Aristophanes, Wasps, Prologue 1:

(아리스토파네스, Wasps, Prologue 1:)

Οὗτοσ τί πάσχεισ ὦ κακόδαιμον Ξανθία; φυλακὴν καταλύειν νυκτερινὴν διδάσκομαι. κακὸν ἆρα ταῖσ πλευραῖσ τι προὐφείλεισ μέγα. ἆρ’ οἶσθά γ’ οἱο͂ν κνώδαλον φυλάττομεν; οἶδ’, ἀλλ’ ἐπιθυμῶ σμικρὸν ἀπομερμηρίσαι. σὺ δ’ οὖν παρακινδύνευ’, ἐπεὶ καὐτοῦ γ’ ἐμοῦ κατὰ τοῖν κόραιν ὕπνου τι καταχεῖται γλυκύ. ἀλλ’ ἦ παραφρονεῖσ ἐτεὸν ἢ κορυβαντιᾷσ; οὔκ, ἀλλ’ ὕπνοσ μ’ ἔχει τισ ἐκ Σαβαζίου. τὸν αὐτὸν ἄρ’ ἐμοὶ βουκολεῖσ Σαβάζιον. κἀμοὶ γὰρ ἀρτίωσ ἐπεστρατεύσατο Μῆδόσ τισ ἐπὶ τὰ βλέφαρα νυστακτὴσ ὕπνοσ· καὶ δῆτ’ ὄναρ θαυμαστὸν εἶδον ἀρτίωσ. κἄγωγ’ ἀληθῶσ οἱο͂ν οὐδεπώποτε. ἀτὰρ σὺ λέξον πρότεροσ. ἐδόκουν αἰετὸν καταπτόμενον ἐσ τὴν ἀγορὰν μέγαν πάνυ ἀναρπάσαντα τοῖσ ὄνυξιν ἀσπίδα φέρειν ἐπίχαλκον ἀνεκὰσ ἐσ τὸν οὐρανόν, κἄπειτα ταύτην ἀποβαλεῖν Κλεώνυμον. οὐδὲν ἄρα γρίφου διαφέρει Κλεώνυμοσ. πῶσ δή; προσερεῖ τισ τοῖσι συμπόταισ, λέγων τί ταὐτὸν ἐν γῇ τ’ ἀπέβαλεν κἀν οὐρανῷ κἀν τῇ θαλάττῃ θηρίον τὴν ἀσπίδα; οἴμοι τί δῆτά μοι κακὸν γενήσεται ἰδόντι τοιοῦτον ἐνύπνιον; μὴ φροντίσῃσ. οὐδὲν γὰρ ἔσται δεινὸν οὐ μὰ τοὺσ θεούσ. δεινόν γέ ποὔστ’ ἄνθρωποσ ἀποβαλὼν ὅπλα. ἀτὰρ σὺ τὸ σὸν αὖ λέξον. ἀλλ’ ἐστὶν μέγα. περὶ τῆσ πόλεωσ γάρ ἐστι τοῦ σκάφουσ ὅλου. λέγε νυν ἀνύσασ τι τὴν τρόπιν τοῦ πράγματοσ. ἔδοξέ μοι περὶ πρῶτον ὕπνον ἐν τῇ πυκνὶ ἐκκλησιάζειν πρόβατα συγκαθήμενα, βακτηρίασ ἔχοντα καὶ τριβώνια· κἄπειτα τούτοισ τοῖσ προβάτοισι μοὐδόκει δημηγορεῖν φάλαινα πανδοκεύτρια, ἔχουσα φωνὴν ἐμπεπρησμένησ ὑόσ. αἰβοῖ. τί ἔστι; παῦε παῦε, μὴ λέγε· ὄζει κάκιστον τοὐνύπνιον βύρσησ σαπρᾶσ. εἶθ’ ἡ μιαρὰ φάλαιν’ ἔχουσα τρυτάνην ἵστη βόειον δημόν. οἴμοι δείλαιοσ· τὸν δῆμον ἡμῶν βούλεται διιστάναι. ἐδόκει δέ μοι Θέωροσ αὐτῆσ πλησίον χαμαὶ καθῆσθαι τὴν κεφαλὴν κόρακοσ ἔχων. εἶτ’ Ἀλκιβιάδησ εἶπε πρόσ με τραυλίσασ, "ὁλᾷσ; Θέωλοσ τὴν κεφαλὴν κόλακοσ ἔχει. " ὀρθῶσ γε τοῦτ’ Ἀλκιβιάδησ ἐτραύλισεν. οὔκουν ἐκεῖν’ ἀλλόκοτον, ὁ Θέωροσ κόραξ γιγνόμενοσ; ἥκιστ’, ἀλλ’ ἄριστον. πῶσ; ὅπωσ; ἄνθρωποσ ὢν εἶτ’ ἐγένετ’ ἐξαίφνησ κόραξ· οὔκουν ἐναργὲσ τοῦτο συμβαλεῖν, ὅτι ἀρθεὶσ ἀφ’ ἡμῶν ἐσ κόρακασ οἰχήσεται; εἶτ’ οὐκ ἐγὼ δοὺσ δύ’ ὀβολὼ μισθώσομαι οὕτωσ ὑποκρινόμενον σοφῶσ ὀνείρατα;

일치하는 문장이 없습니다.

SEARCH

MENU NAVIGATION