헬라어 문장 검색 - Αεσξηψ́Περσιαν́11́01́2́

(아이스킬로스, 페르시아인들, episode, trochees 2:)

φεῦ, ταχεῖά γ’ ἦλθε χρησμῶν πρᾶξισ, ἐσ δὲ παῖδ’ ἐμὸν Ζεὺσ ἀπέσκηψεν τελευτὴν θεσφάτων· ἐγὼ δέ που διὰ μακροῦ χρόνου τάδ’ ηὔχουν ἐκτελευτήσειν θεούσ· ἀλλ’ ὅταν σπεύδῃ τισ αὐτόσ, χὠ θεὸσ συνάπτεται. νῦν κακῶν ἐοίκε πηγὴ πᾶσιν ηὑρῆσθαι φίλοισ. παῖσ δ’ ἐμὸσ τάδ’ οὐ κατειδὼσ ἤνυσεν νέῳ θράσει· ὅστισ Ἑλλήσποντον ἱρὸν δοῦλον ὣσ δεσμώμασιν ἤλπισε σχήσειν ῥέοντα, Βόσπορον ῥόον θεοῦ· καὶ πόρον μετερρύθμιζε, καὶ πέδαισ σφυρηλάτοισ περιβαλὼν πολλὴν κέλευθον ἤνυσεν πολλῷ στρατῷ, θνητὸσ ὢν θεῶν τε πάντων ᾤετ’, οὐκ εὐβουλίᾳ, καὶ Ποσειδῶνοσ κρατήσειν. πῶσ τάδ’ οὐ νόσοσ φρενῶν εἶχε παῖδ’ ἐμόν; δέδοικα μὴ πολὺσ πλούτου πόνοσ οὑμὸσ ἀνθρώποισ γένηται τοῦ φθάσαντοσ ἁρπαγή. ταῦτά τοι κακοῖσ ὁμιλῶν ἀνδράσιν διδάσκεται θούριοσ Ξέρξησ· λέγουσι δ’ ὡσ σὺ μὲν μέγαν τέκνοισ πλοῦτον ἐκτήσω ξὺν αἰχμῇ, τὸν δ’ ἀνανδρίασ ὕπο ἔνδον αἰχμάζειν, πατρῷον δ’ ὄλβον οὐδὲν αὐξάνειν. τοιάδ’ ἐξ ἀνδρῶν ὀνείδη πολλάκισ κλύων κακῶν τήνδ’ ἐβούλευσεν κέλευθον καὶ στράτευμ’ ἐφ’ Ἑλλάδα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Aeschylus, Persians, episode, trochees 2:

(아이스킬로스, 페르시아인들, episode, trochees 2:)

상위

목록

SEARCH

MENU NAVIGATION