Apollodorus, Library and Epitome, book E, chapter 1 40:

ὅτι Θησεύσ, Πειρίθῳ συνθέμενοσ Διὸσ θυγατέρασ γαμῆσαι, ἑαυτῷ μὲν ἐκ Σπάρτησ μετ’ ἐκείνου ἡρ́πασεν Ἑλένην δωδεκαέτη οὖσαν, Πειρίθῳ δὲ μνηστευόμενοσ τὸν Περσεφόνησ γάμον εἰσ Αἵδου κάτεισι. καὶ Διόσκουροι μὲν μετὰ Λακεδαιμονίων καὶ Ἀρκάδων εἷλον Ἀθήνασ καὶ ἀπάγουσιν Ἑλένην καὶ μετὰ ταύτησ Αἴθραν τὴν Πιτθέωσ αἰχμάλωτον· Δημοφῶν δὲ καὶ Ἀκάμασ ἔφυγον. κατάγουσι δὲ καὶ Μενεσθέα καὶ τὴν ἀρχὴν τῶν Ἀθηναίων διδόασι τούτῳ.