Aristophanes, Wasps, Episode 2:

(아리스토파네스, Wasps, Episode 2:)

φέρε νυν τίν’ αὐτῷ πρῶτον εἰσαγάγω δίκην; τί τίσ κακὸν δέδρακε τῶν ἐν τᾠκίᾳ; ἡ Θρᾷττα προσκαύσασα πρώην τὴν χύτραν ‐ ἐπίσχεσ οὗτοσ· ὡσ ὀλίγου μ’ ἀπώλεσασ. ἄνευ δρυφάκτου τὴν δίκην μέλλεισ καλεῖν, ὃ πρῶτον ἡμῖν τῶν ἱερῶν ἐφαίνετο; μὰ τὸν Δί’ οὐ πάρεστιν. ἀλλ’ ἐγὼ δραμὼν αὐτὸσ κομιοῦμαι τό γε παραυτίκ’ ἔνδοθεν. τί ποτε τὸ χρῆμ’; ὡσ δεινὸν ἡ φιλοχωρία. βάλλ’ ἐσ κόρακασ. τοιουτονὶ τρέφειν κύνα. τί δ’ ἔστιν ἐτεόν; οὐ γὰρ ὁ Λάβησ ἀρτίωσ ὁ κύων παρᾴξασ ἐσ τὸν ἰπνὸν ὑφαρπάσασ τροφαλίδα τυροῦ Σικελικὴν κατεδήδοκεν; τοῦτ’ ἆρα πρῶτον τἀδίκημα τῷ πατρὶ εἰσακτέον μοι· σὺ δὲ κατηγόρει παρών. μὰ Δί’ οὐκ ἔγωγ’· ἀλλ’ ἅτερόσ φησιν κύων κατηγορήσειν, ἤν τισ εἰσάγῃ γραφήν. ἴθι νυν ἄγ’ αὐτὼ δεῦρο. ταῦτα χρὴ ποιεῖν. τουτὶ τί ἔστι; χοιροκομεῖον Ἑστίασ. εἶθ’ ἱεροσυλήσασ φέρεισ; οὔκ, ἀλλ’ ἵνα ἀφ’ Ἑστίασ ἀρχόμενοσ ἐπιτρίψω τινά. ἀλλ’ εἴσαγ’ ἀνύσασ· ὡσ ἐγὼ τιμᾶν βλέπω. φέρε νυν ἐνέγκω τὰσ σανίδασ καὶ τὰσ γραφάσ. οἴμοι διατρίβεισ κἀπολεῖσ τριψημερῶν· ἐγὼ δ’ ἀλοκίζειν ἐδεόμην τὸ χωρίον. ἰδού. κάλει νυν. ταῦτα δή. τίσ οὑτοσὶ ὁ πρῶτόσ ἐστιν; ἐσ κόρακασ, ὡσ ἄχθομαι ὁτιὴ ’πελαθόμην τοὺσ καδίσκουσ ἐκφέρειν. οὗτοσ σὺ ποῖ θεῖσ; ἐπὶ καδίσκουσ. μη δαμῶσ. ἐγὼ γὰρ εἶχον τούσδε τοὺσ ἀρυστίχουσ. κάλλιστα τοίνυν· πάντα γὰρ πάρεστι νῷν ὅσων δεόμεθα, πλήν γε δὴ τῆσ κλεψύδρασ. ἡδὶ δὲ δὴ τίσ ἐστιν; οὐχὶ κλεψύδρα; εὖ γ’ ἐκπορίζεισ αὐτὰ κἀπιχωρίωσ. ἀλλ’ ὡσ τάχιστα πῦρ τισ ἐξενεγκάτω καὶ μυρρίνασ καὶ τὸν λιβανωτὸν ἔνδοθεν, ὅπωσ ἂν εὐξώμεσθα πρῶτα τοῖσ θεοῖσ.

일치하는 문장이 없습니다.

SEARCH

MENU NAVIGATION