헬라어 문장 검색 - Αρριαν́Ξψνεγετ́21́

(아리아노스, Cynegeticus, chapter 20)

ὅσοισ δὲ οὐκ εἰσιν οἱ κατοπτεύσοντεσ, οἵ μὲν αὐτῶν πλείουσ συνθήρουσ συναγαγόντεσ ἐξίασιν ἐφ̓ ἵππων, καὶ τὰ ὕποπτα ἐπερχόμενοι, ὅπου ἂν τύχῃ ἐξεγερθεὶσ λαγώσ, μεθιᾶσιν τὰσ κύνασ· ὅσοι δέ τι μᾶλλον αὐτουργοί εἰσιν κυνηγεσίων, πεζοὶ ἐξίασιν, εἷσ δέ τισ αὐτοῖσ ἐφ̓ ἵππου ἐφομαρτεῖ, καὶ οὗτοσ διώκειν τέτακται ἅμα ταῖσ κυσίν. ἐκπεριίασιν δὲ ἐπὶ μετώπου ταχθέντεσ·

ἔπειτα ἐπ̓ εὐθείασ προελθόντεσ, ὅσον σύμμετρον διανῦσαι, ἐπιστρέψαντεσ αὖ ἀνακάμπτουσιν παρὰ τὰ αὐτὰ διὰ τῶν αὐτῶν, μηδὲν ἐσ δύναμιν παραλείποντεσ τῶν ὑπόπτων. χρὴ δὲ εἰ πλείουσ κύνασ ἐπαγάγοιντο, μὴ εἰκῇ τεταγμένουσ ἰέναι·

εἰ γάρ τοι ἐξεγερθείη τῆσ εὐνῆσ λαγώσ, οὐκ ἔστιν ὅστισ ἂν ἀπόσχοιτο μὴ οὐκ ἐφεῖναι τὴν ἑαυτοῦ κύνα, ὃ μὲν ἐπιθυμίᾳ τοῦ θέουσαν ἰδεῖν τὴν αὑτοῦ ἕκαστοσ, ὃ δέ τισ ἐκπλαγεὶσ πρὸσ τὴν βοὴν καὶ ἔκφρων γενόμενοσ· ἁλίσκοιτό τε ἂν ἄνευ ἀγῶνοσ λαγὼσ ὑπὸ θορυβούντων κυνῶν, καὶ τοῦ θεάματοσ ὅ τι περ ὄφελοσ ἀπολλύοιτο. ἀλλ̓ ἄρχοντα χρὴ ἐπιτετάχθαι τῇ θήρᾳ, καὶ οὗτοσ συνδυαζέτω τὰσ κύνασ, καὶ ταττέτω ὡσ εἰ μὲν ταύτῃ πηδήσειεν, σὺ καὶ σὺ ἐπιλύειν, ἄλλοσ δὲ μὴ λυέτω·

εἰ δὲ ταύτῃ, αὖ σὺ καὶ σύ. οἳ δὲ ἐμπεδούντων τὸ ταχθέν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Cynegeticus, chapter 20

(아리아노스, Cynegeticus, chapter 20)

상위

목록

SEARCH

MENU NAVIGATION