헬라어 문장 검색 - ΑπολλόΛιβραρψ́6́03́

(아폴로도로스, Library and Epitome, book E, chapter 3)

αὖθισ δὲ Ἑλένην Ἀλέξανδροσ ἁρπάζει, ὥσ τινεσ λέγουσι κατὰ βούλησιν Διόσ, ἵνα Εὐρώπησ καὶ Ἀσίασ εἰσ πόλεμον ἐλθούσησ ἡ θυγάτηρ αὐτοῦ ἔνδοξοσ γένηται, ἢ καθάπερ εἶπον ἄλλοι ὅπωσ τὸ τῶν ἡμιθέων γένοσ ἀρθῇ. διὰ δὴ τούτων μίαν αἰτίαν μῆλον περὶ κάλλουσ Ἔρισ ἐμβάλλει Ἥρᾳ καὶ Ἀθηνᾷ καὶ Ἀφροδίτῃ, καὶ κελεύει Ζεὺσ Ἑρμῆν εἰσ Ἴδην πρὸσ Ἀλέξανδρον ἄγειν, ἵνα ὑπ’ ἐκείνου διακριθῶσι.

αἱ δὲ ἐπαγγέλλονται δῶρα δώσειν Ἀλεξάνδρῳ, Ἥρα μὲν πασῶν προκριθεῖσα βασιλείαν πάντων, Ἀθηνᾶ δὲ πολέμου νίκην, Ἀφροδίτη δὲ γάμον Ἑλένησ.

ὁ δὲ Ἀφροδίτην προκρίνει καὶ πηξαμένου Φερέκλου ναῦσ εἰσ Σπάρτην ἐκπλέει. ἐφ’ ἡμέρασ δ’ ἐννέα ξενισθεὶσ παρὰ Μενελάῳ, τῇ δεκάτῃ πορευθέντοσ εἰσ Κρήτην ἐκείνου κηδεῦσαι τὸν μητροπάτορα Κατρέα, πείθει τὴν Ἑλένην ἀπαγαγεῖν σὺν ἑαυτῷ.

ἡ δὲ ἐνναέτηἙρμιόνην καταλιποῦσα, ἐνθεμένη τὰ πλεῖστα τῶν χρημάτων, ἀνάγεται τῆσ νυκτὸσ σὺν αὐτῷ. Ἥρα δὲ αὐτοῖσ ἐπιπέμπει χειμῶνα πολύν, ὑφ’ οὗ βιασθέντεσ προσίσχουσι Σιδῶνι.

εὐλαβούμενοσ δὲ Ἀλέξανδροσ μὴ διωχθῇ, πολὺν διέτριψε χρόνον ἐν Φοινίκῃ καὶ Κύπρῳ. ὡσ δὲ ἀπήλπισε τὴν δίωξιν, ἧκεν εἰσ Τροίαν μετὰ Ἑλένησ. ἔνιοι δέ φασιν Ἑλένην μὲν ὑπὸ Ἑρμοῦ κατὰ βούλησιν Διὸσ κομισθῆναι κλαπεῖσαν εἰσ Αἴγυπτον καὶ δοθεῖσαν Πρωτεῖ τῷ βασιλεῖ τῶν Αἰγυπτίων φυλάττειν, Ἀλέξανδρον δὲ παραγενέσθαι εἰσ Τροίαν πεποιημένον ἐκ νεφῶν εἴδωλον Ἑλένησ ἔχοντα.

Μενέλαοσ δὲ αἰσθόμενοσ τὴν ἁρπαγὴν ἧκεν εἰσ Μυκήνασ πρὸσ Ἀγαμέμνονα, καὶ δεῖται στρατείαν ἐπὶ Τροίαν ἀθροίζειν καὶ στρατολογεῖν τὴν Ἑλλάδα.

ὁ δὲ πέμπων κήρυκα πρὸσ ἕκαστον τῶν βασιλέων τῶν ὁρ́κων ὑπεμίμνησκεν ὧν ὤμοσαν, καὶ περὶ τῆσ ἰδίασ γυναικὸσ ἕκαστον ἀσφαλίζεσθαι παρῄνει, ἴσην λέγων γεγενῆσθαι τὴν τῆσ Ἑλλάδοσ καταφρόνησιν καὶ κοινήν. ὄντων δὲ πολλῶν προθύμων στρατεύεσθαι, παραγίνονται καὶ πρὸσ Ὀδυσσέα εἰσ Ἰθάκην. ὁ δὲ οὐ βουλόμενοσ στρατεύεσθαι προσποιεῖται μανίαν.

