헬라어 문장 검색 - Αρριαν́Ξψνεγετ́03́

(아리아노스, Cynegeticus, chapter 2)

ὅτι μὲν δὴ οὐκ ἠπίστατο τὸ γένοσ τῶν κυνῶν τὸ Κελτικόν, δοκῶ ἔγωγε ὡσ οὐδὲ τεκμηρίων δεῖ πρὸσ αὐτό· ἄγνωστα γὰρ ἦν τὰ ἔθην τῆσ Εὐρώπησ, ὅσα ταύτῃ ᾤκισται, ὅτι μὴ τῆσ Ἰταλίασ ὅσα Ἕλληνεσ κατεῖχον, ἢ ὅσοισ κατ̓ ἐμπορίαν διὰ θαλάσσησ ἐπεμίγνυον. ὡσ δὲ οὐδὲ ἄλλο γένοσ κυνῶν ἐγίγνωσκεν, ὃ κατὰ ὠκύτητα ἐοίκεν τῷ Κελτικῷ, τεκμαίρεσθαι ὑπάρχει ἀπὸ τῶνδε.

λέγει γὰρ ὡσ ὅσοι ἁλίσκονται λαγῲ ὑπὸ κυνῶν, παρὰ φύσιν σώματοσ ἁλίσκονται ἢ τύχῃ χρησάμενοι. εἰ δέ γε ἠπίστατο τὰσ κύνασ τὰσ Κελτικάσ, ταὐτὸν τοῦτο δοκεῖ ἄν μοι ἀποφήνασθαι περὶ τῶν κυνῶν, ὡσ ὁπόσουσ λαγὼσ οὐχ αἱροῦσιν κύνεσ κατὰ πόδασ, παρὰ φύσιν σώματοσ οὐχ αἱροῦσιν ἢ τύχῃ χρησάμεναι.

ὡσ ὅσαι γε ἀγαθαὶ τὸ σῶμα καὶ τὸν θυμόν γενναῖαι, ταύτασ δὲ οὐκ ἄν ποτε διαφύγοι λαγώσ, εἰ μή τισ δυσχωρία ἐμποδὼν γένοιτο, ἢ ὕλη ἀποκρύψασα, ἢ κατάδυσισ κοίλη καὶ βαθεῖα ἀφελομένη, ἢ τάφροσ διαδραμεῖν ἐν τῷ ἀφανεῖ παρασχοῦσα. ἐνθένδε, οἶμαι, ὅπωσ μὲν ἐπὶ τὰσ ἄρκυσ χρὴ ἐπελαύνειν τὸ λαγῶ ἐπεξέρχεται τῷ λόγῳ, καὶ εἰ παραδράμοι τὰσ ἄρκυσ, ὅπωσ χρὴ μεταθεῖν αὐτὸν καὶ ἀνευρίσκειν κατὰ τὸ ἴχνοσ, ἔστε ἁλῶναι ἀπαγορεύσαντα ὑπὸ καμάτου.

ὅτι δὲ οὐδὲν οὔτε ἀρκύων δεῖ τῷ κύνασ ἀγαθὰσ κεκτημένῳ οὔτε τοῦ μαστεύειν διαφυγόντα, οὐδαμοῦ τοῦτο ἐδήλωσεν, ἀλλὰ τὴν θήραν ταύτην μόνην ἐξηγεῖται, ἣν Κᾶρεσ τε καὶ Κρῆτεσ θηρῶσιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Arrian, Cynegeticus, chapter 2

(아리아노스, Cynegeticus, chapter 2)

상위

목록

SEARCH

MENU NAVIGATION