Aristophanes, Frogs, Agon, Epirrheme 1:

(아리스토파네스, Frogs, Agon, Epirrheme 1:)

οὐχ ἱππαλεκτρυόνασ μὰ Δί’ οὐδὲ τραγελάφουσ, ἅπερ σύ, ἃν τοῖσι παραπετάσμασιν τοῖσ Μηδικοῖσ γράφουσιν· ἀλλ’ ὡσ παρέλαβον τὴν τέχνην παρὰ σοῦ τὸ πρῶτον εὐθὺσ οἰδοῦσαν ὑπὸ κομπασμάτων καὶ ῥημάτων ἐπαχθῶν, ἴσχνανα μὲν πρώτιστον αὐτὴν καὶ τὸ βάροσ ἀφεῖλον ἐπυλλίοισ καὶ περιπάτοισ καὶ τευτλίοισι λευκοῖσ, χυλὸν διδοὺσ στωμυλμάτων ἀπὸ βιβλίων ἀπηθῶν· εἶτ’ ἀνέτρεφον μονῳδίαισ ‐ Κηφισοφῶντα μιγνύσ. εἶτ’ οὐκ ἐλήρουν ὅ τι τύχοιμ’ οὐδ’ ἐμπεσὼν ἔφυρον, ἀλλ’ οὑξιὼν πρώτιστα μέν μοι τὸ γένοσ εἶπ’ ἂν εὐθὺσ τοῦ δράματοσ. κρεῖττον γὰρ ἦν σοι νὴ Δί’ ἢ τὸ σαυτοῦ. ἔπειτ’ ἀπὸ τῶν πρώτων ἐπῶν οὐδὲν παρῆκ’ ἂν ἀργόν, ἀλλ’ ἔλεγεν ἡ γυνή τέ μοι χὠ δοῦλοσ οὐδὲν ἧττον, χὠ δεσπότησ χἠ παρθένοσ χἠ γραῦσ ἄν. εἶτα δῆτα οὐκ ἀποθανεῖν σε ταῦτ’ ἐχρῆν τολμῶντα; μὰ τὸν Ἀπόλλω· δημοκρατικὸν γὰρ αὔτ’ ἔδρων. τοῦτο μὲν ἐάσον ὦ τᾶν. οὐ σοὶ γάρ ἐστι περίπατοσ κάλλιστα περί γε τούτου. ἔπειτα τουτουσὶ λαλεῖν ἐδίδαξα ‐ φημὶ κἀγώ. ὡσ πρὶν διδάξαι γ’ ὤφελεσ μέσοσ διαρραγῆναι. λεπτῶν τε κανόνων ἐσβολὰσ ἐπῶν τε γωνιασμούσ, νοεῖν ὁρᾶν ξυνιέναι στρέφειν ἐρᾶν τεχνάζειν, κάχ’ ὑποτοπεῖσθαι, περινοεῖν ἅπαντα ‐ φημὶ κἀγώ. οἰκεῖα πράγματ’ εἰσάγων, οἷσ χρώμεθ’, οἷσ ξύνεσμεν, ἐξ ὧν γ’ ἂν ἐξηλεγχόμην· ξυνειδότεσ γὰρ οὗτοι ἤλεγχον ἄν μου τὴν τέχνην· ἀλλ’ οὐκ ἐκομπολάκουν ἀπὸ τοῦ φρονεῖν ἀποσπάσασ, οὐδ’ ἐξέπληττον αὐτούσ, Κύκνουσ ποιῶν καὶ Μέμνονασ κωδωνοφαλαροπώλουσ. γνώσει δὲ τοὺσ τούτου τε κἀμοὺσ ἑκατέρου μαθητάσ. τουτουμενὶ Φορμίσιοσ Μεγαίνετόσ θ’ ὁ Μανῆσ, σαλπιγγολογχυπηνάδαι, σαρκασμοπιτυοκάμπται, οὑμοὶ δὲ Κλειτοφῶν τε καὶ Θηραμένησ ὁ κομψόσ. Θηραμένησ; σοφόσ γ’ ἀνὴρ καὶ δεινὸσ ἐσ τὰ πάντα, ὃσ ἢν κακοῖσ που περιπέσῃ καὶ πλησίον παραστῇ, πέπτωκεν ἔξω τῶν κακῶν, οὐ Χῖοσ ἀλλὰ Κεῖοσ.

일치하는 문장이 없습니다.

SEARCH

MENU NAVIGATION