Παλαμήδησ δὲ ὁ Ναυπλίου ἤλεγξε τὴν μανίαν ψευδῆ, καὶ προσποιησαμένῳ μεμηνέναι παρηκολούθει· ἁρπάσασ δὲ Τηλέμαχον ἐκ τοῦ κόλπου τῆσ Πηνελόπησ ὡσ κτενῶν ἐξιφούλκει. Ὀδυσσεὺσ δὲ περὶ τοῦ παιδὸσ εὐλαβηθεὶσ ὡμολόγησε τὴν προσποίητον μανίαν καὶ στρατεύεται. ὅτι Ὀδυσσεὺσ λαβὼν αἰχμάλωτον Φρύγα ἠνάγκασε γράψαι περὶ προδοσίασ ὡσ παρὰ Πριάμου πρὸσ Παλαμήδην·

καὶ χώσασ ἐν ταῖσ σκηναῖσ αὐτοῦ χρυσὸν τὴν δέλτον ἔρριψεν ἐν τῷ στρατοπέδῳ. Ἀγαμέμνων δὲ ἀναγνοὺσ καὶ εὑρὼν τὸν χρυσόν, τοῖσ συμμάχοισ αὐτὸν ὡσ προδότην παρέδωκε καταλεῦσαι. ὅτι Μενέλαοσ σὺν Ὀδυσσεῖ καὶ Ταλθυβίῳ πρὸσ <Κινύραν εἰσ> Κύπρον ἐλθόντεσ συμμαχεῖν ἔπειθον·

ὁ δὲ Ἀγαμέμνονι μὲν οὐ παρόντι θώρακασ ἐδωρήσατο, ὀμόσασ δὲ πέμψειν πεντήκοντα ναῦσ, μίαν πέμψασ, ἧσ ἦρχενὁ Μυγδαλίωνοσ, καὶ τὰσ λοιπὰσ ἐκ γῆσ πλάσασ μεθῆκεν εἰσ τὸ πέλαγοσ. ὅτι θυγατέρεσ Ἀνίου τοῦ Ἀπόλλωνοσ Ἐλαὶ̈σΣπερμὼ Οἰνώ, αἱ Οἰνότροφοι λεγόμεναι·

αἷσ ἐχαρίσατο Διόνυσοσ ποιεῖν ἐκ γῆσ ἔλαιον σῖτον οἶνον. συνηθροίζετο δὲ ὁ στρατὸσ ἐν Αὐλίδι.

οἱ δὲ στρατεύσαντεσ ἐπὶ Τροίαν ἦσαν οἵδε. Βοιωτῶνμὲν ἡγεμόνεσ δέκα· ἦγον ναῦσ μ. Ὀρχομενίων δ· ἦγον ναῦσ λ. Φωκέων ἡγεμόνεσ δ· ἦγον ναῦσ μ. Λοκρῶν Αἰάσ Οἰλέωσ· ἦγε ναῦσ μ. Εὐβοέων Ἐλεφήνωρ Χαλκώδοντοσ καὶ Ἀλκυόνησ· ἦγε ναῦσ μ. Ἀθηναίων Μενεσθεύσ· ἦγε ναῦσ ν. Σαλαμινίων Αἰάσ ὁ Τελαμώνιοσ·

ἦγε ναῦσ ιβ. Ἀργείων Διομήδησ Τυδέωσ καὶ οἱ σὺν αὐτῷ· ἦγον ναῦσ π. Μυκηναίων Ἀγαμέμνων Ἀτρέωσ καὶ Αἐρόπησ ναῦσ ρ. Λακεδαιμονίων Μενέλαοσ Ἀτρέωσ καὶ Αἐρόπησ ξ. Πυλίων Νέστωρ Νηλέωσ καὶ Χλωρίδοσ ναῦσ μ. Ἀρκάδων Ἀγαπήνωρ ναῦσ ζ. Ἠλείων Ἀμφίμαχοσ καὶ οἱ σὺν αὐτῷ ναῦσ μ. Δουλιχίων Μέγησ Φυλέωσ ναῦσ μ. Κεφαλλήνων Ὀδυσσεὺσ Λαέρτου καὶ Ἀντικλείασ ναῦσ ιβ. Αἰτωλῶν Θόασ Ἀνδραίμονοσ καὶ Γόργησ· ἦγε ναῦσ μ. Κρητῶν Ἰδομενεὺσ Δευκαλίωνοσ μ.

