Aristophanes, Lysistrata, Parodos, tetrameters

(아리스토파네스, Lysistrata, Parodos, tetrameters)

ἐάσον ὦ. τουτὶ τί ἦν; ὦνδρεσ πόνῳ πόνηροι· οὐ γάρ ποτ’ ἂν χρηστοί γ’ ἔδρων οὐδ’ εὐσεβεῖσ τάδ’ ἄνδρεσ. τουτὶ τὸ πρᾶγμ’ ἡμῖν ἰδεῖν ἀπροσδόκητον ἥκει· ἑσμὸσ γυναικῶν οὑτοσὶ θύρασιν αὖ βοηθεῖ. τί βδύλλεθ’ ἡμᾶσ; οὔ τί που πολλαὶ δοκοῦμεν εἶναι; καὶ μὴν μέροσ γ’ ἡμῶν ὁρᾶτ’ οὔπω τὸ μυριοστόν. ὦ Φαιδρία ταύτασ λαλεῖν ἐάσομεν τοσαυτί; οὐ περικατᾶξαι τὸ ξύλον τύπτοντ’ ἐχρῆν τιν’ αὐταῖσ; θώμεσθα δὴ τὰσ κάλπιδασ χἠμεῖσ χαμᾶζ’, ὅπωσ ἂν ἢν προσφέρῃ τὴν χεῖρά τισ μὴ τοῦτό μ’ ἐμποδίζῃ. εἰ νὴ Δί’ ἤδη τὰσ γνάθουσ τούτων τισ ἢ δὶσ ἢ τρὶσ ἔκοψεν ὥσπερ Βουπάλου, φωνὴν ἂν οὐκ ἂν εἶχον. καὶ μὴν ἰδοὺ παταξάτω τισ· στᾶσ’ ἐγὼ παρέξω, κοὐ μή ποτ’ ἄλλη σου κύων τῶν ὄρχεων λάβηται. εἰ μὴ σιωπήσει, θενών σου ’κκοκκιῶ τὸ γῆρασ. ἅψαι μόνον Στρατυλλίδοσ τῷ δακτύλῳ προσελθών. τί δ’ ἢν σποδῶ τοῖσ κονδύλοισ; τί μ’ ἐργάσει τὸ δεινόν; βρύκουσά σου τοὺσ πλεύμονασ καὶ τἄντερ’ ἐξαμήσω. οὐκ ἔστ’ ἀνὴρ Εὐριπίδου σοφώτεροσ ποιητήσ· οὐδὲν γὰρ οὕτω θρέμμ’ ἀναιδέσ ἐστιν ὡσ γυναῖκεσ. αἰρώμεθ’ ἡμεῖσ θοὔδατοσ τὴν κάλπιν ὦ Ῥοδίππη. τί δ’ ὦ θεοῖσ ἐχθρὰ σὺ δεῦρ’ ὕδωρ ἔχουσ’ ἀφίκου; τί δαὶ σὺ πῦρ ὦ τύμβ’ ἔχων; ὡσ σαυτὸν ἐμπυρεύσων; ἐγὼ μὲν ἵνα νήσασ πυρὰν τὰσ σὰσ φίλασ ὑφάψω. ἐγὼ δέ γ’ ἵνα τὴν σὴν πυρὰν τούτῳ κατασβέσαιμι. τοὐμὸν σὺ πῦρ κατασβέσεισ; τοὔργον τάχ’ αὐτὸ δείξει. οὐκ οἶδά σ’ εἰ τῇδ’ ὡσ ἔχω τῇ λαμπάδι σταθεύσω. εἰ ῥύμμα τυγχάνεισ ἔχων, λουτρόν <γ’> ἐγὼ παρέξω. ἐμοὶ σὺ λουτρὸν ὦ σαπρά; καὶ ταῦτα νυμφικόν γε. ἤκουσασ αὐτῆσ τοῦ θράσουσ; ἐλευθέρα γάρ εἰμι. σχήσω σ’ ἐγὼ τῆσ νῦν βοῆσ. ἀλλ’ οὐκέθ’ ἡλιάζει. ἔμπρησον αὐτῆσ τὰσ κόμασ. σὸν ἔργον ὦχελῷε. οἴμοι τάλασ. μῶν θερμὸν ἦν; ποῖ θερμόν; οὐ παύσει; τί δρᾷσ; ἄρδω σ’ ὅπωσ ἂν βλαστάνῃσ. ἀλλ’ αὐο͂́σ εἰμ’ ἤδη τρέμων. οὐκοῦν ἐπειδὴ πῦρ ἔχεισ, σὺ χλιανεῖσ σεαυτόν.

일치하는 문장이 없습니다.

SEARCH

MENU NAVIGATION