Arrian, Periplus Ponti Euxini, chapter 21

(아리아노스, Periplus Ponti Euxini, chapter 21)

κατὰ τοῦτο μάλιστα τὸ στόμα ἐπ̓ εὐθὺ πλέοντι ἀνέμῳ ἀπαρκτίᾳ ἰδίωσ τό πέλαγοσ νῆσοσ πρόκειται, ἥντινα οἳ μὲν Ἀχιλλέωσ νῆσον, οἳ δὲ Δρόμον Ἀχιλλέωσ, οἳ δὲ Λευκὴν ἐπὶ τῆσ χρόασ ὀνομάζουσιν. ταύτην λέγεται Θέτισ ἀνεῖναι τῷ παιδί, καὶ ταύτην οἰκεῖν τὸν Ἀχιλλέα.

καὶ νεώσ ἐστιν ἐν αὐτῇ τοῦ Ἀχιλλέωσ, καὶ ξόανον τῆσ παλαιᾶσ ἐργασίασ. ἡ δὲ νῆσοσ ἀνθρώπων μὲν ἐρήμη ἐστίν, νέμεται δὲ αἰξὶν οὐ πολλαῖσ.

καὶ ταύτασ ἀνατιθέναι λέγονται τῷ Ἀχιλλεῖ ὅσοι προσίσχουσι. καὶ ἄλλα πολλὰ ἀναθήματα ἀνάκειται ἐν τῷ νεῷ, φιάλαι καὶ δακτύλιοι καὶ λίθοι τῶν πολυτελεστέρων, καὶ ἐπιγράμματα, τὰ μὲν Ῥωμαῖκῶσ τὰ Ἑλληνικῶσ πεποιημένα ἐν ἄλλῳ καὶ ἄλλῳ μέτρῳ, ἔπαινοι τοῦ Ἀχιλλέωσ. ἔστιν δὲ ἃ καὶ τοῦ Πατρόκλου· καὶ γὰρ καὶ τὸν Πάτροκλον τιμῶσιν σὺν τῷ Ἀχιλλεῖ ὅσοι τῷ Ἀχιλλεῖ χαρίζεσθαι ἐθέλουσιν.

ὄρνιθεσ δὲ πολλοὶ αὐλίζονται ἐν τῇ νήσῳ, λάροι καὶ αἴθυιαι καὶ κορῶναι αἱ θαλάσσιαι τὸ πλῆθοσ οὐ σταθμητοί.

οὗτοι οἱ ὄρνιθεσ θεραπεύουσιν τοῦ Ἀχιλλέωσ τὸν νεών. ἑώθεν ὁσημέραι καταπέτονται ἐσ τὴν θάλασσαν· ἔπειτα ἀπὸ τῆσ θαλάσσησ βεβρεγμένοι τὰ πτερὰ σπουδῇ αὖ ἐσπέτονται ἐσ τὸν νεών, καὶ ῥαίνουσιν τὸν νεών.

ἐπειδὰν δὲ καλῶσ ἔχῃ, οἳ δὲ ἐκκαλλύνουσιν αὖ τὸ ἔδαφοσ τοῖσ πτεροῖσ. οἳ δὲ καὶ τάδε ἱστοροῦσιν.

일치하는 문장이 없습니다.

SEARCH

MENU NAVIGATION