Ῥοδίων Τληπόλεμοσ Ἡρακλέουσ καὶ Ἀστυόχησ ναῦσ θ. Συμαίων Νιρεὺσ Χαρόπου ναῦσ γ. Κώων Φείδιπποσ καὶ Ἄντιφοσ οἱ Θεσσαλοῦ λ. Μυρμιδόνων Ἀχιλλεὺσ Πηλέωσ καὶ Θέτιδοσ ν.

νῆεσ μὲν οὖν αἱ πᾶσαι ,αιγ, ἡγεμόνεσ δὲ μγ, ἡγεμόνειαι δὲ λ· ἐκ Φυλάκησ Πρωτεσίλαοσ Ἰφίκλου μ. Φεραίων Εὔμηλοσ Ἀδμήτου ια. Ὀλιζώνων Φιλοκτήτησ Ποίαντοσ ζ. Αἰνιάνων Γουνεὺσ Ὠκύτου κβ. Τρικκαίων Ποδαλείριοσλ. Ὀρμενίων Εὐρύπυλοσναῦσ μ. Γυρτωνίων Πολυποίτησ Πειρίθου λ. Μαγνήτων Πρόθοοσ Τενθρήδονοσ μ. ὅτι ὄντοσ ἐν Αὐλίδι τοῦ στρατεύματοσ, θυσίασ γενομένησ Ἀπόλλωνι, ὁρμήσασ δράκων ἐκ τοῦ βωμοῦ παρὰ τὴν πλησίον πλάτανον, οὔσησ ἐν αὐτῇ νεοττιᾶσ, τοὺσ ἐν αὐτῇ καταναλώσασ στρουθοὺσ ὀκτὼ σὺν τῇ μητρὶ ἐνάτῃ λίθοσ ἐγένετο.

Κάλχασ δὲ εἰπὼν κατὰ Διὸσ βούλησιν γεγονέναι αὐτοῖσ τὸ σημεῖον τοῦτο, τεκμηράμενοσ ἐκ τῶν γεγονότων ἔφη δεκαετεῖ χρόνῳ δεῖν Τροίαν ἁλῶναι. καὶ πλεῖν παρεσκευάζοντο ἐπὶ Τροίαν.

Ἀγαμέμνων οὖν αὐτὸσ ἡγεμὼν τοῦ σύμπαντοσ στρατοῦἦν, ἐναυάρχει δ’ Ἀχιλλεὺσ πεντεκαιδεκαέτησ τυγχάνων. ἀγνοοῦντεσ δὲ τὸν ἐπὶ Τροίαν πλοῦν Μυσίᾳ προσίσχουσι καὶ ταύτην ἐπόρθουν, Τροίαν νομίζοντεσ εἶναι.

βασιλεύων δὲ Τήλεφοσ Μυσῶν, Ἡρακλέουσ παῖσ, ἰδὼν τὴν χώραν λεηλατουμένην, τοὺσ Μυσοὺσ καθοπλίσασ ἐπὶ τὰσ ναῦσ συνεδίωκε τοὺσ Ἕλληνασ καὶ πολλοὺσ ἀπέκτεινεν, ἐν οἷσ καὶ Θέρσανδρον τὸν Πολυνείκουσ ὑποστάντα. ὁρμήσαντοσ δὲ Ἀχιλλέωσ ἐπ’ αὐτὸν οὐ μείνασ ἐδιώκετο· καὶ διωκόμενοσ ἐμπλακεὶσ εἰσ ἀμπέλου κλῆμα τὸν μηρὸν τιτρώσκεται δόρατι. τῆσ δὲ Μυσίασ ἐξελθόντεσ Ἕλληνεσ ἀνάγονται, καὶ χειμῶνοσ ἐπιγενομένου σφοδροῦ διαζευχθέντεσ ἀλλήλων εἰσ τὰσ πατρίδασ καταντῶσιν.

