Aristophanes, Wasps, Episode

(아리스토파네스, Wasps, Episode)

ἴθ’ ὦ πάτερ πρὸσ τῶν θεῶν ἐμοὶ πιθοῦ. τί σοι πίθωμαι; λέγ’ ὅ τι βούλει πλὴν ἑνόσ. ποίου; φέρ’ ἴδω. τοῦ μὴ δικάζειν. τοῦτο δὲ Αἵδησ διακρινεῖ πρότερον ἢ ’γὼ πείσομαι. σὺ δ’ οὖν, ἐπειδὴ τοῦτο κεχάρηκασ ποιῶν, ἐκεῖσε μὲν μηκέτι βάδιζ’, ἀλλ’ ἐνθάδε αὐτοῦ μένων δίκαζε τοῖσιν οἰκέταισ. περὶ τοῦ; τί ληρεῖσ; ταὔθ’ ἅπερ ἐκεῖ πράττεται· ὅτι τὴν θύραν ἀνέῳξεν ἡ σηκὶσ λάθρᾳ, ταύτησ ἐπιβολὴν ψηφιεῖ μίαν μόνην. πάντωσ δὲ κἀκεῖ ταῦτ’ ἔδρασ ἑκάστοτε. καὶ ταῦτα μέν νυν εὐλόγωσ, ἢν ἐξέχῃ ἕλη κατ’ ὄρθρον, ἡλιάσει πρὸσ ἥλιον· ἐὰν δὲ νείφῃ, πρὸσ τὸ πῦρ καθήμενοσ· ὑόντοσ εἴσει· κἄν ἔγρῃ μεσημβρινόσ, οὐδείσ σ’ ἀποκλῄσει θεσμοθέτησ τῇ κιγκλίδι. τουτί μ’ ἀρέσκει. πρὸσ δὲ τούτοισ γ’, ἢν δίκην λέγῃ μακράν τισ, οὐχὶ πεινῶν ἀναμενεῖσ δάκνων σεαυτὸν καὶ τὸν ἀπολογούμενον. πῶσ οὖν διαγιγνώσκειν καλῶσ δυνήσομαι ὥσπερ πρότερον τὰ πράγματ’ ἔτι μασώμενοσ; πολλῷ γ’ ἄμεινον· καὶ λέγεται γὰρ τουτογί, ὡσ οἱ δικασταὶ ψευδομένων τῶν μαρτύρων μόλισ τὸ πρᾶγμ’ ἔγνωσαν ἀναμασώμενοι. ἀνά τό με πείθεισ. ἀλλ’ ἐκεῖν’ οὔπω λέγεισ, τὸν μισθὸν ὁπόθεν λήψομαι. παρ’ ἐμοῦ. καλῶσ, ὁτιὴ κατ’ ἐμαυτὸν κοὐ μεθ’ ἑτέρου λήψομαι. αἴσχιστα γάρ τοί μ’ ἠργάσατο Λυσίστρατοσ ὁ σκωπτόλησ. δραχμὴν μετ’ ἐμοῦ πρώην λαβὼν ἐλθὼν διεκερματίζετ’ ἐν τοῖσ ἰχθύσιν, κἄπειτ’ ἐνέθηκε τρεῖσ λοπίδασ μοι κεστρέων· κἀγὼ ’νέκαψ’· ὀβολοὺσ γὰρ ᾠόμην λαβεῖν· κᾆτα βδελυχθεὶσ ὀσφρόμενοσ ἐξέπτυσα· κᾆθ’ εἷλκον αὐτόν. ὁ δὲ τί πρὸσ ταῦτ’ εἶφ’; ὅ τι; ἀλεκτρυόνοσ μ’ ἔφασκε κοιλίαν ἔχειν· ταχὺ γοῦν καθέψεισ τἀργύριον, ἦ δ’ ὃσ λέγων. ὁρᾷσ ὅσον καὶ τοῦτο δῆτα κερδανεῖσ. οὐ πάνυ τι μικρόν. ἀλλ’ ὅπερ μέλλεισ ποίει. ἀνάμενέ νυν· ἐγὼ δὲ ταῦθ’ ἥξω φέρων.

일치하는 문장이 없습니다.

SEARCH

MENU NAVIGATION