헬라어 문장 검색 - ΣτραβόΓεογραπ́07́04́

(스트라본, 지리학, Book 7, chapter 4)

ἐνταῦθα δ’ ἐστὶν ὁ ἰσθμὸσ ὁ διείργων τὴν σαπρὰν λεγομένην λίμνην ἀπὸ τῆσ θαλάττησ σταδίων ὢν τετταράκοντα καὶ ποιῶν τὴν Ταυρικὴν καὶ Σκυθικὴν λεγομένην χερρόνησον· οἱ δὲ τριακοσίων ἑξήκοντα τὸ πλάτοσ τοῦ ἰσθμοῦ φασιν. ἡ δὲ σαπρὰ λίμνη σταδίων μὲν καὶ τετρακισχιλίων λέγεται, μέροσ δ’ ἐστὶ τῆσ Μαιώτιδοσ τὸ πρὸσ δύσιν· συνεστόμωται γὰρ αὐτῇ στόματι μεγάλῳ. ἑλώδησ δ’ ἐστὶ σφόδρα καὶ ῥαπτοῖσ πλοίοισ μόγισ πλόιμοσ· οἱ γὰρ ἄνεμοι τὰ τενάγη ῥᾳδίωσ ἀνακαλύπτουσιν, εἶτα πάλιν πληροῦσιν, ὥστε τὰ ἕλη τοῖσ μείζοσι σκάφεσιν οὐ περάσιμά ἐστιν. ἔχει δ’ ὁ κόλποσ νησίδια τρία καὶ προσβραχῆ τινα καὶ χοιραδώδη ὀλίγα κατὰ τὸν παράπλουν. ἐκπλέοντι δ’ ἐν ἀριστερᾷ πολίχνη καὶ ἄλλοσ λιμὴν Χερρονησιτῶν.

ἔκκειται γὰρ ἐπὶ τὴν μεσημβρίαν ἄκρα μεγάλη κατὰ τὸν παράπλουν ἐφεξῆσ, μέροσ οὖσα τῆσ ὅλησ χερρονήσου, ἐφ’ ᾗ ἵδρυται πόλισ Ἡρακλεωτῶν ἄποικοσ τῶν ἐν τῷ Πόντῳ, αὐτὸ τοῦτο καλουμένη Χερρόνησοσ, διέχουσα τοῦ Τύρα παράπλουν σταδίων τετρακισχιλίων τετρακοσίων· ἐν ᾗ τὸ τῆσ Παρθένου ἱερόν, δαίμονόσ τινοσ, ἧσ ἐπώνυμοσ καὶ ἡ ἄκρα ἡ πρὸ τῆσ πόλεώσ ἐστιν ἐν σταδίοισ ἑκατόν, καλουμένη Παρθένιον, ἔχον νεὼν τῆσ δαίμονοσ καὶ ξόανον. μεταξὺ δὲ τῆσ πόλεωσ καὶ τῆσ ἄκρασ λιμένεσ τρεῖσ· εἶθ’ ἡ παλαιὰ Χερρόνησοσ κατεσκαμμένη καὶ μετ’ αὐτὴν λιμὴν στενόστομοσ, καθ’ ὃν μάλιστα οἱ Ταῦροι, Σκυθικὸν ἔθνοσ, τὰ λῃστήρια συνίσταντο τοῖσ καταφεύγουσιν ἐπ’ αὐτὸν ἐπιχειροῦντεσ· καλεῖται δὲ συμβόλων λιμήν. οὗτοσ δὲ ποιεῖ πρὸσ ἄλλον λιμένα Κτενοῦντα καλούμενον τετταράκοντα σταδίων ἰσθμόν· οὗτοσ δ’ ἐστὶν ὁ ἰσθμὸσ ὁ κλείων τὴν μικρὰν χερρόνησον, ἣν ἔφαμεν τῆσ μεγάλησ χερρονήσου μέροσ, ἔχουσαν ἐν αὑτῇ τὴν ὁμωνύμωσ λεγομένην πόλιν Χερρόνησον. αὕτη δ’ ἦν πρότερον αὐτόνομοσ, πορθουμένη δὲ ὑπὸ τῶν βαρβάρων ἠναγκάσθη προστάτην ἑλέσθαι Μιθριδάτην τὸν Εὐπάτορα, στρατηγιῶντα ἐπὶ τοὺσ ὑπὲρ τοῦ ἰσθμοῦ μέχρι Βορυσθένουσ βαρβάρουσ·

