헬라어 문장 검색 - ΑριστοπήΦρογσ́08́07́1́

(아리스토파네스, Frogs, Agon, Antepirrheme 1:)

μὰ Δί’ οὐ γὰρ ἐπῆν τῆσ Ἀφροδίτησ οὐδέν σοι. μηδέ γ’ ἐπείη. ἀλλ’ ἐπί τοι σοὶ καὶ τοῖσ σοῖσιν πολλὴ πολλοῦ ’πικαθῆτο, ὥστε γε καὐτόν σε κατ’ οὖν ἔβαλεν. νὴ τὸν Δία τοῦτό γέ τοι δή. ἃ γὰρ ἐσ τὰσ ἀλλοτρίασ ἐποίεισ, αὐτὸσ τούτοισιν ἐπλήγησ. καὶ τί βλάπτουσ’ ὦ σχέτλι’ ἀνδρῶν τὴν πόλιν ἁμαὶ Σθενέβοιαι; ὅτι γενναίασ καὶ γενναίων ἀνδρῶν ἀλόχουσ ἀνέπεισασ κώνεια πιεῖν αἰσχυνθείσασ διὰ τοὺσ σοὺσ Βελλεροφόντασ. πότερον δ’ οὐκ ὄντα λόγον τοῦτον περὶ τῆσ Φαίδρασ ξυνέθηκα; μὰ Δί’ ἀλλ’ ὄντ’· ἀλλ’ ἀποκρύπτειν χρὴ τὸ πονηρὸν τόν γε ποιητήν, καὶ μὴ παράγειν μηδὲ διδάσκειν. τοῖσ μὲν γὰρ παιδαρίοισιν ἔστι διδάσκαλοσ ὅστισ φράζει, τοῖσιν δ’ ἡβῶσι ποιηταί. πάνυ δὴ δεῖ χρηστὰ λέγειν ἡμᾶσ. ἢν οὖν σὺ λέγῃσ Λυκαβηττοὺσ καὶ Παρνασσῶν ἡμῖν μεγέθη, τοῦτ’ ἐστὶ τὸ χρηστὰ διδάσκειν, ὃν χρῆν φράζειν ἀνθρωπείωσ; ἀλλ’ ὦ κακόδαιμον ἀνάγκη μεγάλων γνωμῶν καὶ διανοιῶν ἴσα καὶ τὰ ῥήματα τίκτειν. κἄλλωσ εἰκὸσ τοὺσ ἡμιθέουσ τοῖσ ῥήμασι μείζοσι χρῆσθαι· καὶ γὰρ τοῖσ ἱματίοισ ἡμῶν χρῶνται πολὺ σεμνοτέροισιν. ἁμοῦ χρηστῶσ καταδείξαντοσ διελυμήνω σύ. τί δράσασ; πρῶτον μὲν τοὺσ βασιλεύοντασ ῥάκι’ ἀμπισχών, ἵν’ ἐλεινοὶ τοῖσ ἀνθρώποισ φαίνοιντ’ εἶναι. τοῦτ’ οὖν ἔβλαψά τι δράσασ; οὔκουν ἐθέλει γε τριηραρχεῖν πλουτῶν οὐδεὶσ διὰ ταῦτα, ἀλλὰ ῥακίοισ περιειλάμενοσ κλάει καὶ φησὶ πένεσθαι. νὴ τὴν Δήμητρα χιτῶνά γ’ ἔχων οὔλων ἐρίων ὑπένερθεν. κἂν ταῦτα λέγων ἐξαπατήσῃ, παρὰ τοὺσ ἰχθῦσ ἀνέκυψεν. εἶτ’ αὖ λαλιὰν ἐπιτηδεῦσαι καὶ στωμυλίαν ἐδίδαξασ, ἣ ’ξεκένωσεν τάσ τε παλαίστρασ καὶ τὰσ πυγὰσ ἐνέτριψεν τῶν μειρακίων στωμυλλομένων, καὶ τοὺσ Παράλουσ ἀνέπεισεν ἀνταγορεύειν τοῖσ ἄρχουσιν. καίτοι τότε γ’ ἡνίκ’ ἐγὼ ’ζων, οὐκ ἠπίσταντ’ ἀλλ’ ἢ μᾶζαν καλέσαι καὶ ῥυππαπαῖ εἰπεῖν. νὴ τὸν Ἀπόλλω, καὶ προσπαρδεῖν γ’ ἐσ τὸ στόμα τῷ θαλάμακι, καὶ μινθῶσαι τὸν ξύσσιτον κἀκβάσ τινα λωποδυτῆσαι· νῦν δ’ ἀντιλέγει κοὐκέτ’ ἐλαύνων πλεῖ δευρὶ καὖθισ ἐκεῖσε.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristophanes, Frogs, Agon, Antepirrheme 1:

(아리스토파네스, Frogs, Agon, Antepirrheme 1:)

상위

목록

SEARCH

MENU NAVIGATION