Arrian, Cynegeticus, chapter 11

δεδέσθαι δὲ κύνα γενναίαν δἰ ἡμέρασ, ὥσπερ τι ἄλλο, ἀγαθόν· εἰ δὲ μή, ἀναγώγουσ ἀποτελεῖσθαι ἀνάγκη. καὶ εἴ ποτε ἄρα δεσμοῦ δεηθεῖεν, ἀσχάλλουσιν καὶ κλαυθμυρίζονται καὶ ἀπεσθίουσιν τοὺσ ἱμάντασ· ὥστε σιδήρου δεῖν ἐπ̓ αὐταῖσ, καθάπερ ἐπὶ ἀνθρώποισ τοῖσ κακούργοισ. καὶ ἐσθίειν δὲ ἀνάγκη λελυμένην κύνα πᾶν τὸ ἐμπεσόν, καὶ τὸ ἀκμαῖον τοῦ δρόμου ἀφαιρεῖται αὐτῶν ὁ δἰ ἡμέρασ περίπατοσ.

ἀλλὰ χρὴ τεταγμένα μὲν περιπατεῖν, τὸ πολὺ δὲ ἀμπαύεσθαι.