헬라어 문장 검색 - ΣτραβόΓεογραπ́04́05́

(스트라본, 지리학, book 4, chapter 5)

ἡ δὲ Βρεττανικὴ τρίγωνοσ μέν ἐστι τῷ σχήματι, παραβέβληται δὲ τὸ μέγιστον αὐτῆσ πλευρὸν τῇ Κελτικῇ, τοῦ μήκουσ οὔθ’ ὑπερβάλλον οὔτ’ ἐλλεῖπον· ἔστι γὰρ ὅσον τετρακισχιλίων καὶ τριακοσίων ἢ τετρακοσίων σταδίων ἑκάτερον, τό τε Κελτικὸν τὸ ἀπὸ τῶν ἐκβολῶν τοῦ Ῥήνου μέχρι πρὸσ τὰ βόρεια τῆσ Πυρήνησ ἄκρα τὰ κατὰ Ἀκυιτανίαν, καὶ τὸ ἀπὸ Καντίου τοῦ καταντικρὺ τῶν ἐκβολῶν τοῦ Ῥήνου, ἑωθινωτάτου σημείου τῆσ Βρεττανικῆσ, μέχρι πρὸσ τὸ ἑσπέριον ἄκρον τῆσ νήσου τὸ κατὰ τὴν Ἀκυιτανίαν καὶ τὴν Πυρήνην ἀντικείμενον. τοῦτο μὲν δὴ τοὐλάχιστον διάστημα ἀπὸ τῆσ Πυρήνησ ἐπὶ τὸν Ῥῆνόν ἐστιν, ἐπεὶ τὸ μέγιστον εἴρηται ὅτι καὶ πεντακισχιλίων σταδίων ἐστίν· ἀλλ’ εἰκὸσ εἶναί τινα σύννευσιν ἐκ τῆσ παραλλήλου θέσεωσ τῷ ποταμῷ πρὸσ τὸ ὄροσ, ἀμφοτέρωθεν ἐπιστροφῆσ τινοσ γινομένησ κατὰ τὰσ πρὸσ τὸν ὠκεανὸν ἐσχατιάσ. τέτταρα δ’ ἐστὶ διάρματα, οἷσ χρῶνται συνήθωσ ἐπὶ τὴν νῆσον ἐκ τῆσ ἠπείρου, τὰ ἀπὸ τῶν ἐκβολῶν τῶν ποταμῶν, τοῦ τε Ῥήνου καὶ τοῦ Σηκοάνα καὶ τοῦ Λίγηροσ καὶ τοῦ Γαρούνα.