ταῦτα δ’ ἦν ἐπὶ Ῥωμαίουσ παρασκευή. ἐκεῖνοσ μὲν οὖν κατὰ ταύτασ τὰσ ἐλπίδασ ἄσμενοσ πέμψασ εἰσ τὴν Χερρόνησον στρατιὰν ἅμα πρόσ τε τοὺσ Σκύθασ ἐπολέμει Σκίλουρόν τε καὶ τοὺσ Σκιλούρου παῖδασ τοὺσ περὶ Πάλακον, οὓσ Ποσειδώνιοσ μὲν πεντήκοντά φησιν Ἀπολλωνίδησ δὲ ὀγδοήκοντα· ἅμα δὲ τούτουσ τε ἐχειρώσατο βίᾳ καὶ Βοσπόρου κατέστη κύριοσ παρ’ ἑκόντοσ λαβὼν Παιρισάδου τοῦ κατέχοντοσ. ἐξ ἐκείνου δὴ τοῦ χρόνου τοῖσ τοῦ Βοσπόρου δυνάσταισ ἡ τῶν Χερρονησιτῶν πόλισ ὑπήκοοσ μέχρι νῦν ἐστι. τὸ δ’ ἴσον ὁ Κτενοῦσ διέχει τῆσ τε τῶν Χερρονησιτῶν πόλεωσ καὶ τοῦ συμβόλων λιμένοσ. μετὰ δὲ τὸν συμβόλων λιμένα μέχρι Θεοδοσίασ πόλεωσ ἡ Ταυρικὴ παραλία, χιλίων που σταδίων τὸ μῆκοσ, τραχεῖα καὶ ὀρεινὴ καὶ καταιγίζουσα τοῖσ βορέαισ ἵδρυται. πρόκειται δ’ αὐτῆσ ἄκρα πολὺ πρὸσ τὸ πέλαγοσ καὶ τὴν μεσημβρίαν ἐκκειμένη κατὰ Παφλαγονίαν καὶ Ἄμαστριν πόλιν, καλεῖται δὲ Κριοῦ μέτωπον. ἀντίκειται δ’ αὐτῇ τὸ τῶν Παφλαγόνων ἀκρωτήριον ἡ Κάραμβισ τὸ διαιροῦν εἰσ πελάγη δύο τὸν Εὔξεινον πόντον τῷ ἑκατέρωθεν σφιγγομένῳ πορθμῷ. διέστηκε δ’ ἡ Κάραμβισ τῆσ μὲν τῶν Χερρονησιτῶν πόλεωσ σταδίουσ δισχιλίουσ καὶ πεντακοσίουσ, τοῦ δὲ Κριοῦ μετώπου πολὺ ἐλάττουσ τὸν ἀριθμόν· συχνοὶ γοῦν τῶν διαπλευσάντων τὸν πορθμὸν ἅμα φασὶν ἰδεῖν ἀμφοτέρασ ἑκατέρωθεν τὰσ ἄκρασ. ἐν δὲ τῇ ὀρεινῇ τῶν Ταύρων καὶ τὸ ὄροσ ἐστὶν ὁ Τραπεζοῦσ, ὁμώνυμον τῇ πόλει τῇ περὶ τὴν Τιβαρανίαν καὶ τὴν Κολχίδα· καὶ ἄλλο δ’ ἐστὶν ὄροσ Κιμμέριον κατὰ τὴν αὐτὴν ὀρεινήν, δυναστευσάντων ποτὲ τῶν Κιμμερίων ἐν τῷ Βοσπόρῳ· καθ’ ὃ καὶ Κιμμερικὸσ Βόσποροσ καλεῖται τοῦ πορθμοῦ πᾶν ὃ ἐπέχει τὸ στόμα τῆσ Μαιώτιδοσ. μετὰ δὲ τὴν ὀρεινὴν τὴν λεχθεῖσαν ἡ Θεοδοσία κεῖται πόλισ, πεδίον εὔγεων ἔχουσα καὶ λιμένα ναυσὶ καὶ ἑκατὸν ἐπιτήδειον·

