Aristides, Aelius, Ars Rhetorica, περὶ πολιτικοῦ λόγου?, περὶ περιβολῆς. 10:

περιβολὴν δὲ ποιεῖς καὶ ὅταν εἰσάγων τι παρ αὑτοῦ, οἱο῀ν Κόνων ὑμᾶς τοσαῦτα εὐεργέτησε, μὴ εὐθὺς εἴπῃς τί ἐποίησεν, ἀλλὰ προλαβὼν ἐκ τίνων τίνα ἐποίησε, πῶς ἐχόντων ἐποίησεν, ὡς ἐν τῷ πρὸς Λεπτίνην τὸ μὲν εὐεργέτημα κατεναυμάχησεν, ὁ δὲ πρὶν τοῦτο εἰπεῖν προλαβὼν προσηγάγετο, καὶ πῶς ἐχόντων τί ἐποίησεν μετὰ τὴν τοῦ δήμου κάθοδον, τὴν ἐκ Πειραιῶς, ἀσθενοῦς ἡμῶν τῆς πόλεως οὔσης καὶ ναῦν οὐδεμίαν κεκτημένης, στρατηγῶν βασιλεῖ, παρ ἡμῶν οὐδ ἡντιναοῦν ἀφορμὴν λαβών, νῦν τὸ γενόμενον ὑπ αὐτοῦ κατεναυμάχησε Λακεδαιμονίους.