헬라어 문장 검색 - Αρριαν́Ξψνεγετ́17́

(아리아노스, Cynegeticus, chapter 16)

κράτιστοι δὲ τῶν λαγῶν οἱ ἐν τόποισ περιφανέσιν καὶ ἀναπεπταμένοισ τὰσ εὐνὰσ ἔχοντεσ· ὑπὸ θάρρουσ γὰρ οὐκ ἀποκρύπτουσιν σφᾶσ, ἀλλὰ προκαλοῦνται, ἐμοὶ δοκεῖν, τὰσ κύνασ. οἱ δὲ αὐτοὶ οὗτοι ἐπειδὰν διώκωνται, οὐκ ἐπὶ τὰσ νάπασ φεύγουσιν οὐδὲ ἐπὶ τὰ ἄλση, εἰ καὶ πάνυ πλησίον τύχοι ὄντα, ὥστε εὐμαρῶσ ἀφελέσθαι αὐτοὺσ τοῦ κινδύνου, ἀλλ̓ ἐσ τὰ πεδία βιάζονται, ἐρίζοντεσ πρὸσ τὰσ κύνασ.

καὶ εἰ μὲν βραδεῖαι κύνεσ ἕποιντο αὐτοῖσ, τοσοῦτον ὅσον διώκονται θέουσιν· εἰ δὲ ὠκεῖαι, ὅση δύναμισ. πολλάκισ δὲ ἤδη ἐσ τὰ πεδία ἐκτραπέντεσ εἰ αἴσθοιντο ἐφομαρτοῦσαν κύνα ἀγαθήν, ὡσ ἐπισκιάζεσθαι ὑπ̓ αὐτῆσ, θαμινὰ ἐν τοῖσ ἐξελιγμοῖσ διαρρίψαντεσ αὐτὴν οἳ δὲ τρέπονται αὖ ἐπὶ τὰσ νάπασ, ἢ εἴ που κατάδυσιν γιγνώσκοιεν.

καὶ τοῦτο τεκμήριον ποιητέον ὅτι ἐκράτησεν ἡ κύων τοῦ λαγώ· οὐ γάρ τοι ἐπὶ τῷ ἁλῶναι τὸ θηρίον ἐξάγουσιν τὰσ κύνασ ἀλλ̓ ἐσ ἀγῶνα δρόμου καὶ ἅμιλλαν οἵ γε τῇ ἀληθείᾳ κυνηγετικοί.

καὶ ἀγαπῶσιν εἰ ἐπιτύχοι ὁ λαγὼσ τοῦ διασώσοντοσ, καὶ καταφυγόντα ἐσ ἀκάνθασ ἔστιν ὅτε ὀλίγασ καὶ ἐπτηχότα καὶ ἀπαγορεύοντα ἰδόντεσ οἳ δὲ ἀνακαλοῦσιν τὰσ κύνασ, καὶ μάλιστα δή, εἰ καλῶσ διαγωνίσαιτο. ὥστε πολλάκισ ἤδη ἔγωγε ἐφ̓ ἵππου ἐφομαρτῶν τῷ δρόμῳ καὶ ἁλόντι ἐπελθὼν ζῶντα ἀφειλόμην, καὶ ἀφελόμενοσ καὶ δήσασ τὴν κύνα ἀφῆκα διαφυγεῖν τὸν λαγῶ.

καὶ εἰ ὕστεροσ ἀφικόμην ἢ ὥστε διασῶσαι, ἔπαισα τὴν κεφαλήν, ὅτι ἀνταγωνιστὴν ἄρα ἀγαθὸν ἀπώλεσαν αἱ κύνεσ. καὶ τούτου μόνου ἕνεκα οὐ σύμφημι τῷ ἐμαυτοῦ ὁμωνύμῳ, ἀλλ̓ εὑρισκόμενον μὲν ὅστισ ἴδοι τὸ θηρίον καὶ διωκόμενον καὶ μεταθεόμενον, συγχωρῶ διότι ἐπιλάθοιτο ἂν εἴ του ἐρῴη·

ἁλισκόμενον δὲ ἰδεῖν οὔτε ἡδὺ τὸ θέαμα ἀποφαίνω οὔτε ἐκπληκτικὸν ἀλλ̓ ἀνιαρὸν μᾶλλον, καὶ οὐκ ἂν ἐπί γε τούτῳ ἐπιλαθέσθαι ἄν τινα εἴ του ἐρῴη. ἀλλ̓ ἐκείνῳ γε τῷ Ξενοφῶντι, οὐκ ἐγνωκότι τὰσ ὠκείασ κύνασ, συγγνωστὸν εἰ καὶ ἁλισκόμενοσ λαγὼσ μέγα θέαμα ἐφαίνετο.

ἐφομαρτούσασ δὲ τῷ δρόμῳ ἐπικλάζειν εἰ καὶ μὴ παρακελευσαίμην, οἶδα ὅτι πολλὴ ἀνάγκη·

ὥστε κἂν ἄναυδον κύνα ῥῆξαι φωνήν, οὐ μεῖον ἤ, ὡσ λόγοσ, τὸν Κροίσου υἱέα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Arrian, Cynegeticus, chapter 16

(아리아노스, Cynegeticus, chapter 16)

상위

목록

SEARCH

MENU NAVIGATION