Arrian, Periplus Ponti Euxini, chapter 11

(아리아노스, Periplus Ponti Euxini, chapter 11)

Τραπεζουντίοισ μέν, καθάπερ καὶ Ξενοφῶν λέγει, Κόλχοι ὅμοροι. καὶ οὓσ λέγει τοὺσ μαχιμωτάτουσ καὶ ἐχθροτάτουσ εἶναι τοῖσ Τραπεζουντίοισ, ἐκεῖνοσ μὲν Δρίλασ ὀνομάζει, ἐμοὶ δὲ δοκοῦσιν οἱ Σάννοι οὗτοι εἶναι. καὶ γὰρ μαχιμώτατοί εἰσιν ἐσ τοῦτο ἔτι καὶ τοῖσ Τραπεζουντίοισ ἐχθρότατοι, καὶ χωρία ὀχυρὰ οἰκοῦσιν, ἔθνοσ ἀβασίλευτον καὶ πάλαι μὲν καὶ φόρου ὑποτελὲσ Ῥωμαίοισ, ὑπὸ δὲ τοῦ λῃστεύειν οὐκ ἀκριβοῦσιν τὴν ἀποφοράν.

ἀλλὰ νῦν γε διδόντοσ θεοῦ ἀκριβώσουσιν, ἢ ἐξελοῦμεν αὐτούσ. τούτων δὲ ἔχονται Μάκρωνεσ καὶ Ἡνίοχοι· βασιλεὺσ δ̓ αὐτῶν Ἀγχίαλοσ.

Μακρώνων δὲ καὶ Ἡνιόχων ἐχόμενοι Ζυδρεῖται· Φαρασμάνου οὗτοι ὑπήκοοι. Ζυδρειτῶν δὲ Λαζοί· βασιλεὺσ δὲ Λαζῶν Μαλάσσασ, ὃσ τὴν βασιλείαν παρὰ σοῦ ἔχει. Λαζῶν δὲ Ἀψίλαι ἔχονται·

βασιλεὺσ δὲ αὐτῶν Ιοὐλιανόσ· οὗτοσ, ἐκ τοῦ πατρὸσ τοῦ σοῦ τὴν βασιλείαν ἔχει.

Ἀψίλαισ δὲ ὅμοροι Ἀβασκοί· καὶ Ἀβασκῶν βασιλεὺσ Ῥησμάγασ· καὶ οὗτοσ παρὰ σοῦ τὴν βασιλείαν ἔχει. Ἀβασκῶν δὲ ἐχόμενοι Σανίγαι, ἵναπερ καὶ ἡ Σεβαστόπολισ ᾤκισται· Σανιγῶν βασιλεὺσ Σπαδάγασ ἐκ σοῦ τὴν βασιλείαν ἔχει. Άψάρου ὡσ πρὸσ ἑώ ἐπλέομεν ἐν δεξιᾷ τοῦ Εὐξείνου, ὁ δὲ Ἄψαροσ πέρασ ἐφάνη μοι εἶναι κατὰ μῆκοσ τοῦ Πόντου·

ἔνθεν γὰρ ἤδη πρὸσ ἄρκτον ὁ πλοῦσ ἡμῖν ἐγίγνετο ἔστε ἐπὶ Χῶβον ποταμόν, καὶ ὑπὲρ τὸν Χῶβον ἐπὶ τὸν Σιγγάμην.

ἀπὸ δὲ Σιγγάμου ἐκάμπτομεν ἐσ τὴν λαιὰν πλευρὰν τοῦ Πόντου ἔστε ἐπὶ τὸν Ἵππον ποταμόν. ἀπὸ δὲ τοῦ Ἵππου ὡσ ἐπ̓ Ἀστέλεφον καὶ Διοσκουριάδα κατείδομεν τὸν Καύκασον τὸ ὄροσ, τὸ ὕψοσ μάλιστα κατὰ τὰσ Ἄλπεισ τὰσ Κελτικάσ.

καὶ τοῦ Καυκάσου κορυφή τισ ἐδείκνυτο ‐ Στρόβιλοσ τῇ κορυφῇ ὄνομα ‐ , ἵναπερ ὁ Προμηθεὺσ κρεμασθῆναι ὑπὸ Ἡφαίστου κατὰ πρόσταξιν Διὸσ μυθεύεται.

일치하는 문장이 없습니다.

SEARCH

MENU NAVIGATION