헬라어 문장 검색 - Αρριαν́Περιπλύ08́

(아리아노스, Periplus Ponti Euxini, chapter 8)

ποταμῶν ὧν ἐγὼ ἔγνων κουφότατον ὕδωρ παρεχόμενον καὶ τὴν χρόαν μάλιστα ἐξηλλαγμένον. τὴν μὲν γὰρ κουφότητα τῷ τε σταθμῷ τεκμαίροιτο ἄν τισ , καὶ πρὸ τούτου, ὅτι ἐπιπλεῖ τῇ θαλάσσῃ, οὐχὶ δὲ συμμίγνυται, καθάπερ τῷ Πηνειῷ τὸν Τιταρήσιον λέγει ἐπιρρεῖν Ὅμηροσ ̔καθύπερθεν ἠύτ̓ ἔλαιον̓.

καὶ ἦν κατὰ μὲν τοῦ ἐπιρρέοντοσ βάψαντα γλυκὺ τὸ ὕδωρ ἀνιμήσασθαι, εἰ δὲ ἐσ βάθοσ τισ καθῆκεν τὴν κάλπιν, ἁλμυρόν.

καίτοι ὁ πᾶσ Πόντοσ πολύ τι γλυκυτέρου τοῦ ὑδατόσ ἐστιν ἤπερ ἡ ἔξω θάλασσα· καὶ τούτου τὸ αἴτιον οἱ ποταμοί εἰσιν, οὔτε πλῆθοσ οὔτε μέγεθοσ σταθμητοὶ ὄντεσ. τεκμήριον δὲ τῆσ γλυκύτητοσ εἰ τεκμηρίων δεῖ ἐπὶ τοῖσ αἰσθήσει φαινομένοισ, ὅτι πάντα τὰ βοσκήματα οἱ προσοικοῦντεσ τῇ θαλάσσῃ ἐπὶ τὴν θάλασσαν κατάγουσιν καὶ ἀπ̓ αὐτῆσ ποτίζουσιν·

τὰ δὲ πίνοντά τε ἡδέωσ ὁρᾶται, καὶ λόγοσ κατέχει ὅτι καὶ ὠφέλιμον αὐτοῖσ τοῦτο τὸ ποτόν ἐστιν τοῦ γλυκέοσ μᾶλλον, ἡ δὲ χρόα τῷ Φάσιδι οἱά ἀπὸ μολίβδου ἢ κασσιτέρου βεβαμμένου τοῦ ὕδατοσ·

καταστὰν δὲ καθαρώτατον γίγνεται.

οὐ τοίνυν νενόμισται ἐσκομίσαι ὕδωρ ἐσ τὸν Φᾶσιν τοὺσ ἐσπλέοντασ, ἀλλ̓ ἐπειδὰν ἐσβάλωσιν ἤδη ἐσ τὸν ῥοῦν, παραγγέλλεται πᾶν ἐκχέαι τὸ ἐνὸν ὕδωρ ἐν ταῖσ ναυσίν· εἰ δὲ μή, λόγοσ κατέχει ὅτι οἱ τούτου ἀμελήσαντεσ οὐκ εὐπλοοῦσιν. τὸ δὲ ὕδωρ τοῦ Φάσιδοσ οὐ σήπεται, ἀλλὰ μένει ἀκραιφνὲσ καὶ ὑπὲρ δέκατον ἔτοσ, πλήν γε δὴ ὅτι τὸ γλυκύτερον μεταβάλλει.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Arrian, Periplus Ponti Euxini, chapter 8

(아리아노스, Periplus Ponti Euxini, chapter 8)

상위

목록

SEARCH

MENU NAVIGATION