲ μὴ κάμοι θεόσ. ξανθότριχα μὲν Φερένικον Ἀλφεὸν παρ’ εὐρυδίναν πῶλον ἀελλοδρόμαν εἶδε νικάσαντα χρυσόπαχυσ Αὤσ, Πυθῶνί τ’ ἐν ἀγαθέᾳ· γᾷ δ’ ἐπισκήπτων πιφαύσκω·

οὔπω νιν ὑπὸ προτέρων ἵππων ἐν ἀγῶνι κατέχρανεν κόνισ πρὸσ τέλοσ ὀρνύμενον· ῥιπᾷ γὰρ ἴσοσ βορέα ὃν κυβερνήταν φυλάσσων ἱέται νεόκροτον νίκαν Ιἕρωνι φιλοξείνῳ τιτύσκων. ὄλβιοσ ᾧτινι θεὸσ μοῖράν τε καλῶν ἔπορεν σύν τ’ ἐπιζήλῳ τύχᾳ ἀφνεὸν βιοτὰν διάγειν· οὐ γάρ τισ ἐπιχθονίων πάντα γ’ εὐδαίμων ἔφυ. καὶ μάν π]οτ’ ἐρειψιπύλαν παῖδ’ ἀνίκ]ατον λέγουσιν δῦναι Διὸσ] ἀργικεραύ‐ νου δώματα Φερσεφόνασ τανισφύρου, καρχαρόδοντα κύν’ ἄ‐ ξοντ’ ἐσ φάοσ ἐξ Αἴ̈δα, υἱὸν ἀπλάτοι’ Ἐχίδνασ·

ἔνθα δυστάνων βροτῶν ψυχὰσ ἐδάη παρὰ Κωκυτοῦ ῥεέθροισ, οἱᾶ́ τε φύλλ’ ἄνεμοσ Ἴδασ ἀνὰ μηλοβότουσ πρῶνασ ἀργηστὰσ δονεῖ. ταῖσιν δὲ μετέπρεπεν εἴδω‐ λον θρασυμέμνονοσ ἐγ‐ χεσπάλου Πορθανίδα· τὸν δ’ ὡσ ἴδεν Ἀλκμήνιοσ θαυμαστὸσ ἡρ́ωσ τεύχεσι λαμπόμενον, νευρὰν ἐπέβασε λιγυκλαγγῆ κορώνασ, χαλκεόκρανον δ’ ἔπειτ’ ἐξ‐ είλετο ϝιὸν ἀνα‐ πτύξασ φαρέτρασ πῶμα·

τῷ δ’ ἐναντία ψυχὰ προφάνη Μελεάγρου καί νιν εὖ εἰδὼσ προσεῖπεν· υἱὲ Διὸσ μεγάλου, στᾶθί τ’ ἐν χώρᾳ, γελανώσασ τε θυμόν μὴ ταύ̈σιον προί̈ει τραχὺν ἐκ χειρῶν ὀϊστὸν ψυχαῖσιν ἔπι φθιμένων· οὔτοι δέοσ.

ὣσ φάτο· θάμβησεν δ’ ἄναξ Ἀμφιτρυωνιάδασ, εἶπέν τε· τίσ ἀθανάτων ἢ βροτῶν τοιοῦτον ἔρνοσ θρέψεν ἐν ποίᾳ χθονί; τίσ δ’ ἔκτανεν ; ἦ τάχα καλλίζωνοσ Ἥρα κεῖνον ἐφ’ ἁμετέρᾳ πέμψει κεφαλᾷ· τὰ δέ που Παλλάδι ξανθᾷ μέλει. τὸν δὲ προσέφα Μελέαγροσ δακρυόεισ· χαλεπὸν θεῶν παρατρέψαι νόον ἄνδρεσσιν ἐπιχθονίοισ. καὶ γὰρ ἂν πλάξιπποσ Οἰνεὺσ παῦσεν καλυκοστεφάνου σεμνᾶσ χόλον Ἀρτέμιδοσ λευκωλένου λισσόμενοσ πολέων τ’ αἰγῶν θυσίαισι πατὴρ καὶ βοῶν φοινικονώτων·

ἀλλ’ ἀνίκατον θεὰ ἔσχεν χόλον· εὐρυβίαν δ’ ἔσσευε κούρα κάπρον ἀναιδομάχαν ἐσ καλλίχορον Καλυδῶ‐ ν’, ἔνθα πλημύρων σθένει ὄρχουσ ἐπέκειρεν ὀδόντι, σφάζε τε μῆλα, βροτῶν θ’ ὅστισ εἰσάνταν μόλοι. τῷ δὲ στυγερὰν δῆριν Ἑλλάνων ἄριστοι στασάμεθ’ ἐνδυκέωσ ἓξ ἄματα συνεχέωσ·

ἐπεὶ δὲ δαίμων κάρτοσ Αἰτωλοῖσ ὄρεξεν, θάπτομεν οὓσ κατέπε‐ φνεν σῦσ ἐριβρύχασ ἐπαί̈σσων βίᾳ, Ἀγκαῖον ἐμῶν τ’ Ἀγέλαον φ[έρτ]ατον κεδνῶν ἀδελφεῶν, οὓσ τέ]κεν ἐν μεγάροισ πατρὸ]σ Ἀλθαία περικλειτοῖσιν Οἰνέοσ· τῶν δ’ ὤ]λεσε μοῖρ’ ὀλοὰ πλεῦνα]σ·

