Aristides, Aelius, Ars Rhetorica, περὶ πολιτικοῦ λόγου, περὶ σαφηνείασ καὶ καθαρότητοσ. 2:

Σαφήνεια δὲ καὶ καθαρότησ γίνεται κατὰ γνώμην, κατὰ σχῆμα καὶ κατὰ ἀπαγγελίαν. κατὰ μὲν γνώμην οὕτωσ, ὅταν τισ μὴ ἀναστρέφῃ τὰ πράγματα, ἀλλὰ καθ’ ἣν ἐπράχθη τάξιν, κατὰ ταύτην διεξίῃ, καὶ ὅταν μὴ ἔξωθέν τινα ἐπεμβάλλῃ νοήματα αὐτοῖσ, ἀλλ’ αὐτὰ τὰ πραχθέντα διεξίῃ, καὶ ὅταν τὰ γνώριμα ὡσ γνώριμα καὶ τὰ ἀμφισβητούμενα ὡσ ἀμφισβητούμενα διεξίῃ.