호흡부호 보기
강세부호 보기
장단부호 보기
작은 Iota 보기
모든 부호 보기
ἐσθίουσιν δὲ αἳ μὲν λάβρωσ αἳ δὲ κοσμίωσ, καὶ τὸ κόσμιον γενναιότερον τοῦ ἀκόσμου. ἀγαθαὶ δέ, ὅσαι μὴ κακόσιτοι, ἀλλ̓ ἄρτῳ ἢ μάζῃ χαίρουσιν·
κράτιστον γὰρ κυνὶ τοῦτο σιτίον, καὶ οὐ δέοσ μὴ ὑπερεμπλησθῇ ἀπ̓ αὐτοῦ. ἄμεινον δὲ εἰ ξηρᾷ τῇ τροφῇ χαίροιεν. εἰ δὲ καὶ ὕδατι καταβρέχοισ καὶ τούτῳ χαίροιεν, οὐ κακόν. καμνούσῃ δὲ ἐμβάλλειν ἢ ὕδωρ ἀπὸ κρέωσ λιπαροῦ, ἢ βοὸσ ἧπαρ ἐν σποδιᾷ θερμῇ φρύξαντα, ἔπειτα τρίψαντα καθάπερ ἄλφιτα ἐπιπάττειν.
καὶ ταῖσ γε σκυλακευομέναισ ἀγαθὸν τοῦτο ἐσ τὸ πῆξαι τὰ μέλη, ἐπειδὰν ἀποπαύσωνται τοῦ γάλακτοσ.
τὸ γάλα δὲ σκυλακεῦσαι κράτιστον ἐσ ἔνατον μῆνα καὶ πορρωτέρω· καὶ καμνούσῃ δὲ καὶ μαλθακιζομένῃ ἀγαθὸν καὶ πῶμα καὶ σιτίον, ἀγαθὴ δὲ καὶ ἀσιτία καμνούσῃ. οὐδὲν δὲ οἱο͂ν εὐνὴ μαλθακὴ καὶ ἀλεεινή.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기