Arrian, Cynegeticus, chapter 21

(아리아노스, Cynegeticus, chapter 21)

θηρῶσιν δὲ Κελτοὶ καὶ ἀναμιγνύοντεσ τοῖσ ἰχνευταῖσ κυσὶν τὰσ ὠκείασ. καὶ οἳ μὲν μαστεύουσιν, αὐτοὶ δὲ διίστανται, μετὰ χεῖρασ ἔχοντεσ τὰσ κύνασ τὰσ ἀγαθάσ, οἷπερ μάλιστα εἰκὸσ τὸν λαγῶ ἀπευθῦναι τὸν δρόμον, ὥστε ἐφιέναι τῶν κυνῶν ὅπωσ ἄν τῳ προχωρῇ. καὶ εἰσὶν αἱ κύνεσ αὗται ὅ τι περ αἱ ἄρκυσ τῷ Ξενοφῶντι ἐκείνῳ.

ἀλλ̓ ἄτακτοί τε οὕτω γίγνονται οἱ δρόμοι καὶ ὁ λαγώσ, εἰ καὶ πάνυ ἀγαθὸσ ὢν τύχοι, τὰ πολὺ ὑπὸ τῆσ κλαγγῆσ τῶν κυνῶν ἐκπλήσσεται, καὶ εἰ μὴ πρὸ πολλοῦ τύχοι προπηδήσασ, ὡσ καταστῆναι αὐτῷ τὴν γνώμην, ἁλίσκεται εὐμαρῶσ, ἔκφρων γενόμενοσ. χρὴ οὗν ὅστισ ἐπιλύει κύνα ἀγαθήν, μὴ ἐφεῖναι ἔτι θορυβουμένῳ, ἀλλ̓ ἐάσαντα ἐξελιχθῆναι τοὺσ ἑλιγμοὺσ τοὺσ πρώτουσ, οὕτω μεθεῖναι τὴν κύνα, εἰ μὴ διαφθεῖραι ἐθέλει τὴν θέαν.

SEARCH

MENU NAVIGATION