Aristophanes, Wasps, Episode

εἴ τισ θύρασιν ἡλιαστήσ, εἰσίτω· ὡσ ἡνίκ’ ἂν λέγωσιν οὐκ ἐσφρήσομεν. τίσ ἆρ’ ὁ φεύγων; οὗτοσ. ὅσον ἁλώσεται. ἀκούετ’ ἤδη τῆσ γραφῆσ. ἐγράψατο κύων Κυδαθηναιεὺσ Λάβητ’ Αἰξωνέα τὸν τυρὸν ἀδικεῖν ὅτι μόνοσ κατήσθιεν τὸν Σικελικόν. τίμημα κλῳὸσ σύκινοσ. θάνατοσ μὲν οὖν κύνειοσ, ἢν ἅπαξ ἁλῷ. καὶ μὴν ὁ φεύγων οὑτοσὶ Λάβησ πάρα. ὦ μιαρὸσ οὗτοσ· ὡσ δὲ καὶ κλέπτον βλέπει, οἱο͂ν σεσηρὼσ ἐξαπατήσειν μ’ οἰέται. ποῦ δ’ <ἔσθ’> ὁ διώκων, ὁ Κυδαθηναιεὺσ κύων;