헬라어 문장 검색 - Πλυταρ́Δεσεραν́04́

(플루타르코스, De sera numinis vindicta, section 4)

"ἐπιθῶ καὶ αὐτὸσ ἤδη τῷ λόγῳ τὸν κολοφῶνα τῆσ ἀπορίασ, ἢ πρὸσ ταῦτ’ ἐάσω πρότερον αὐτὸν διαγωνίσασθαι; "δεῖ τὸ τρίτον ἐπενεγκεῖν κῦμα καὶ προσκατακλύσαι τὸν λόγον, εἰ τὰ πρῶτα μὴ δυνατὸσ ἔσται διώσασθαι μηδ’ ἀποφυγεῖν ἐγκλήματα; "πρῶτον οὖν ὥσπερ ἀφ’ ἑστίασ ἀρχόμενοι πατρῴασ, τῆσ πρὸσ τὸ θεῖον εὐλαβείασ τῶν ἐν Ἀκαδημείᾳ φιλοσόφων, τὸ μὲν ὡσ εἰδότεσ τι περὶ τούτων λέγειν ἀφοσιωσόμεθα. "πλέον γάρ ἐστι τοῦ περὶ μουσικῶν ἀμούσουσ καὶ πολεμικῶν ἀστρατεύτουσ διαλέγεσθαι τὸ τὰ θεῖα καὶ τὰ δαιμόνια πράγματα διασκοπεῖν, ἀνθρώπουσ ὄντασ, οἱο͂ν ἀτέχνουσ τεχνιτῶν διάνοιαν ἀπὸ δόξησ καὶ ὑπονοίασ κατὰ τὸ εἰκὸσ μετιόντασ. "οὐ γὰρ ἰατροῦ μὲν ἰδιώτην ὄντα συμβαλεῖν λογισμόν, ὡσ πρότερον οὐκ ἔτεμεν ἀλλ’ ὕστερον οὐδ’ ἐχθὲσ ἔλουσεν ἀλλὰ σήμερον, ἔργον ἐστί· "περὶ θεῶν δὲ θνητὸν ῥᾴδιον βέβαιον εἰπεῖν ἄλλο, πλὴν ὅτι τὸν καιρὸν εἰδὼσ ἄριστα τῆσ περὶ τὴν κακίαν ἰατρείασ ὡσ φάρμακον ἑκάστῳ προσφέρει τὴν κόλασιν, οὔτε μεγέθουσ μέτρον κοινὸν οὔτε χρόνον ἕνα καὶ τὸν αὐτὸν ἐπὶ πάντων ἔχουσαν. "ὅτι γὰρ ἡ περὶ τὴν ψυχὴν ἰατρεία, δίκη δὲ καὶ δικαιοσύνη προσαγορευομένη, πασῶν ἐστι τεχνῶν μεγίστη, πρὸσ μυρίοισ ἑτέροισ καὶ Πίνδαροσ ἐμαρτύρησεν, ἀριστοτέχναν ἀνακαλούμενοσ τὸν ἄρχοντα καὶ κύριον ἁπάντων θεόν, ὡσ δὴ δίκησ ὂντα δημιουργόν, ᾗ προσήκει τὸ πότε καὶ πῶσ καὶ μέχρι πόσου κολαστέον ἕκαστον τῶν πονηρῶν ὁρίζειν. "καὶ ταύτησ φησὶ τῆσ τέχνησ ὁ Πλάτων υἱὸν ὄντα τοῦ Διὸσ γεγονέναι τὸν Μίνω μαθητήν, ὡσ οὐ δυνατὸν ἐν τοῖσ δικαίοισ κατορθοῦν οὐδ’ αἰσθάνεσθαι τοῦ κατορθοῦντοσ τὸν μὴ μαθόντα μηδὲ κτησάμενον τὴν ἐπιστήμην. "οὐδὲ γὰρ οὓσ ἄνθρωποι νόμουσ τίθενται τὸ εὔλογον ἁπλῶσ ἔχουσι καὶ πάντοτε φαινόμενον, ἀλλ’ ἔνια καὶ δοκεῖ κομιδῇ γελοῖα τῶν προσταγμάτων· "οἱο͂ν ἐν Λακεδαίμονι, κηρύττουσιν οἱ ἔφοροι παριόντεσ εὐθὺσ εἰσ τὴν ἀρχὴν μὴ τρέφειν μύστακα, καὶ πείθεσθαι τοῖσ νόμοισ ὡσ μὴ χαλεποὶ ὦσιν αὐτοῖσ· "Ῥωμαῖοι δέ, οὓσ ἂν εἰσ ἐλευθερίαν ἀφαιρῶνται, κάρφοσ αὐτῶν λεπτὸν ἐπιβάλλουσι τοῖσ σώμασιν· "ὅταν δὲ διαθήκασ γράφωσιν, ἑτέρουσ μὲν ἀπολείπουσι κληρονόμουσ ἑτέροισ δὲ πωλοῦσι τὰσ οὐσίασ· "ὃ δοκεῖ παράλογον εἶναι. "παραλογώτατον δὲ τὸ τοῦ Σόλωνοσ, ἄτιμον εἶναι τὸν ἐν στάσει πόλεωσ μηδετέρᾳ μερίδι προσθέμενον μηδὲ συστασιάσαντα. "καὶ ὅλωσ πολλὰσ. ἄν τισ ἐξείποι νόμων ἀτοπίασ μήτε τὸν λόγον ἔχων τοῦ νομοθέτου μήτε τὴν αἰτίαν συνιεὶσ ἑκάστου τῶν γραφομένων. "τί δὴ θαυμαστόν, εἰ, τῶν ἀνθρωπίνων οὕτωσ, ἡμῖν ὄντων δυσθεωρήτων, οὐκ εὔπορόν ἐστι τὸ περὶ τῶν θεῶν εἰπεῖν, ᾧτινι λόγῳ τοὺσ μὲν ὕστερον τοὺσ δὲ πρότερον τῶν ἁμαρτανόντων κολάζουσιν;

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, De sera numinis vindicta, section 4

(플루타르코스, De sera numinis vindicta, section 4)

상위

목록

SEARCH

MENU NAVIGATION