호흡부호 보기
강세부호 보기
장단부호 보기
작은 Iota 보기
모든 부호 보기
φαίνεσθαι δὲ ἐνύπνιον τὸν Ἀχιλλέα τοῖσ μὲν προσσχοῦσι τῇ νήσῳ, τοῖσ δὲ καὶ πλέουσιν, ἐπειδὰν οὐ πόρρω αὐτῆσ ἀπόσχωσιν, καὶ φράζειν ὅποι προσσχεῖν τῆσ νήσου ἄμεινον καὶ ὅποι ὁρμίσασθαι. οἳ δὲ καὶ ὕπαρ λέγουσιν φανῆναί σφισιν ἐπὶ τοῦ ἱστοῦ ἢ ἐπ̓ ἄκρου τοῦ κέρωσ τὸν Ἀχιλλέα, καθάπερ τοὺσ Διοσκόρουσ·
τοσόνδε μόνον τῶν Διοσκόρων μεῖον ἔχειν τὸν Ἀχιλλέα, ὅσον οἱ μὲν Διόσκοροι τοῖσ πανταχοῦ πλωιζομένοισ ἐναργεῖσ φαίνονται καὶ φανέντεσ σωτῆρεσ γίγνονται, ὃ δὲ τοῖσ πελάζουσιν ἤδη τῇ νήσῳ.
οἳ δὲ καὶ τὸν Πάτροκλόν σφισιν ὀφθῆναι ἐνύπνιον λέγουσιν. τάδε μὲν ὑπὲρ τῆσ νήσου τῆσ τοῦ Ἀχιλλέωσ ἀκοὴν ἀνέγραψα τῶν ἢ αὐτῶν προσσχόντων ἢ ἄλλων πεπυσμένων·
καί μοι δοκεῖ οὐκ ἄπιστα εἶναι. Ἀχιλλέα γὰρ ἐγὼ πείθομαι εἴπερ τινὰ καὶ ἄλλον ἡρ́ω εἶναι, τῇ τε εὐγενείᾳ τεκμαιρόμενοσ καὶ τῷ κάλλει καὶ τῇ ῥώμῃ τῆσ ψυχῆσ καὶ τῷ νέον μεταλλάξαι ἐξ ἀνθρώπων καὶ τῇ Ὁμήρου ἐπ̓ αὐτῷ ποιήσει καὶ τῷ ἐρωτικὸν γενέσθαι καὶ φιλέταιρον, ὡσ καὶ ἐπαποθανεῖν ἑλέσθαι τοῖσ παιδικοῖσ.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기