τοῖσ δ’ ἀπὸ τῶν περὶ τὸν Ῥῆνον τόπων ἀναγομένοισ οὐκ ἀπ’ αὐτῶν τῶν ἐκβολῶν ὁ πλοῦσ ἐστιν, ἀλλὰ ἀπὸ τῶν ὁμορούντων τοῖσ Μεναπίοισ Μορίνων, παρ’ οἷσ ἐστὶ καὶ τὸ Ἴτιον, ᾧ ἐχρήσατο ναυστάθμῳ Καῖσαρ ὁ θεόσ, διαίρων εἰσ τὴν νῆσον· νύκτωρ δ’ ἀνήχθη, καὶ τῇ ὑστεραίᾳ κατῆρε περὶ τετάρτην ὡρ́αν τριακοσίουσ καὶ εἴκοσι σταδίουσ τοῦ διάπλου τελέσασ· κατέλαβε δ’ ἐν ἀρούραισ τὸν σῖτον. ἔστι δ’ ἡ πλείστη τῆσ νήσου πεδιὰσ καὶ κατάδρυμοσ, πολλὰ δὲ καὶ γεώλοφα τῶν χωρίων ἐστί, φέρει δὲ σῖτον καὶ βοσκήματα καὶ χρυσὸν καὶ ἄργυρον καὶ σίδηρον· ταῦτά [τε] δὴ κομίζεται ἐξ αὐτῆσ καὶ δέρματα καὶ ἀνδράποδα καὶ κύνεσ εὐφυεῖσ πρὸσ τὰσ κυνηγεσίασ· Κελτοὶ δὲ καὶ πρὸσ τοὺσ πολέμουσ χρῶνται καὶ τούτοισ καὶ τοῖσ ἐπιχωρίοισ. οἱ δὲ ἄνδρεσ εὐμηκέστεροι τῶν Κελτῶν εἰσι καὶ ἧσσον ξανθότριχεσ, χαυνότεροι δὲ τοῖσ σώμασι. σημεῖον δὲ τοῦ μεγέθουσ· ἀντίπαιδασ γὰρ εἴδομεν ἡμεῖσ ἐν Ῥώμῃ τῶν ὑψηλοτάτων αὐτόθι ὑπερέχοντασ καὶ ἡμιποδίῳ, βλαισοὺσ δὲ καὶ τἆλλα οὐκ εὐγράμμουσ τῇ συστάσει. τὰ δ’ ἔθη τὰ μὲν ὅμοια τοῖσ Κελτοῖσ τὰ δ’ ἁπλούστερα καὶ βαρβαρώτερα, ὥστ’ ἐνίουσ γάλακτοσ εὐποροῦντασ μὴ τυροποιεῖν διὰ τὴν ἀπειρίαν, ἀπείρουσ δ’ εἶναι καὶ κηπείασ καὶ ἄλλων γεωργικῶν. δυναστεῖαι δ’ εἰσὶ παρ’ αὐτοῖσ. πρὸσ δὲ τοὺσ πολέμουσ ἀπήναισ χρῶνται τὸ πλέον, καθάπερ καὶ τῶν Κελτῶν ἔνιοι. πόλεισ δ’ αὐτῶν εἰσιν οἱ δρυμοί· περιφράξαντεσ γὰρ δένδρεσι καταβεβλημένοισ εὐρυχωρῆ κύκλον ἐνταῦθα καὶ αὐτοὶ καλυβοποιοῦνται καὶ τὰ βοσκήματα κατασταθμεύουσιν οὐ πρὸσ πολὺν χρόνον. ἔπομβροι δ’ εἰσὶν οἱ ἀέρεσ μᾶλλον ἢ νιφετώδεισ· ἐν δὲ ταῖσ αἰθρίαισ ὁμίχλη κατέχει πολὺν χρόνον, ὥστε δι’ ἡμέρασ ὅλησ ἐπὶ τρεῖσ μόνον ἢ τέτταρασ ὡρ́ασ τὰσ περὶ τὴν μεσημβρίαν ὁρᾶσθαι τὸν ἥλιον. τοῦτο δὲ κἀν τοῖσ Μορίνοισ συμβαίνει καὶ τοῖσ Μεναπίοισ καὶ ὅσοι τούτων πλησιόχωροι. δὶσ δὲ διέβη Καῖσαρ εἰσ τὴν νῆσον ὁ θεόσ, ἐπανῆλθε δὲ διὰ ταχέων οὐδὲν μέγα διαπραξάμενοσ οὐδὲ προελθὼν ἐπὶ πολὺ τῆσ νήσου, διά τε τὰσ ἐν τοῖσ Κελτοῖσ γενομένασ στάσεισ τῶν τε βαρβάρων καὶ τῶν οἰκείων στρατιωτῶν, καὶ διὰ τὸ πολλὰ τῶν πλοίων ἀπολέσθαι κατὰ τὴν πανσέληνον αὔξησιν λαβουσῶν τῶν ἀμπώτεων καὶ τῶν πλημμυρίδων.

δύο μέντοι ἢ τρεῖσ νίκασ ἐνίκησε τοὺσ Βρεττανούσ, καίπερ δύο τάγματα μόνον περαιώσασ τῆσ στρατιᾶσ, καὶ ἀπήγαγεν ὅμηρά τε καὶ ἀνδράποδα καὶ τῆσ ἄλλησ λείασ πλῆθοσ. νυνὶ μέντοι τῶν δυναστῶν τινεσ τῶν αὐτόθι πρεσβεύσεσι καὶ θεραπείαισ κατασκευασάμενοι τὴν πρὸσ Καίσαρα τὸν Σεβαστὸν φιλίαν, ἀναθήματά τε ἀνέθηκαν ἐν τῷ Καπετωλίῳ καὶ οἰκείαν σχεδόν τι παρεσκεύασαν τοῖσ Ῥωμαίοισ ὅλην τὴν νῆσον· τέλη τε οὔπωσ ὑπομένουσι βαρέα τῶν τε εἰσαγομένων εἰσ τὴν Κελτικὴν ἐκεῖθεν καὶ τῶν ἐξαγομένων ἐνθένδε ταῦτα δ’ ἐστὶν ἐλεφάντινα ψάλια καὶ περιαυχένια καὶ λυγγούρια καὶ ὑαλᾶ σκεύη καὶ ἄλλοσ ῥῶποσ τοιοῦτοσ, ὥστε μηδὲν δεῖν φρουρᾶσ τῆσ νήσου· τοὐλάχιστον μὲν γὰρ ἑνὸσ τάγματοσ χρῄζοι ἂν καὶ ἱππικοῦ τινοσ, ὥστε καὶ φόρουσ ἀπάγεσθαι παρ’ αὐτῶν, εἰσ ἴσον δὲ καθίσταιτ’ ἂν τὸ ἀνάλωμα τῇ στρατιᾷ τοῖσ προσφερομένοισ χρήμασιν· ἀνάγκη γὰρ μειοῦσθαι τὰ τέλη φόρων ἐπιβαλλομένων, ἅμα δὲ καὶ κινδύνουσ ἀπαντᾶν τινασ βίασ ἐπαγομένησ. εἰσὶ δὲ καὶ ἄλλαι περὶ τὴν Βρεττανικὴν νῆσοι μικραί·

