호흡부호 보기
강세부호 보기
장단부호 보기
작은 Iota 보기
모든 부호 보기
"ὥσπερ ἀντιφράγματά σοι κείσθω πρὸσ τοὺσ ἄγαν πικροὺσ καὶ κατηγορικοὺσ ἐκείνουσ. "ἀναλαβόντεσ δ’ αὖθισ ὥσπερ ἀρχὴν κλωστῆροσ ἐν σκοτεινῷ καὶ πολλοὺσ ἑλιγμοὺσ καὶ πλάνασ ἔχοντι τῷ περὶ τοῦ θεοῦ λόγῳ, καθοδηγῶμεν αὑτοὺσ μετ’ εὐλαβείασ ἀτρέμα πρὸσ τὸ εἰκὸσ καὶ πιθανόν, ὡσ τό γε σαφὲσ καὶ τὴν ἀλήθειαν οὐδ’ ἐν οἷσ αὐτοὶ πράττομεν ἀσφαλῶσ εἰπεῖν ἔχομεν· "οἱο͂ν, διὰ τί τῶν ὑπὸ φθίσεωσ ἢ ὑδέρου διαφθαρέντων τοὺσ παῖδασ εἰσ ὕδωρ τὼ πόδε βρέχοντασ καθίζεσθαι κελεύομεν, ἑώσ ἂν ὁ νεκρὸσ κατακαῇ; "δοκεῖ γὰρ οὕτω τὸ νόσημα μὴ μεθίστασθαι μηδὲ προσπελάζειν αὐτοῖσ. ἢ πάλιν, δι’ ἣν αἰτίαν, αἰγὸσ τὸν ἠρυγγίτην λαβούσησ εἰσ τὸ στόμα, ὅλον ἐφίσταται τὸ αἰπόλιον, ἄχρι ἂν ἐξέλῃ προσελθὼν ὁ αἰπόλοσ; "ἄλλαι τε δυνάμεισ ἁφὰσ; "ἔχουσαι καὶ διαδόσεισ ἀπίστουσ ὀξύτησι καὶ μήκεσι δι’ ἑτέρων εἰσ ἕτερα περαίνουσιν. "ἀλλ’ ἡμεῖσ τὰ κατὰ τοὺσ χρόνουσ διαλείμματα θαυμάζομεν οὐ τὰ κατὰ τοὺσ τόπουσ. "καίτοι θαυμασιώτερον εἰ, πάθουσ ἐν Αἰθιοπίᾳ λαβόντοσ ἀρχήν, ἀνεπλήσθησαν αἱ Ἀθῆναι καὶ Περικλῆσ ἀπέθανε καὶ Θουκυδίδησ ἐνόσησεν, ἢ εἰ, Δελφῶν καὶ Συβαριτῶν γενομένων πονηρῶν, ἡ δίκη φερομένη περιῆλθεν εἰσ τοὺσ παῖδασ. "ἔχουσι γάρ τινασ αἱ δυνάμεισ ἀναφορὰσ ἀπὸ τῶν ἐσχάτων ἐπὶ τὰ πρῶτα καὶ συνάψεισ· "ὧν ἡ αἰτία, κἂν ὑφ’ ἡμῶν ἀγνοῆται, σιωπῇ περαίνει τὸ οἰκεῖον.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기