οὗτοσ δὲ ὁρ́οσ ἦν πρότερον τῆσ τῶν Βοσποριανῶν καὶ Ταύρων γῆσ· καὶ ἡ ἑξῆσ δ’ ἐστὶν εὔγεωσ χώρα μέχρι Παντικαπαίου, τῆσ μητροπόλεωσ τῶν Βοσποριανῶν ἱδρυμένησ ἐπὶ τῷ στόματι τῆσ Μαιώτιδοσ. ἔστι δὲ τὸ μεταξὺ τῆσ Θεοδοσίασ καὶ τοῦ Παντικαπαίου σταδίων περὶ πεντακοσίων καὶ τριάκοντα, χώρα πᾶσα σιτοφόροσ, κώμασ ἔχουσα καὶ πόλιν εὐλίμενον τὸ Νύμφαιον καλούμενον. τὸ δὲ Παντικάπαιον λόφοσ ἐστὶ πάντη περιοικούμενοσ ἐν κύκλῳ σταδίων εἴκοσι· πρὸσ ἑώ δ’ ἔχει λιμένα καὶ νεώρια ὅσον τριάκοντα νεῶν, ἔχει δὲ καὶ ἀκρόπολιν· κτίσμα δ’ ἐστὶ Μιλησίων. ἐμοναρχεῖτο δὲ πολὺν χρόνον ὑπὸ δυναστῶν τῶν περὶ Λεύκωνα καὶ Σάτυρον καὶ Παιρισάδην αὕτη τε καὶ αἱ πλησιόχωροι κατοικίαι πᾶσαι αἱ περὶ τὸ στόμα τῆσ Μαιώτιδοσ ἑκατέρωθεν μέχρι Παιρισάδου τοῦ Μιθριδάτῃ παραδόντοσ τὴν ἀρχήν. ἐκαλοῦντο δὲ τύραννοι, καίπερ οἱ πλείουσ ἐπιεικεῖσ γεγονότεσ, ἀρξάμενοι ἀπὸ Παιρισάδου καὶ Λεύκωνοσ. Παιρισάδησ δὲ καὶ θεὸσ νενόμισται· τούτῳ δὲ ὁμώνυμοσ καὶ ὁ ὕστατοσ, ὃσ οὐχ οἱο͂́σ τε ὢν ἀντέχειν πρὸσ τοὺσ βαρβάρουσ φόρον πραττομένουσ μείζω τοῦ πρότερον Μιθριδάτῃ τῷ Εὐπάτορι παρέδωκε τὴν ἀρχήν· ἐξ ἐκείνου δ’ ἡ βασιλεία γεγένηται Ῥωμαίοισ ὑπήκοοσ. τὸ μὲν οὖν πλέον αὐτῆσ μέροσ ἐστὶν ἐπὶ τῆσ Εὐρώπησ, μέροσ δέ τι καὶ ἐπὶ τῆσ Ἀσίασ. τὸ δὲ στόμα τῆσ Μαιώτιδοσ καλεῖται μὲν Κιμμερικὸσ Βόσποροσ, ἄρχεται δὲ ἀπὸ μείζονοσ πλάτουσ ἑβδομήκοντά που σταδίων·