ὑποστρεψάντων οὖν τῶν Ἑλλήνων τότε λέγεται τὸν πόλεμον εἰκοσαετῆ γενέσθαι· μετὰ γὰρ τὴν Ἑλένησ ἁρπαγὴν ἔτειδευτέρῳ τοὺσ Ἕλληνασ παρασκευασαμένουσ στρατεύεσθαι, ἀναχωρήσαντασ δὲ ἀπὸ Μυσίασ εἰσ Ἑλλάδα μετὰ ἔτη ὀκτὼ πάλιν εἰσ Ἄργοσ μεταστραφέντασ ἐλθεῖν εἰσ Αὐλίδα. συνελθόντων δὲ αὐτῶν ἐν Ἄργει αὖθισ μετὰ τὴν ῥηθεῖσαν ὀκταετίαν, ἐν ἀπορίᾳ τοῦ πλοῦ πολλῇ καθεστήκεσαν, καθηγεμόνα μὴ ἔχοντεσ, ὃσ ἦν δυνατὸσ δεῖξαι τὴν εἰσ Τροίαν.

Τήλεφοσ δὲ ἐκ τῆσ Μυσίασ, ἀνίατον τὸ τραῦμα ἔχων, εἰπόντοσ αὐτῷ τοῦ Ἀπόλλωνοσ τότε τεύξεσθαι θεραπείασ, ὅταν ὁ τρώσασ ἰατρὸσ γένηται, τρύχεσιν ἠμφιεσμένοσ εἰσ Ἄργοσ ἀφίκετο, καὶ δεηθεὶσ Ἀχιλλέωσ καὶ ὑπεσχημένοσ τὸν εἰσ Τροίαν πλοῦν δεῖξαι θεραπεύεται ἀποξύσαντοσ Ἀχιλλέωσ τῆσ Πηλιάδοσ μελίασ τὸν ἰόν.

θεραπευθεὶσ οὖν ἔδειξε τὸνπλοῦν, τὸ τῆσ δείξεωσ ἀσφαλὲσ πιστουμένου τοῦ Κάλχαντοσ διὰ τῆσ ἑαυτοῦ μαντικῆσ. ἀναχθέντων δὲ αὐτῶν ἀπ’ Ἄργουσ καὶ παραγενομένων τὸ δεύτερον εἰσ Αὐλίδα, τὸν στόλον ἄπλοια κατεῖχε·

Κάλχασ δὲ ἔφη οὐκ ἄλλωσ δύνασθαι πλεῖν αὐτούσ, εἰ μὴ τῶν Ἀγαμέμνονοσ θυγατέρων ἡ κρατιστεύουσα κάλλει σφάγιον Ἀρτέμιδι παραστῇ, διὰ τὸ μηνίειν τὴν θεὸν τῷ Ἀγαμέμνονι, ὅτι τε βαλὼν ἔλαφον εἶπεν·

οὐδὲ ἡ Ἄρτεμισ, καὶ ὅτι Ἀτρεὺσ οὐκ ἔθυσεν αὐτῇ τὴν χρυσῆν ἄρνα. τοῦ δὲ χρησμοῦ τούτου γενομένου, πέμψασ Ἀγαμέμνων πρὸσ Κλυταιμνήστραν Ὀδυσσέα καὶ Ταλθύβιον Ἰφιγένειαν ᾔτει, λέγων ὑπεσχῆσθαι δώσειν αὐτὴν Ἀχιλλεῖ γυναῖκα μισθὸν τῆσ στρατείασ.

Ἄρτεμισ δὲ αὐτὴν ἁρπάσασαεἰσ Ταύρουσ ἱέρειαν ἑαυτῆσ κατέστησεν, ἔλαφον ἀντ’ αὐτῆσ παραστήσασα τῷ βωμῷ·

ὡσ δὲ ἔνιοι λέγουσιν, ἀθάνατον αὐτὴν ἐποίησεν.

οἱ δὲ ἀναχθέντεσ ἐξ Αὐλίδοσ προσέσχον Τενέδῳ.

