Arrian, Cynegeticus, chapter 2

(아리아노스, Cynegeticus, chapter 2)

ὅτι μὲν δὴ οὐκ ἠπίστατο τὸ γένοσ τῶν κυνῶν τὸ Κελτικόν, δοκῶ ἔγωγε ὡσ οὐδὲ τεκμηρίων δεῖ πρὸσ αὐτό· ἄγνωστα γὰρ ἦν τὰ ἔθην τῆσ Εὐρώπησ, ὅσα ταύτῃ ᾤκισται, ὅτι μὴ τῆσ Ἰταλίασ ὅσα Ἕλληνεσ κατεῖχον, ἢ ὅσοισ κατ̓ ἐμπορίαν διὰ θαλάσσησ ἐπεμίγνυον. ὡσ δὲ οὐδὲ ἄλλο γένοσ κυνῶν ἐγίγνωσκεν, ὃ κατὰ ὠκύτητα ἐοίκεν τῷ Κελτικῷ, τεκμαίρεσθαι ὑπάρχει ἀπὸ τῶνδε.

λέγει γὰρ ὡσ ὅσοι ἁλίσκονται λαγῲ ὑπὸ κυνῶν, παρὰ φύσιν σώματοσ ἁλίσκονται ἢ τύχῃ χρησάμενοι. εἰ δέ γε ἠπίστατο τὰσ κύνασ τὰσ Κελτικάσ, ταὐτὸν τοῦτο δοκεῖ ἄν μοι ἀποφήνασθαι περὶ τῶν κυνῶν, ὡσ ὁπόσουσ λαγὼσ οὐχ αἱροῦσιν κύνεσ κατὰ πόδασ, παρὰ φύσιν σώματοσ οὐχ αἱροῦσιν ἢ τύχῃ χρησάμεναι.

ὡσ ὅσαι γε ἀγαθαὶ τὸ σῶμα καὶ τὸν θυμόν γενναῖαι, ταύτασ δὲ οὐκ ἄν ποτε διαφύγοι λαγώσ, εἰ μή τισ δυσχωρία ἐμποδὼν γένοιτο, ἢ ὕλη ἀποκρύψασα, ἢ κατάδυσισ κοίλη καὶ βαθεῖα ἀφελομένη, ἢ τάφροσ διαδραμεῖν ἐν τῷ ἀφανεῖ παρασχοῦσα. ἐνθένδε, οἶμαι, ὅπωσ μὲν ἐπὶ τὰσ ἄρκυσ χρὴ ἐπελαύνειν τὸ λαγῶ ἐπεξέρχεται τῷ λόγῳ, καὶ εἰ παραδράμοι τὰσ ἄρκυσ, ὅπωσ χρὴ μεταθεῖν αὐτὸν καὶ ἀνευρίσκειν κατὰ τὸ ἴχνοσ, ἔστε ἁλῶναι ἀπαγορεύσαντα ὑπὸ καμάτου.

ὅτι δὲ οὐδὲν οὔτε ἀρκύων δεῖ τῷ κύνασ ἀγαθὰσ κεκτημένῳ οὔτε τοῦ μαστεύειν διαφυγόντα, οὐδαμοῦ τοῦτο ἐδήλωσεν, ἀλλὰ τὴν θήραν ταύτην μόνην ἐξηγεῖται, ἣν Κᾶρεσ τε καὶ Κρῆτεσ θηρῶσιν.

SEARCH

MENU NAVIGATION