Arrian, Periplus Ponti Euxini, chapter 14

(아리아노스, Periplus Ponti Euxini, chapter 14)

τὰ δὲ ἀπὸ τοῦδε ἤδη Παφλαγονία. ἀπὸ Παρθενίου ἐσ Ἄμαστριν πόλιν Ἑλληνίδα στάδιοι ἐνενήκοντα· ὁρ́μοσ ναυσίν.

ἐνθένδε ἐσ Ἐρυθίνουσ ἑξήκοντα. καὶ ἀπὸ Ἐρυθίνων ἐσ Κρῶμναν ἄλλοι ἐξήκοντα. ἐνθένδε ἐσ Κύτωρον ἐνενήκοντα.

ὁρ́μοσ ναυσὶν ἐν Κυτώρῳ. καὶ ἀπὸ Κυτώρου ἐσ Αἰγιαλοὺσ ἑξήκοντα. ἐσ δὲ Θύμηνα ἐνενήκοντα. καὶ ἐσ Κάραμβιν εἴκοσι καὶ ἑκατόν. ἐνθένδε ἐσ Ζεφύριον ἑξήκοντα.

ἀπὸ δὲ Ζεφυρίου ἐσ Ἀβώνου τεῖχοσ, πόλιν σμικράν, πεντήκοντα καὶ ἑκατόν· ὁρ́μοσ ναυσὶν οὐκ ἀσφαλήσ, σαλεύοιεν δ̓ ἂν ἀπαθεῖσ, εἰ μὴ μέγασ χειμὼν κατάσχοι. ἀπὸ δὲ Ἀβώνου τείχουσ ἐσ Αἰγινήτην ἄλλοι πεντήκοντα καὶ ἑκατόν. ἐνθένδε ἐσ Κίνωλιν ἐμπόριον ἄλλοι ἑξήκοντα.

καὶ ἐν Κινώλι σαλεύοιεν ἂν νῆεσ ὡρ́ᾳ ἔτουσ. ἀπὸ δὲ Κινώλιοσ ἐσ Σιεφάνην ὀγδοήκοντα καὶ ἑκατόν· ὁρ́μοσ ναυσὶν ἀσφαλήσ.

ἀπὸ δὲ Στεφάνησ ἐσ Ποταμοὺσ πεντήκοντα καὶ ἑκατόν. ἐνθένδε ἐσ Λεπτὴν ἄκραν ἑκατὸν καὶ εἴκοσιν. ἀπὸ δὲ Λεπτῆσ ἄκρασ ἐσ Ἁρμένην ἑξήκοντα· λιμὴν αὐτόθι. καὶ Ξενοφῶν τῆσ Ἁρμένησ ἐμνημόνευσεν. καὶ ἔνθεν ἐσ Σινώπην στάδιοι τεσσαράκοντα·

Σινωπῆσ Μιλησίων ἄποικοι. ἀπὸ δὲ Σινώπησ ἐσ Κάρουσαν πεντήκοντα καὶ ἑκατόν· σάλοσ ναυσίν. ἐνθένδε ἐσ Ζάγωρα ἄλλοι αὖ πεντήκοντα καὶ ἑκατόν. ἐνθένδε ἐσ τὸν Ἅλυν ποταμὸν τριακόσιοι.

일치하는 문장이 없습니다.

SEARCH

MENU NAVIGATION