헬라어 문장 검색 - Αεσξηψ́ΣεϝενΑγ́09́

(아이스킬로스, 테바이를 공격한 일곱 장수, episode)

τὸν ἕβδομον δὴ τόνδ’ ἐφ’ ἑβδόμαισ πύλαισ λέξω, τὸν αὐτοῦ σοῦ κασίγνητον, πόλει οἱάσ ἀρᾶται καὶ κατεύχεται τύχασ· πύργοισ ἐπεμβὰσ κἀπικηρυχθεὶσ χθονί, ἁλώσιμον παιᾶν’ ἐπεξιακχάσασ, σοὶ ξυμφέρεσθαι καὶ κτανὼν θανεῖν πέλασ, ἢ ζῶντ’ ἀτιμαστῆρα τὼσ ἀνδρηλάτην φυγῇ τὸν αὐτὸν τόνδε τείσασθαι τρόπον. τοιαῦτ’ ἀυτεῖ καὶ θεοὺσ γενεθλίουσ καλεῖ πατρῴασ γῆσ ἐποπτῆρασ λιτῶν τῶν ὧν γενέσθαι πάγχυ Πολυνείκουσ βία. ἔχει δὲ καινοπηγὲσ εὔκυκλον σάκοσ διπλοῦν τε σῆμα προσμεμηχανημένον. χρυσήλατον γὰρ ἄνδρα τευχηστὴν ἰδεῖν ἄγει γυνή τισ σωφρόνωσ ἡγουμένη. Δίκη δ’ ἄρ’ εἶναί φησιν, ὡσ τὰ γράμματα λέγει "κατάξω δ’ ἄνδρα τόνδε καὶ πόλιν ἕξει πατρῴων δωμάτων τ’ ἐπιστροφάσ. τοιαῦτ’ ἐκείνων ἐστὶ τἀξευρήματα. σὺ δ’ αὐτὸσ ἤδη γνῶθι τίνα πέμπειν δοκεῖ· ὡσ οὔποτ’ ἀνδρὶ τῷδε κηρυκευμάτων μέμψῃ, σὺ δ’ αὐτὸσ γνῶθι ναυκληρεῖν πόλιν. ὦ θεομανέσ τε καὶ θεῶν μέγα στύγοσ, ὦ πανδάκρυτον ἁμὸν Οἰδίπου γένοσ· ὤμοι, πατρὸσ δὴ νῦν ἀραὶ τελεσφόροι. ἀλλ’ οὔτε κλαίειν οὔτ’ ὀδύρεσθαι πρέπει, μὴ καὶ τεκνωθῇ δυσφορώτεροσ γόοσ. ἐπωνύμῳ δὲ κάρτα, Πολυνείκει λέγω, τάχ’ εἰσόμεσθα τοὐπίσημ’ ὅποι τελεῖ, εἴ νιν κατάξει χρυσότευκτα γράμματα ἐπ’ ἀσπίδοσ φλύοντα σὺν φοίτῳ φρενῶν. εἰ δ’ ἡ Διὸσ παῖσ παρθένοσ Δίκη παρῆν ἔργοισ ἐκείνου καὶ φρεσίν, τάχ’ ἂν τόδ’ ἦν· ἀλλ’ οὔτε νιν φυγόντα μητρόθεν σκότον, οὔτ’ ἐν τροφαῖσιν, οὔτ’ ἐφηβήσαντά πω, οὔτ’ ἐν γενείου ξυλλογῇ τριχώματοσ, Δίκη προσεῖδε καὶ κατηξιώσατο· οὐδ’ ἐν πατρῴασ μὴν χθονὸσ κακουχίᾳ οἶμαί νιν αὐτῷ νῦν παραστατεῖν πέλασ. ἦ δῆτ’ ἂν εἰή πανδίκωσ ψευδώνυμοσ Δίκη, ξυνοῦσα φωτὶ παντόλμῳ φρένασ. τούτοισ πεποιθὼσ εἶμι καὶ ξυστήσομαι αὐτόσ· τίσ ἄλλοσ μᾶλλον ἐνδικώτεροσ; ἄρχοντί τ’ ἄρχων καὶ κασιγνήτῳ κάσισ, ἐχθρὸσ σὺν ἐχθρῷ στήσομαι. φέρ’ ὡσ τάχοσ κνημῖδασ, αἰχμῆσ καὶ πέτρων προβλήματα. μή, φίλτατ’ ἀνδρῶν, Οἰδίπου τέκοσ, γένῃ ὀργὴν ὁμοῖοσ τῷ κάκιστ’ αὐδωμένῳ· ἀλλ’ ἄνδρασ Ἀργείοισι Καδμείουσ ἅλισ ἐσ χεῖρασ ἐλθεῖν· αἷμα γὰρ καθάρσιον. ἀνδροῖν δ’ ὁμαίμοιν θάνατοσ ὧδ’ αὐτοκτόνοσ, οὐκ ἔστι γῆρασ τοῦδε τοῦ μιάσματοσ. εἴπερ κακὸν φέροι τισ, αἰσχύνησ ἄτερ ἔστω· μόνον γὰρ κέρδοσ ἐν τεθνηκόσι· κακῶν δὲ κᾀσχρῶν οὔτιν’ εὐκλείαν ἐρεῖσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aeschylus, Seven Against Thebes, episode

(아이스킬로스, 테바이를 공격한 일곱 장수, episode)

상위

목록

SEARCH

MENU NAVIGATION