헬라어 문장 검색 - Αρριαν́Ξψνεγετ́08́

(아리아노스, Cynegeticus, chapter 7)

αὐτίκα ὅσαι σκυθρωπαὶ κύνεσ πρὸσ ἅπαντασ, οὐ γενναῖαι· εἰ δὲ ἔστιν ἃσ εὑρ́οισ πρὸσ μὲν τοὺσ ἀγνῶτασ χαλεπάσ, τῷ δὲ ἀνατρέφοντι προσφιλεῖσ, τοῦτο ἀγαθὸν μᾶλλον ἢ κακόν. ἤδη δὲ ἔγνων κύνα, ἥτισ οἴκοι μὲν κατηφὴσ ἦν καὶ οὐδενὶ τῶν πλησιαζόντων ἔχαιρεν·

ἐπὶ θήραν δὲ ἐξαγομένη ὑπερηυφραίνετο καὶ παντὶ τῷ προσελθόντι προσμειδιῶσα καὶ προσσαίνουσα διεδήλου ὅτι ἀνιᾶται οἴκοι μένουσα. καὶ τοῦτο ἀγαθόν.

κράτισται δὲ αἱ φιλανθρωπόταται καὶ ὅσαισ οὐκ ἔστιν ξένον ὄψισ ἀνθρώπου οὐδενόσ. ὅσαι δὲ ἀνθρώπουσ δεδίασιν καὶ ὑπὸ ψόφου ἐκπλήσσονται καὶ θορυβώδεισ εἰσὶν καὶ ἐπὶ πολλὰ καὶ εἰκῇ κινοῦνται [ ‐ καὶ ταῦτα ἀλογίστων ἐστὶν καὶ οὐκ ἐμφρόνων ‐ ], καθάπερ ἄνθρωποι οἱ δειλοὶ καὶ ἔκφρονεσ, οὕτω δὲ καὶ αἱ κύνεσ αἱ τοιαῦται οὔποτε ἂν εἰε͂ν γενναῖαι. κακαὶ δὲ καὶ ὅσαι λυθεῖσαι τοῦ δεσμοῦ ἐν χωρίῳ οὐκ ἐπανίασιν ἐπὶ τὸν ἄγοντα ἀνακαλούμεναι, ἀλλ̓ ἀποσκιρτῶσιν, καὶ ἢν μὲν πράωσ μετακαλῇσ, καταφρονοῦσιν, ἢν δὲ σὺν ἀπειλῇ, δειμαίνουσαι οὐ προσίασιν.

ἀλλὰ χρὴ ἀποσκιρτήσασαν τὴν κύνα καὶ περιδραμοῦσαν ἐπανιέναι ἐπὶ τὸν κυναγωγόν, εἰ καὶ μὴ καλοίη αὐτήν, σημαίνουσαν ὅτι οἱά τε ὑπακούειν, εἰ δὴ ἐθέλει·

ἔτι δὲ εἰ μὴ λαμβάνοιτο, πάλιν αὖ ἀποσκιρτάτω, καὶ πάλιν ἐπανίτω. πεπαιδευμέναι δέ, ὅσαι φθεγξαμένου τοῦ κυναγωγοῦ ὑποκατακλίνονται, μὴ ὑπὸ δέουσ, ἀλλὰ φιλοφρονούμεναι τὸν τροφέα καὶ τιμῶσαι, καθάπερ οἱ προσκυνοῦντεσ μέγαν βασιλέα.

οὐδὲ τὸ ἵστασθαι δὲ ἐν πεδίῳ λυθεῖσαν κύνα ἀγαθόν, εἰ μὴ πρεσβυτέρα τύχοι· ὄκνον γὰρ σημαίνει. ταῖσ δὲ γενναιοτάταισ καὶ ἐπισκύνιον πρόσεστιν, καὶ σοβαραὶ φαίνονται, καὶ τὸ βάδισμα κοῦφον καὶ πυκνὸν καὶ ἁβρόν·

καὶ μεταβάλλουσιν τὰσ πλευράσ, καὶ τὸν τράχηλον ἀνατείνουσιν, καθάπερ οἱ ἵπποι, ἐπειδὰν λαμπρύνωσιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Cynegeticus, chapter 7

(아리아노스, Cynegeticus, chapter 7)

상위

목록

SEARCH

MENU NAVIGATION