ταύτησ ἐβασίλευε Τένησ ὁ Κύκνου καὶ Προκλείασ, ὡσ δέ τινεσ Ἀπόλλωνοσ· οὗτοσ ὑπὸ τοῦ πατρὸσ φυγαδευθεὶσ ἐνταῦθα κατῴκει. Κύκνοσ γὰρ ἔχων ἐκ Προκλείασ τῆσ Λαομέδοντοσ παῖδα μὲν Τένην, θυγατέρα δὲ Ἡμιθέαν, ἐπέγημε τὴν Τραγάσου Φιλονόμην·

ἥτισ Τένου ἐρασθεῖσα καὶ μὴ πείθουσα καταψεύδεται πρὸσ Κύκνον αὐτοῦ φθοράν, καὶ τούτου μάρτυρα παρεῖχεν αὐλητὴν Εὔμολπον ὄνομα. Κύκνοσ δὲ πιστεύσασ, ἐνθέμενοσ αὐτὸν μετὰ τῆσ ἀδελφῆσ εἰσ λάρνακα μεθῆκεν εἰσ τὸπέλαγοσ·

προσσχούσησ δὲ αὐτῆσ Λευκόφρυι νήσῳ ἐκβὰσ ὁ Τένησ κατῴκησε ταύτην καὶ ἀπ’ αὐτοῦ Τένεδον ἐκάλεσε. Κύκνοσ δὲ ὕστερον ἐπιγνοὺσ τὴν ἀλήθειαν τὸν μὲν αὐλητὴν κατέλευσε, τὴν δὲ γυναῖκα ζῶσαν εἰσ γῆν κατέχωσε. προσπλέοντασ οὖν Τενέδῳ τοὺσ Ἕλληνασ ὁρῶν Τένησ ἀπεῖργε βάλλων πέτρουσ, καὶ ὑπὸ Ἀχιλλέωσ ξίφει πληγεὶσ κατὰ τὸ στῆθοσ θνήσκει, καίτοι Θέτιδοσ προειπούσησ Ἀχιλλεῖ μὴ κτεῖναι Τένην·

τεθνήξεσθαι γὰρ ὑπὸ Ἀπόλλωνοσ αὐτόν, ἐὰν κτείνῃ Τένην. τελούντων δὲ αὐτῶν Ἀπόλλωνι θυσίαν, ἐκ τοῦ βωμοῦ προσελθὼν ὕδροσ δάκνει Φιλοκτήτην·

ἀθεραπεύτου δὲ τοῦ ἕλκουσ καὶ δυσώδουσ γενομένου τῆσ τε ὀδμῆσ οὐκ ἀνεχομένου τοῦ στρατοῦ, Ὀδυσσεὺσ αὐτὸν εἰσ Λῆμνον μεθ’ ὧν εἶχε τόξων Ἡρακλείων ἐκτίθησι κελεύσαντοσ Ἀγαμέμνονοσ. ὁ δὲ ἐκεῖ τὰ πτηνὰ τοξεύων ἐπὶ τῆσ ἐρημίασ τροφὴν εἶχεν. ἀναχθέντεσ δὲ ἀπὸ τῆσ Τενέδου προσέπλεον Τροίᾳ, καὶ πέμπουσιν Ὀδυσσέα καὶ Μενέλαον τὴν Ἑλένην καὶ τὰ χρήματα ἀπαιτοῦντασ.

συναθροισθείσησ δὲ παρὰ τοῖσ Τρωσὶν ἐκκλησίασ, οὐ μόνον τὴν Ἑλένην οὐκ ἀπεδίδουν ἀλλὰ καὶ τούτουσ κτείνειν ἤθελον. ἀλλὰ τοὺσ μὲν ἔσωσενἈντήνωρ, οἱ δὲ Ἕλληνεσ, ἀχθόμενοι ἐπὶ τῇ τῶν βαρβάρων καταφρονήσει, ἀναλαβόντεσ τὴν πανοπλίαν ἔπλεον ἐπ’ αὐτούσ.

Ἀχιλλεῖ δὲ ἐπιστέλλει Θέτισ πρῶτον μὴ ἀποβῆναι τῶν νεῶν· τὸν γὰρ ἀποβάντα πρῶτον πρῶτον μέλλειν τελευτήσειν. πυθόμενοι δὲ οἱ βάρβαροι τὸν στόλον ἐπιπλεῖν, σὺν ὅπλοισ ἐπὶ τὴν θάλασσαν ὡρ́μησαν καὶ βάλλοντεσ πέτροισ ἀποβῆναι ἐκώλυον.

τῶν δὲ Ἑλλήνων πρῶτοσ ἀπέβη τῆσ νεὼσ Πρωτεσίλαοσ, καὶ κτείνασ οὐκ ὀλίγουσ τῶν βαρβάρων ὑφ’ Ἕκτοροσ θνήσκει.