μεγάλη δ’ ἡ Ιἔρνη πρὸσ ἄρκτον αὐτῇ παραβεβλημένη, προμήκησ μᾶλλον [ἢ] πλάτοσ ἔχουσα. περὶ ἧσ οὐδὲν ἔχομεν λέγειν σαφὲσ πλὴν ὅτι ἀγριώτεροι τῶν Βρεττανῶν ὑπάρχουσιν οἱ κατοικοῦντεσ αὐτήν, ἀνθρωποφάγοι τε ὄντεσ καὶ πολυφάγοι, τούσ τε πατέρασ τελευτήσαντασ κατεσθίειν ἐν καλῷ τιθέμενοι καὶ φανερῶσ μίσγεσθαι ταῖσ τε ἄλλαισ γυναιξὶ καὶ μητράσι καὶ ἀδελφαῖσ. καὶ ταῦτα δ’ οὕτω λέγομεν ὡσ οὐκ ἔχοντεσ ἀξιοπίστουσ μάρτυρασ· καίτοι τό γε τῆσ ἀνθρωποφαγίασ καὶ Σκυθικὸν εἶναι λέγεται, καὶ ἐν ἀνάγκαισ πολιορκητικαῖσ καὶ Κελτοὶ καὶ Ἴβηρεσ καὶ ἄλλοι πλείουσ ποιῆσαι τοῦτο λέγονται. περὶ δὲ τῆσ Θούλησ ἔτι μᾶλλον ἀσαφὴσ ἡ ἱστορία διὰ τὸν ἐκτοπισμόν·

ταύτην γὰρ τῶν ὀνομαζομένων ἀρκτικωτάτην τιθέασιν. ἃ δ’ εἴρηκε Πυθέασ περί τε ταύτησ καὶ τῶν ἄλλων τῶν ταύτῃ τόπων ὅτι μὲν πέπλασται, φανερὸν ἐκ τῶν γνωριζομένων χωρίων· κατέψευσται γὰρ αὐτῶν τὰ πλεῖστα, ὥσπερ καὶ πρότερον εἴρηται, ὥστε δῆλόσ ἐστιν ἐψευσμένοσ μᾶλλον περὶ τῶν ἐκτετοπισμένων. πρὸσ μέντοι τὰ οὐράνια καὶ τὴν μαθηματικὴν θεωρίαν ἱκανῶσ δόξει κεχρῆσθαι τοῖσ πράγμασι . . . τοῖσ τῇ κατεψυγμένῃ ζώνῃ πλησιάζουσι τὸ τῶν καρπῶν εἶναι τῶν ἡμέρων καὶ ζῴων τῶν μὲν ἀφορίαν παντελῆ τῶν δὲ σπάνιν, κέγχρῳ δὲ καὶ ἀγρίοισ λαχάνοισ καὶ καρποῖσ καὶ ῥίζαισ τρέφεσθαι· παρ’ οἷσ δὲ σῖτοσ καὶ μέλι γίγνεται, καὶ τὸ πόμα ἐντεῦθεν ἔχειν· τὸν δὲ σῖτον, ἐπειδὴ τοὺσ ἡλίουσ οὐκ ἔχουσι καθαρούσ, ἐν οἴκοισ μεγάλοισ κόπτουσι, συγκομισθέντων δεῦρο τῶν σταχύων· αἱ γὰρ ἅλωσ ἄχρηστοι γίνονται διὰ τὸ ἀνήλιον καὶ τοὺσ ὄμβρουσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Strabo, Geography, book 4, chapter 5

(스트라본, 지리학, book 4, chapter 5)

상위

목록

SEARCH

MENU NAVIGATION