καθ’ ὃ διαίρουσιν ἐκ τῶν περὶ Παντικάπαιον τόπων εἰσ τὴν ἐγγυτάτω πόλιν τῆσ Ἀσίασ τὴν Φαναγόρειαν· τελευτᾷ δ’ εἰσ πολὺ στενώτερον πορθμόν. διαιρεῖ δ’ ὁ στενωπὸσ οὗτοσ τὴν Ἀσίαν ἀπὸ τῆσ Εὐρώπησ καὶ ὁ Τάναϊσ ποταμόσ, καταντικρὺ ῥέων ἀπὸ τῶν ἄρκτων εἴσ τε τὴν λίμνην καὶ τὸ στόμα αὐτῆσ· δύο δ’ ἔχει τὰσ εἰσ τὴν λίμνην ἐκβολὰσ διεχούσασ ἀλλήλων ὅσον σταδίουσ ἑξήκοντα. ἔστι δὲ καὶ πόλισ ὁμώνυμοσ τῷ ποταμῷ, μέγιστον τῶν βαρβάρων ἐμπόριον μετὰ τὸ Παντικάπαιον. ἐν ἀριστερᾷ δ’ εἰσπλέοντι τὸν Κιμμερικὸν Βόσπορον πολίχνιόν ἐστι Μυρμήκιον ἐν εἴκοσι σταδίοισ ἀπὸ τοῦ Παντικαπαίου. τοῦ δὲ Μυρμηκίου διπλάσιον διέχει κώμη Παρθένιον, καθ’ ἣν στενώτατοσ ὁ εἴσπλουσ ἐστὶν ὅσον εἴκοσι σταδίων, ἔχων ἀντικειμένην ἐν τῇ Ἀσίᾳ κώμην Ἀχίλλειον καλουμένην. ἐντεῦθεν δ’ εὐθυπλοίᾳ μὲν ἐπὶ τὸν Τάναϊν καὶ τὴν κατὰ τὰσ ἐκβολὰσ νῆσον στάδιοι δισχίλιοι διακόσιοι, μικρὸν δ’ ὑπερβάλλει τοῦ ἀριθμοῦ τούτου πλέοντι παρὰ τὴν Ἀσίαν· πλέον δ’ ἢ τριπλάσιον ἐν ἀριστερᾷ πλέοντι μέχρι τοῦ Τανάιδοσ, ἐν ᾧ παράπλῳ καὶ ὁ ἰσθμὸσ ἵδρυται. οὗτοσ μὲν οὖν ὁ παράπλουσ ἔρημοσ πᾶσ ὁ παρὰ τὴν Εὐρώπην, ὁ δ’ ἐν δεξιᾷ οὐκ ἔρημοσ· ὁ δὲ σύμπασ τῆσ λίμνησ κύκλοσ ἐνακισχιλίων ἱστορεῖται σταδίων. ἡ δὲ μεγάλη χερρόνησοσ τῇ Πελοποννήσῳ προσέοικε καὶ τὸ σχῆμα καὶ τὸ μέγεθοσ. ἔχουσι δ’ αὐτὴν οἱ τοῦ Βοσπόρου δυνάσται κεκακωμένην πᾶσαν ὑπὸ τῶν συνεχῶν πολέμων. πρότερον δ’ εἶχον ὀλίγην μὲν τὴν πρὸσ τῷ στόματι τῆσ Μαιώτιδοσ καὶ τῷ Παντικαπαίῳ μέχρι Θεοδοσίασ τῶν Βοσπορίων τύραννοι, τὴν δὲ πλείστην μέχρι τοῦ ἰσθμοῦ καὶ τοῦ κόλπου τοῦ Καρκινίτου Ταῦροι, Σκυθικὸν ἔθνοσ· καὶ ἐκαλεῖτο ἡ χώρα πᾶσα αὕτη, σχεδὸν δέ τι καὶ ἡ ἔξω τοῦ ἰσθμοῦ μέχρι Βορυσθένουσ, μικρὰ Σκυθία· διὰ δὲ τὸ πλῆθοσ τῶν ἐνθένδε περαιουμένων τόν τε Τύραν καὶ τὸν Ἴστρον καὶ ἐποικούντων τὴν γῆν καὶ ταύτησ οὐκ ὀλίγη μικρὰ προσηγορεύθη Σκυθία, τῶν Θρᾳκῶν τὰ μὲν τῇ βίᾳ συγχωρούντων τὰ δὲ τῇ κακίᾳ τῆσ χώρασ· ἑλώδησ γάρ ἐστιν ἡ πολλὴ αὐτῆσ. τῆσ δὲ χερρονήσου, πλὴν τῆσ ὀρεινῆσ τῆσ ἐπὶ τῇ θαλάττῃ μέχρι Θεοδοσίασ, ἥ γε ἄλλη πεδιὰσ καὶ εὔγεώσ ἐστι πᾶσα, σίτῳ δὲ καὶ σφόδρα εὐτυχήσ, τριακοντάχουν ἀποδιδοῦσα διὰ τοῦ τυχόντοσ ὀρυκτοῦ σχιζομένη.

