헬라어 문장 검색 - ΑριστοπήΠεαξέ3́03́

(아리스토파네스, Peace, Choral, antistrophe 1)

μηδαμῶσ ὦ δέσποθ’ Ἑρμῆ, μηδαμῶσ, μηδαμῶσ, εἴ τι κεχαρισμένον χοιρίδιον οἶσθα παρ’ ἐμοῦ γε κατεδηδοκώσ, τοῦτο μὴ φαῦλον νόμιζ’ ἐν τῷδε τῷ <νῦν> πράγματι. οὐκ ἀκούεισ οἱᾶ θωπεύουσί σ’ ὦναξ δέσποτα; μὴ γένῃ παλίγκοτοσ ἀντιβολοῦσιν ἡμῖν, ὥστε τήνδε μὴ λαβεῖν· ἀλλὰ χάρισ’ ὦ φιλανθρωπότατε καὶ μεγαλοδωρότατε δαιμόνων, εἴ τι Πεισάνδρου βδελύττει τοὺσ λόφουσ καὶ τὰσ ὀφρῦσ. καί σε θυσίαισιν ἱεραῖσι προσόδοισ τε μεγάλαισι διὰ παντὸσ ὦ δέσποτ’ ἀγαλοῦμεν ἡμεῖσ ἀεί. ἴθ’, ἀντιβολῶ σ’, ἐλέησον αὐτῶν τὴν ὄπα, ἐπεί σε καὶ τιμῶσι μᾶλλον ἢ πρὸ τοῦ. κλέπται γάρ εἰσι νῦν γε μᾶλλον ἢ πρὸ τοῦ. καί σοι φράσω τι πρᾶγμα δεινὸν καὶ μέγα, ὃ τοῖσ θεοῖσ ἅπασιν ἐπιβουλεύεται. ἴθι δὴ κάτειπ’· ἴσωσ γὰρ ἂν πείσαισ ἐμέ. ἡ γὰρ Σελήνη χὠ πανοῦργοσ Ἥλιοσ ὑμῖν ἐπιβουλεύοντε πολὺν ἤδη χρόνον τοῖσ βαρβάροισι προδίδοτον τὴν Ἑλλάδα. ἵνα δὴ τί τοῦτο δρᾶτον; ὁτιὴ νὴ Δία ἡμεῖσ μὲν ὑμῖν θύομεν, τούτοισι δὲ οἱ βάρβαροι θύουσι. διὰ τοῦτ’ εἰκότωσ βούλοιντ’ ἂν ἡμᾶσ πάντασ ἐξολωλέναι, ἵνα τὰσ τελετὰσ λάβοιεν αὐτοὶ τῶν θεῶν. ταῦτ’ ἄρα πάλαι τῶν ἡμερῶν παρεκλεπτέτην καὶ τοῦ κύκλου παρέτρωγον ὑφ’ ἁμαρτωλίασ. ναὶ μὰ Δία. πρὸσ ταῦτ’ ὦ φίλ’ Ἑρμῆ ξύλλαβε ἡμῖν προθύμωσ τήνδε καὶ ξυνέλκυσον. καί σοι τὰ μεγάλ’ ἡμεῖσ Παναθήναι’ ἄξομεν πάσασ τε τὰσ ἄλλασ τελετὰσ τὰσ τῶν θεῶν, μυστήρι’ Ἑρμῇ, Διιπόλει’, Ἀδώνια· ἄλλαι τέ σοι πόλεισ πεπαυμέναι κακῶν ἀλεξικάκῳ θύσουσιν Ἑρμῇ πανταχοῦ. χἄτερ’ ἔτι πόλλ’ ἕξεισ ἀγαθά. πρῶτον δέ σοι δῶρον δίδωμι τήνδ’, ἵνα σπένδειν ἔχῃσ. οἴμ’ ὡσ ἐλεήμων εἴμ’ ἀεὶ τῶν χρυσίδων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristophanes, Peace, Choral, antistrophe 1

(아리스토파네스, Peace, Choral, antistrophe 1)

상위

목록

SEARCH

MENU NAVIGATION