호흡부호 보기
강세부호 보기
장단부호 보기
작은 Iota 보기
모든 부호 보기
προάγειν δὲ τὰσ κύνασ τοὐλάχιστον τετράκισ ἐπὶ τῇ ἡμέρᾳ ἐσ ὁμαλὸν χωρίον καὶ καθαρόν. ἐνταῦθα ἀφιέναι τοῦ δεσμοῦ, τῶν τε ἀναγκαίων ἕνεκα καὶ ἐσ τὸ ἀποσκιρτᾶν καὶ διαθεῖν· εἰ δὲ ἀργοῦσαι ἀπὸ θήρασ τύχοιεν, καὶ πλεονάκισ τοῦτο δρᾶν.
καὶ δύο ἐπιλύειν ἐν ταὐτῷ, ὥστε ἁμιλλωμένασ καὶ παιζούσασ ὁμοῦ μὲν εὐφραίνεσθαι ὁμοῦ δὲ γυμνάζεσθαι. πολλὰσ δὲ μὴ λύειν ἐν ταὐτῷ·
ἐμπίπτουσαι γὰρ ἀλλήλαισ ἔστιν ὅτε μεγάλα κακὰ ἐργάζονται. ἀλλὰ μηδὲ σκληρὰν κύνα καὶ πεπηγυῖαν ἅμα τῇ σκυλακευομένῃ λυέτω·
βαρεῖα γὰρ αὕτη καὶ ἀνιαρὰ συμφέρεσθαι, καὶ διώκουσά τε αἱρεῖ καὶ ἀποφεύγουσα ἀπολείπει εὐμαρῶσ, ὥστε ἀθυμεῖν ἀνάγκη τὸ σκυλάκιον ἐν ἑκατέρῳ μεῖον φερόμενον. ἀλλὰ μηδὲ ὅσαι διεχθρεύουσιν ἀλλήλαισ, μηδὲ ταύτασ λύειν ὁμοῦ, ὡσ μὴ λυμαίνωνται ἀλλήλασ·
εἰσὶν γάρ τοι κύνεσ ἐχθραὶ ἀλλήλαισ καὶ ἄφιλοι, καθάπερ ἄνθρωποι, καὶ μάλιστα δὴ οἵ τε ἄρρενεσ τοῖσ ἄρρεσιν καὶ αἱ θήλειαι ταῖσ θηλείαισ, τὸ πολὺ ὑπὸ φθόνου. καὶ οὐδὲ τούτων ἀμελῶσ χρὴ ἔχειν.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기