οὐ γάρ πω δαί̈φρων παῦσεν] χόλον ἀγροτέρα Λατοῦσ θυγάτηρ· περὶ δ’ αἴθωνοσ δορᾶσ μαρνάμεθ’ ἐνδυκέωσ Κουρῆσι μενεπτολέμοισ· ἔνθ’ ἐγὼ πολλοῖσ σὺν ἄλλοισ Ἴφικλον κατέκτανον ἐσθλόν τ’ Ἀφάρητα, θοοὺσ μάτρωασ· οὐ γὰρ καρτερόθυμοσ Ἄρησ κρίνει φίλον ἐν πολέμῳ· τυφλὰ δ’ ἐκ χειρῶν βέλη ψυχαῖσ ἔπι δυσμενέων φοι‐ τᾷ θάνατόν τε φέρει τοῖσιν ἂν δαίμων θέλῃ· ταῦτ’ οὐκ ἐπιλεξαμένα Θεστίου κούρα δαί̈φρων μάτηρ κακόποτμοσ ἐμοὶ βούλευσεν ὄλεθρον ἀτάρβακτοσ γυνά·

καῖέ τε δαιδαλέασ ἐκ λάρνακοσ ὠκύμορον φιτρὸν ἀγκλαύσασα, τὸν δὴ μοῖρ’ ἐπέκλωσεν τότε ζωᾶσ ὁρ́ον ἁμετέρασ ἔμμεν. τύχον μὲν Δαϊπύλου Κλύμενον παῖδ’ ἄλκιμον ἐξεναρί‐ ζων ἀμώμητον δέμασ, πύργων προπάροιθε κιχήσασ· τοὶ δὲ πρὸσ εὐκτιμέναν φεῦγον ἀρχαίαν πόλιν Πλευρῶνα· μινύνθη δέ μοι ψυχὰ γλυκεῖα, γνῶν δ’ ὀλιγοσθενέων·

αἰαῖ· πύματον δὲ πνέων δάκρυσα τλ[άμων ἀγλαὰν ἥβαν προλείπων. φασὶν ἀδεισιβόαν Ἀμφιτρύωνοσ παῖδα μοῦνον δὴ τότε τέγξαι βλέφαρον, ταλαπενθέοσ πότμον οἰκτίροντα φωτόσ· καί νιν ἀμειβόμενοσ τοῖ’ ἔφα· θνατοῖσι μὴ φῦναι φέριστον, μηδ’ ἀελίου προσιδεῖν φέγγοσ· ἀλλ’ οὐ γάρ τίσ ἐστιν πρᾶξισ τάδε μυρομένοισ, χρὴ κεῖνο λέγειν ὅ,τι καὶ μέλλει τελεῖν.

ἦ ῥα τισ ἐν μεγάροισ Οἰνῆοσ ἀρηϊφίλου ἔστιν ἀδμήτα θυγάτρων, σοὶ φυὰν ἀλιγκία; τάν κεν λιπαρὰν ἐθέλων θείμαν ἄκοιτιν. τὸν δὲ μενεπτολέμου ψυχὰ προσέφα Μελεά‐ γρου· λίπον χλωραύχενα ἐν δώμασι Δαϊάνειραν, νῆϊν ἔτι χρυσέασ Κύπριδοσ θελξιμβρότου. λευκώλενε Καλλιόπα, στᾶσον εὐποίητον ἁρ́μα αὐτοῦ·

Δία τε Κρονίδαν ὕμνησον Ὀλύμπιον ἀρχαγὸν θεῶν, τόν τ’ ἀκαμαντορόαν Ἀλφεόν, Πέλοπόσ τε βίαν, καὶ Πίσαν, ἔνθ’ ὁ κλεεννὸσ ποσσὶ νικάσασ δρόμῳ ἦλθ]εν Φερένικοσ < ἐσ > εὐπύργουσ Συρακόσ‐ σασ Ιἕρωνι φέρων εὐδ]αιμονίασ πέταλον. χρὴ δ’ ἀλαθείασ χάριν αἰνεῖν, φθόνον ἀμφοτέραισιν χερσὶν ἀπωσάμενον, εἴ τισ εὖ πράσσοι βροτῶν. Βοιωτὸσ ἀνὴρ τᾷδε φών[ησεν, γλυκειᾶν Ἡσίοδοσ πρόπολοσ Μουσᾶν, ὃν < ἂν > ἀθάνατοι τι[μῶσι, τούτῳ καὶ βροτῶν φήμαν ἕπ[εσθαι.

πείθομαι εὐμαρέωσ εὐκλέα κελεύθου γλῶσσαν οὐ[κ ἐκτὸσ δίκασ πέμπειν Ιἕρωνι· τόθεν γὰρ πυθμένεσ θάλλουσιν ἐσθλ[ῶν, τοὺσ ὁ μεγιστοπάτωρ Ζεὺσ ἀκινήτουσ ἐν εἰρήν[ᾳ φυλάσσοι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Bacchylides, Οδεσ ̔Γρεεκ̓, epinicians, ode 5 Τῷ Αὐτῷ Κέλητι Ολύμπια.

(바킬리데스, Οδεσ ̔Γρεεκ̓, epinicians, ode 5 Τῷ Αὐτῷ Κέλητι Ολύμπια.)

상위

목록

SEARCH

MENU NAVIGATION