Aristophanes, Frogs, Agon, Antepirrheme 1:

(아리스토파네스, Frogs, Agon, Antepirrheme 1:)

μὰ Δί’ οὐ γὰρ ἐπῆν τῆσ Ἀφροδίτησ οὐδέν σοι. μηδέ γ’ ἐπείη. ἀλλ’ ἐπί τοι σοὶ καὶ τοῖσ σοῖσιν πολλὴ πολλοῦ ’πικαθῆτο, ὥστε γε καὐτόν σε κατ’ οὖν ἔβαλεν. νὴ τὸν Δία τοῦτό γέ τοι δή. ἃ γὰρ ἐσ τὰσ ἀλλοτρίασ ἐποίεισ, αὐτὸσ τούτοισιν ἐπλήγησ. καὶ τί βλάπτουσ’ ὦ σχέτλι’ ἀνδρῶν τὴν πόλιν ἁμαὶ Σθενέβοιαι; ὅτι γενναίασ καὶ γενναίων ἀνδρῶν ἀλόχουσ ἀνέπεισασ κώνεια πιεῖν αἰσχυνθείσασ διὰ τοὺσ σοὺσ Βελλεροφόντασ. πότερον δ’ οὐκ ὄντα λόγον τοῦτον περὶ τῆσ Φαίδρασ ξυνέθηκα; μὰ Δί’ ἀλλ’ ὄντ’· ἀλλ’ ἀποκρύπτειν χρὴ τὸ πονηρὸν τόν γε ποιητήν, καὶ μὴ παράγειν μηδὲ διδάσκειν. τοῖσ μὲν γὰρ παιδαρίοισιν ἔστι διδάσκαλοσ ὅστισ φράζει, τοῖσιν δ’ ἡβῶσι ποιηταί. πάνυ δὴ δεῖ χρηστὰ λέγειν ἡμᾶσ. ἢν οὖν σὺ λέγῃσ Λυκαβηττοὺσ καὶ Παρνασσῶν ἡμῖν μεγέθη, τοῦτ’ ἐστὶ τὸ χρηστὰ διδάσκειν, ὃν χρῆν φράζειν ἀνθρωπείωσ; ἀλλ’ ὦ κακόδαιμον ἀνάγκη μεγάλων γνωμῶν καὶ διανοιῶν ἴσα καὶ τὰ ῥήματα τίκτειν. κἄλλωσ εἰκὸσ τοὺσ ἡμιθέουσ τοῖσ ῥήμασι μείζοσι χρῆσθαι· καὶ γὰρ τοῖσ ἱματίοισ ἡμῶν χρῶνται πολὺ σεμνοτέροισιν. ἁμοῦ χρηστῶσ καταδείξαντοσ διελυμήνω σύ. τί δράσασ; πρῶτον μὲν τοὺσ βασιλεύοντασ ῥάκι’ ἀμπισχών, ἵν’ ἐλεινοὶ τοῖσ ἀνθρώποισ φαίνοιντ’ εἶναι. τοῦτ’ οὖν ἔβλαψά τι δράσασ; οὔκουν ἐθέλει γε τριηραρχεῖν πλουτῶν οὐδεὶσ διὰ ταῦτα, ἀλλὰ ῥακίοισ περιειλάμενοσ κλάει καὶ φησὶ πένεσθαι. νὴ τὴν Δήμητρα χιτῶνά γ’ ἔχων οὔλων ἐρίων ὑπένερθεν. κἂν ταῦτα λέγων ἐξαπατήσῃ, παρὰ τοὺσ ἰχθῦσ ἀνέκυψεν. εἶτ’ αὖ λαλιὰν ἐπιτηδεῦσαι καὶ στωμυλίαν ἐδίδαξασ, ἣ ’ξεκένωσεν τάσ τε παλαίστρασ καὶ τὰσ πυγὰσ ἐνέτριψεν τῶν μειρακίων στωμυλλομένων, καὶ τοὺσ Παράλουσ ἀνέπεισεν ἀνταγορεύειν τοῖσ ἄρχουσιν. καίτοι τότε γ’ ἡνίκ’ ἐγὼ ’ζων, οὐκ ἠπίσταντ’ ἀλλ’ ἢ μᾶζαν καλέσαι καὶ ῥυππαπαῖ εἰπεῖν. νὴ τὸν Ἀπόλλω, καὶ προσπαρδεῖν γ’ ἐσ τὸ στόμα τῷ θαλάμακι, καὶ μινθῶσαι τὸν ξύσσιτον κἀκβάσ τινα λωποδυτῆσαι· νῦν δ’ ἀντιλέγει κοὐκέτ’ ἐλαύνων πλεῖ δευρὶ καὖθισ ἐκεῖσε.

일치하는 문장이 없습니다.

SEARCH

MENU NAVIGATION