φόρον τε ἐτέλουν ὀκτωκαίδεκα μυριάδασ μεδίμνων Μιθριδάτῃ, τάλαντα δ’ ἀργυρίου διακόσια σὺν τοῖσ Ἀσιανοῖσ χωρίοισ τοῖσ περὶ τὴν Σινδικήν. κἀν τοῖσ πρόσθεν χρόνοισ ἐντεῦθεν ἦν τὰ σιτοπομπεῖα τοῖσ Ἕλλησι, καθάπερ ἐκ τῆσ λίμνησ αἱ ταριχεῖαι. Λεύκωνα δέ φασιν ἐκ τῆσ Θεοδοσίασ Ἀθηναίοισ πέμψαι μυριάδασ μεδίμνων διακοσίασ καὶ δέκα. οἱ δ’ αὐτοὶ οὗτοι καὶ γεωργοὶ ἐκαλοῦντο ἰδίωσ διὰ τὸ τοὺσ ὑπερκειμένουσ νομάδασ εἶναι, τρεφομένουσ κρέασιν ἄλλοισ τε καὶ ἱππείοισ, ἱππείῳ δὲ καὶ τυρῷ καὶ γάλακτι καὶ ὀξυγάλακτι τοῦτο δὲ καὶ ὄψημά ἐστιν αὐτοῖσ κατασκευασθέν πωσ· διόπερ ὁ ποιητὴσ ἅπαντασ εἴρηκε τοὺσ ταύτῃ γαλακτοφάγουσ. οἱ μὲν οὖν νομάδεσ πολεμισταὶ μᾶλλόν εἰσιν ἢ λῃστρικοί, πολεμοῦσι δὲ ὑπὲρ τῶν φόρων. ἐπιτρέψαντεσ γὰρ ἔχειν τὴν γῆν τοῖσ ἐθέλουσι γεωργεῖν ἀντὶ ταύτησ ἀγαπῶσι φόρουσ λαμβάνοντεσ τοὺσ συντεταγμένουσ μετρίουσ τινάσ, οὐκ εἰσ περιουσίαν ἀλλ’ εἰσ τὰ ἐφήμερα καὶ τὰ ἀναγκαῖα τοῦ βίου· μὴ διδόντων δὲ αὐτοῖσ πολεμοῦσιν. οὕτω δὲ καὶ δικαίουσ ἅμα καὶ ἀβίουσ ὁ ποιητὴσ εἴρηκε τοὺσ αὐτοὺσ τούτουσ ἄνδρασ, ἐπεὶ τῶν γε φόρων ἀπευτακτουμένων οὐδ’ ἂν καθίσταντο εἰσ πόλεμον. οὐκ ἀπευτακτοῦσι δ’ οἱ δυνάμει πεποιθότεσ, ὥστε ἢ ἀμύνασθαι ῥᾳδίωσ ἐπιόντασ ἢ κωλῦσαι τὴν ἔφοδον· καθάπερ Ἄσανδρον ποιῆσαί φησιν Ὑψικράτησ, ἀποτειχίσαντα τὸν ἰσθμὸν τῆσ χερρονήσου τὸν πρὸσ τῇ Μαιώτιδι τριακοσίων ὄντα καὶ ἑξήκοντα σταδίων, ἐπιστήσαντα πύργουσ, καθ’ ἕκαστον στάδιον ἕνα. οἱ δὲ γεωργοὶ ταύτῃ μὲν ἡμερώτεροί τε ἅμα καὶ πολιτικώτεροι νομίζονται εἶναι, χρηματισταὶ δ’ ὄντεσ καὶ θαλάττησ ἁπτόμενοι λῃστηρίων οὐκ ἀπέχονται, οὐδὲ τῶν τοιούτων ἀδικιῶν καὶ πλεονεξιῶν. πρὸσ δὲ τοῖσ καταριθμηθεῖσι τόποισ ἐν τῇ χερρονήσῳ καὶ τὰ φρούρια ὑπῆρξεν, ἃ κατεσκεύασε Σκίλουροσ καὶ οἱ παῖδεσ, οἷσπερ καὶ ὁρμητηρίοισ ἐχρῶντο πρὸσ τοὺσ Μιθριδάτου στρατηγούσ, Παλάκιόν τε καὶ Χάβον καὶ Νεάπολισ·

