Aristophanes, Wasps, Prologue 3:

(아리스토파네스, Wasps, Prologue 3:)

ἄλλωσ φλυαρεῖτ’· οὐ γὰρ ἐξευρήσετε. εἰ δὴ ’πιθυμεῖτ’ εἰδέναι, σιγᾶτε νῦν. φράσω γὰρ ἤδη τὴν νόσον τοῦ δεσπότου. φιληλιαστήσ ἐστιν ὡσ οὐδεὶσ ἀνήρ, ἐρᾷ τε τούτου, τοῦ δικάζειν, καὶ στένει ἢν μὴ ’πὶ τοῦ πρώτου καθίζηται ξύλου. ὕπνου δ’ ὁρᾷ τῆσ νυκτὸσ οὐδὲ πασπάλην. ἢν δ’ οὖν καταμύσῃ κἂν ἄχνην, ὅμωσ ἐκεῖ ὁ νοῦσ πέτεται τὴν νύκτα περὶ τὴν κλεψύδραν. ὑπὸ τοῦ δὲ τὴν ψῆφόν γ’ ἔχειν εἰωθέναι τοὺσ τρεῖσ ξυνέχων τῶν δακτύλων ἀνίσταται, ὥσπερ λιβανωτὸν ἐπιτιθεὶσ νουμηνίᾳ. καὶ νὴ Δί’ ἢν ἴδῃ γέ που γεγραμμένον υἱὸν Πυριλάμπουσ ἐν θύρᾳ Δῆμον καλόν, ἰὼν παρέγραψε πλησίον "κημὸσ καλόσ. " τὸν ἀλεκτρυόνα δ’, ὃσ ᾖδ’ ἀφ’ ἑσπέρασ, ἔφη ὄψ’ ἐξεγείρειν αὐτὸν ἀναπεπεισμένον, παρὰ τῶν ὑπευθύνων ἔχοντα χρήματα. εὐθὺσ δ’ ἀπὸ δορπηστοῦ κέκραγεν ἐμβάδασ, κἄπειτ’ ἐκεῖσ’ ἐλθὼν προκαθεύδει πρῲ πάνυ, ὥσπερ λεπὰσ προσεχόμενοσ τῷ κίονι. ὑπὸ δυσκολίασ δ’ ἅπασι τιμῶν τὴν μακρὰν ὥσπερ μέλιττ’ ἢ βομβυλιὸσ εἰσέρχεται ὑπὸ τοῖσ ὄνυξι κηρὸν ἀναπεπλασμένοσ. ψήφων δὲ δείσασ μὴ δεηθείη ποτέ, ἵν’ ἔχοι δικάζειν, αἰγιαλὸν ἔνδον τρέφει. τοιαῦτ’ ἀλύει· νουθετούμενοσ δ’ ἀεὶ μᾶλλον δικάζει. τοῦτον οὖν φυλάττομεν μοχλοῖσιν ἐνδήσαντεσ, ὡσ ἂν μὴ ’ξίῃ. ὁ γὰρ υἱὸσ αὐτοῦ τὴν νόσον βαρέωσ φέρει. καὶ πρῶτα μὲν λόγοισι παραμυθούμενοσ ἀνέπειθεν αὐτὸν μὴ φορεῖν τριβώνιον μηδ’ ἐξιέναι θύραζ’, ὁ δ’ οὐκ ἐπείθετο. εἶτ’ αὐτὸν ἀπέλου κἀκάθαιρ’, ὁ δ’ οὐ μάλα. μετὰ τοῦτ’ ἐκορυβάντιζ’, ὁ δ’ αὐτῷ τυμπάνῳ ᾄξασ ἐδίκαζεν ἐσ τὸ καινὸν ἐμπεσών. ὅτε δῆτα ταύταισ ταῖσ τελεταῖσ οὐκ ὠφέλει, διέπλευσεν εἰσ Αἴγιναν, εἶτα ξυλλαβὼν νύκτωρ κατέκλινεν αὐτὸν εἰσ Ἀσκληπιοῦ, ὁ δ’ ἀνεφάνη κνεφαῖοσ ἐπὶ τῇ κιγκλίδι. ἐντεῦθεν οὐκέτ’ αὐτὸν ἐξεφρίεμεν, ὁ δ’ ἐξεδίδρασκε διά τε τῶν ὑδρορροῶν καὶ τῶν ὀπῶν· ἡμεῖσ δ’ ὅσ’ ἦν τετρημένα ἐνεβύσαμεν ῥακίοισι κἀπακτώσαμεν, ὁ δ’ ὡσπερεὶ κολοιὸσ αὑτῷ παττάλουσ ἐνέκρουεν ἐσ τὸν τοῖχον, εἶτ’ ἐξήλλετο. ἡμεῖσ δὲ τὴν αὐλὴν ἅπασαν δικτύοισ καταπετάσαντεσ ἐν κύκλῳ φυλάττομεν. ἔστιν δ’ ὄνομα τῷ μὲν γέροντι Φιλοκλέων ναὶ μὰ Δία, τῷ δ’ υἱεῖ γε τῳδὶ Βδελυκλέων, ἔχων τρόπουσ φρυαγμοσεμνάκουσ τίνασ.

일치하는 문장이 없습니다.

SEARCH

MENU NAVIGATION