헬라어 문장 검색 - Πλυταρ́Ξατοτηέ37́

(플루타르코스, Cato the Younger, chapter 37)

ὁ μέντοι Μουνάτιοσ οὐκ ἀπιστίᾳ τοῦ Κάτωνοσ, ἀλλ’ ἐκείνου μὲν ὀλιγωρίᾳ πρὸσ αὐτὸν, αὐτοῦ δέ τινι ζηλοτυπίᾳ πρὸσ τὸν Κανίδιον ἱστορεῖ γενέσθαι τὴν ὀργήν. καὶ γὰρ αὐτὸσ σύγγραμμα περὶ τοῦ Κάτωνοσ ἐξέδωκεν, ᾧ μάλιστα Θρασέασ ἐπηκολούθησε. λέγει δὲ ὕστεροσ μὲν εἰσ Κύπρον ἀφικέσθαι καὶ λαβεῖν παρημελημένην ξενίαν, ἐλθὼν δὲ ἐπὶ θύρασ ἀπωσθῆναι, σκευωρουμένου τι τοῦ Κάτωνοσ οἴκοι σὺν τῷ Κανιδίῳ, μεμψάμενοσ δὲ μετρίωσ οὐ μετρίασ τυχεῖν ἀποκρίσεωσ, ὅτι κινδυνεύει τὸ λίαν φιλεῖν, ὥσ φησι Θεόφραστοσ, αἴτιον τοῦ μισεῖν γίνεσθαι πολλάκισ·

"τῷ μάλιστα φιλεῖν ἧττον οἰόμενοσ ἢ προσήκει τιμᾶσθαι χαλεπαίνεισ. "Κανιδίῳ δὲ καὶ δι’ ἐμπειρίαν χρῶμαι καὶ διὰ πίστιν ἑτέρων μᾶλλον, ἐξ ἀρχῆσ μὲν ἀφιγμένῳ, καθαρῷ δὲ φαινομένῳ. ταῦτα μέντοι μόνον αὐτῷ μόνῳ διαλεχθέντα τὸν Κάτωνα πρὸσ τὸν Κανίδιον ἐξενεγκεῖν.

χρόνον ἐν ὀργῇ διατελεῖν εἶτα τῆσ Μαρκίασ ἔτι γὰρ συνῷκει τῷ Κάτωνι διαλεχθείσησ, τυχεῖν μὲν ὑπὸ Βάρκα κεκλημένουσ ἐπὶ δεῖπνον, εἰσελθόντα δὲ ὕστερον τὸν Κάτωνα, τῶν ἄλλων κατακειμένων, ἐρωτᾶν ὅπου κατακλιθείη.

τοῦ δὲ Βάρκα κελεύσαντοσ ὅπου βούλεται, περιβλεψάμενον εἰπεῖν ὅτι παρὰ Μουνάτιον καὶ περιελθόντα πλησίον αὐτοῦ κατακλιθῆναι, πλέον δὲ μηθὲν φιλοφρονήσασθαι παρὰ τὸ δεῖπνον. ἀλλὰ πάλιν τῆσ Μαρκίασ δεομένησ τὸν μὲν Κάτωνα γράψαι πρὸσ αὐτὸν, ὡσ ἐντυχεῖν τι βουλόμενον, αὐτὸσ δὲ ἥκειν ἑώθεν εἰσ τὴν οἰκίαν καὶ ὑπὸ τῆσ Μαρκίασ κατασχεθῆναι μέχρι πάντεσ ἀπηλλάγησαν, οὕτω δὲ εἰσελθόντα τὸν Κάτωνα καὶ περιβαλόντα τὰσ χεῖρασ ἀμφοτέρασ ἀσπάσασθαι καὶ φιλοφρονεῖσθαι.

ταῦτα μὲν οὖν οὐχ ἧττον οἰόμενοι τῶν ὑπαίθρων καὶ μεγάλων πράξεων πρὸσ ἔνδειξιν ἤθουσ καὶ κατανόησιν ἔχειν τινὰ σαφήνειαν ἐπὶ πλέον διήλθομεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Cato the Younger, chapter 37

(플루타르코스, Cato the Younger, chapter 37)

상위

목록

SEARCH

MENU NAVIGATION