τούτου <ἡ> γυνὴ Λαοδάμεια καὶ μετὰ θάνατον ἤρα, καὶ ποιήσασα εἴδωλον Πρωτεσιλάῳ παραπλήσιον τούτῳ προσωμίλει. Ἑρμῆσ δὲ ἐλεησάντων θεῶν ἀνήγαγε Πρωτεσίλαον ἐξ Αἵδου.

Λαοδάμεια δὲ ἰδοῦσακαὶ νομίσασα αὐτὸν ἐκ Τροίασ παρεῖναι τότε μὲν ἐχάρη, πάλιν δὲ ἐπαναχθέντοσ εἰσ Αἵδου ἑαυτὴν ἐφόνευσεν. Πρωτεσιλάου δὲ τελευτήσαντοσ, ἐκβαίνει μετὰ Μυρμιδόνων Ἀχιλλεὺσ καὶ λίθον <βα>λὼν εἰσ τὴν κεφαλὴν Κύκνου κτείνει.

ὡσ δὲ τοῦτον νεκρὸν εἶδον οἱ βάρβαροι, φεύγουσιν εἰσ τὴν πόλιν, οἱ δὲ Ἕλληνεσ ἐκπηδήσαντεσ τῶν νεῶν ἐνέπλησαν σωμάτων τὸ πεδίον. καὶ κατακλείσαντεσ τοὺσ Τρῶασ ἐπολιόρκουν· ἀνέλκουσι δὲ τὰσ ναῦσ.

μὴ θαρρούντων δὲ τῶν βαρβάρων, Ἀχιλλεὺσ ἐνεδρεύσασ Τρωίλον ἐν τῷ τοῦ Θυμβραίου Ἀπόλλωνοσ ἱερῷ φονεύει, καὶ νυκτὸσ ἐλθὼν ἐπὶ τὴν πόλινΛυκάονα λαμβάνει. παραλαβὼν δὲ Ἀχιλλεύσ τινασ τῶν ἀριστέων τὴν χώραν ἐπόρθει, καὶ παραγίνεται εἰσ Ἴδην ἐπὶ τὰσ Αἰνείου τοῦ Πριάμου βόασ. φυγόντοσ δὲ αὐτοῦ, τοὺσ βουκόλουσ κτείνασ καὶ Μήστορα τὸν Πριάμου τὰσ βόασ ἐλαύνει. αἱρεῖ δὲ καὶ Λέσβον καὶ Φώκαιαν, εἶτα Κολοφῶνα καὶ Σμύρναν καὶ Κλαζομενὰσ καὶ Κύμην, μεθ’ ἃσ Αἰγιαλὸν καὶ Τῆνον, τὰσ ἑκατὸν καλουμένασ πόλεισ·

εἶτα ἑξῆσ Ἀδραμύτιον καὶ Σίδην, εἶτα Ἔνδιον καὶ Λιναῖον καὶ Κολώνην. αἱρεῖ δὲ καὶ Θήβασ τὰσ Ὑποπλακίασ καὶ Λυρνησσόν, ἔτι δὲ καὶ <Ἄντ>ανδρον καὶ ἄλλασ πολλάσ. ἐνναετοῦσ δὲ χρόνου διελθόντοσ παραγίνονται τοῖσ Τρωσὶ σύμμαχοι·

ἐκ Ζελίασ Πάνδαροσ Λυκάονοσ, ἐξ Ἀδραστείασ Ἄδραστοσ καὶ Ἄμφιοσ Μέροποσ, ἐκ δ’ Ἀρίσβησ Ἄσιοσ Ὑρτάκου, ἐκ Λαρίσσησ Ἱππόθοοσ Πελασγοῦ, ἐκ Μυσίασ Χρόμιοσ καὶ Ἔννομοσ Ἀρσινόου, Ἀλιζώνων Ὀδίοσ καὶ Ἐπίστροφοσ Μηκιστέωσ, Φρυγῶν Φόρκυσ καὶ Ἀσκάνιοσ Ἀρετάονοσ, Μαιόνων Μέσθλησ καὶ Ἄντιφοσ Ταλαιμένουσ, Καρῶν Νάστησ καὶ Ἀμφίμαχοσ Νομίονοσ, Λυκίων Σαρπηδὼν Διὸσ καὶ Γλαῦκοσ Ἱππολόχου.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Apollodorus, Library and Epitome, book E, chapter 3

(아폴로도로스, Library and Epitome, book E, chapter 3)

상위

목록

SEARCH

MENU NAVIGATION