ἦν δὲ καὶ Εὐπατόριόν τι, κτίσαντοσ Διοφάντου, τοῦ Μιθριδάτου στρατηγοῦ. ἔστι δ’ ἄκρα διέχουσα τοῦ τῶν Χερρονησιτῶν τείχουσ ὅσον πεντεκαίδεκα σταδίουσ, κόλπον ποιοῦσα εὐμεγέθη νεύοντα πρὸσ τὴν πόλιν· τούτου δ’ ὑπέρκειται λιμνοθάλαττα ἁλοπήγιον ἔχουσα· ἐνταῦθα δὲ καὶ ὁ Κτενοῦσ ἦν. ἵν’ οὖν ἀντέχοιεν, οἱ βασιλικοὶ πολιορκούμενοι τῇ τε ἄκρᾳ τῇ λεχθείσῃ φρουρὰν ἐγκατέστησαν τειχίσαντεσ τὸν τόπον, καὶ τὸ στόμα τοῦ κόλπου τὸ μέχρι τῆσ πόλεωσ διέχωσαν, ὥστε πεζεύεσθαι ῥᾳδίωσ καὶ τρόπον τινὰ μίαν εἶναι πόλιν ἐξ ἀμφοῖν· ἐκ δὲ τούτου ῥᾷον ἀπεκρούοντο τοὺσ Σκύθασ. ἐπεὶ δὲ καὶ τῷ διατειχίσματι τοῦ ἰσθμοῦ τοῦ πρὸσ τῷ Κτενοῦντι προσέβαλον καὶ τὴν τάφρον ἐνέχουν καλάμῳ, τὸ μεθ’ ἡμέραν γεφυρωθὲν μέροσ νύκτωρ ἐνεπίμπρασαν οἱ βασιλικοὶ καὶ ἀντεῖχον τέωσ ἑώσ ἐπεκράτησαν. καὶ νῦν ὑπὸ τοῖσ τῶν Βοσπορανῶν βασιλεῦσιν, οὓσ ἂν Ῥωμαῖοι καταστήσωσιν, ἅπαντά ἐστιν. ἴδιον δὲ τοῦ Σκυθικοῦ καὶ τοῦ Σαρματικοῦ παντὸσ ἔθνουσ τὸ τοὺσ ἵππουσ ἐκτέμνειν εὐπειθείασ χάριν·

μικροὶ μὲν γάρ εἰσιν, ὀξεῖσ δὲ σφόδρα καὶ δυσπειθεῖσ. θῆραι δ’ εἰσὶν ἐν μὲν τοῖσ ἕλεσιν ἐλάφων καὶ συάγρων, ἐν δὲ τοῖσ πεδίοισ ὀνάγρων καὶ δορκάδων. ἴδιον δέ τι καὶ τὸ ἀετὸν μὴ γίνεσθαι ἐν τοῖσ τόποισ τούτοισ. ἔστι δὲ τῶν τετραπόδων ὁ καλούμενοσ κόλοσ, μεταξὺ ἐλάφου καὶ κριοῦ τὸ μέγεθοσ, λευκόσ, ὀξύτεροσ τούτων τῷ δρόμῳ, πίνων τοῖσ ῥώθωσιν εἰσ τὴν κεφαλήν, εἶτ’ ἐντεῦθεν εἰσ ἡμέρασ ταμιεύων πλείουσ ὥστ’ ἐν τῇ ἀνύδρῳ νέμεσθαι ῥᾳδίωσ. τοιαύτη μὲν ἡ ἐκτὸσ Ἴστρου πᾶσα ἡ μεταξὺ τοῦ Ῥήνου καὶ τοῦ Τανάιδοσ ποταμοῦ μέχρι τῆσ Ποντικῆσ θαλάττησ καὶ τῆσ Μαιώτιδοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Strabo, Geography, Book 7, chapter 4

(스트라본, 지리학, Book 7, chapter 4)

상위

목록

SEARCH

MENU NAVIGATION