헬라어 문장 검색 - ΠολψβίΗιστορί14́006́

(폴리비오스, Histories, book 14, chapter 5)

οἱ δὲ λοιποὶ πάντεσ ἐκτρέχοντεσ ἐκ τῆσ παρεμβολῆσ ἄνοπλοι συνίσταντο πρὸ τῆσ ἰδίασ στρατοπεδείασ, ἐκπλαγεῖσ ὄντεσ ἐπὶ τοῖσ γινομένοισ. ὁ δὲ Σκιπίων, τῶν πραγμάτων ὡσ ἂν εἰ κατ’ εὐχὴν αὐτῷ προχωρησάντων, ἐπιπεσὼν τοῖσ ἐξεληλυθόσιν, οὓσ μὲν ἐφόνευεν, οὓσ δὲ καταδιώκων ἅμα τὸ πῦρ ἐνέβαλλε ταῖσ σκηναῖσ.

οὗ γενομένου παραπλήσια συνέβαινε πάσχειν τοὺσ Φοίνικασ ὑπὸ τοῦ πυρὸσ καὶ τῆσ ὅλησ περιστάσεωσ τοῖσ ἄρτι ῥηθεῖσι περὶ τῶν Νομάδων.

οἱ δὲ περὶ τὸν Ἀσδρούβαν τοῦ μὲν τῷ πυρὶ βοηθεῖν αὐτόθεν εὐθέωσ ἀπέστησαν, γνόντεσ ἐκ τοῦ συμβαίνοντοσ ὅτι καὶ περὶ τοὺσ Νομάδασ οὐκ αὐτομάτωσ, καθάπερ ὑπέλαβον, ἀλλ’ ἐκ τῆσ τῶν πολεμίων ἐπιβολῆσ καὶ τόλμησ ἐγεγόνει τὸ δεινόν·

ἐγίνοντο δὲ περὶ τὸ σῴζειν ἑαυτούσ, βραχείασ σφίσι καὶ περὶ τοῦτο τὸ μέροσ ἐλπίδοσ ἔτι καταλειπομένησ.

ὥστε καὶ τοῖσ ἀνδραγαθεῖν προαιρουμένοισ ἐμπόδια ταῦτα γίνεσθαι, καὶ διὰ τὴν ταραχὴν καὶ σύγχυσιν ἀνέλπιστον εἶναι τὴν σωτηρίαν.

παραπλήσια δὲ τούτοισ ἦν καὶ τὰ περὶ τὸν Σόφακα καὶ τοὺσ ἄλλουσ ἡγεμόνασ.

πλὴν οὗτοι μὲν ἀμφότεροι μετ’ ὀλίγων ἱππέων ἐξέσωσαν αὑτούσ· αἱ δὲ λοιπαὶ μυριάδεσ ἀνδρῶν, ἵππων, ὑποζυγίων, ἀτυχῶσ μὲν καὶ ἐλεεινῶσ ὑπὸ τοῦ πυρὸσ ἀπώλλυντο·

αἰσχρῶσ δὲ καὶ ἐπονειδίστωσ ἔνιοι τῶν ἀνδρῶν, τὴν τοῦ πυρὸσ βίαν φεύγοντεσ, ὑπὸ τῶν πολεμίων διεφθείροντο, χωρὶσ οὐ μόνον τῶν ὅπλων, ἀλλὰ καὶ τῶν ἱματίων, γυμνοὶ φονευόμενοι.

καθόλου δὲ πᾶσ ἦν ὁ τόποσ οἰμωγῆσ, βοῆσ ἀτάκτου, φόβου, ψόφου παρηλλαγμένου, σὺν δὲ τούτοισ πυρὸσ ἐνεργοῦ καὶ φλογὸσ ὑπερβαλλούσησ πλήρησ·

ὧν ἓν ἱκανὸν [ὂν] ἐκπλῆξαι τὴν ἀνθρωπίνην φύσιν, μηδ’ ὅτι καὶ πάνθ’ ὁμοῦ συγκυρήσαντα παραδόξωσ.

διὸ καὶ τὸ γεγονὸσ οὐδὲ καθ’ ὑπερβολὴν εἰκάσαι δυνατὸν οὐδενὶ τῶν ὄντων ἐστίν·

οὕτωσ ὑπερπεπαίκει τῇ δεινότητι πάσασ τὰσ προειρημένασ πράξεισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 14, chapter 5

(폴리비오스, Histories, book 14, chapter 5)

상위

목록

SEARCH

MENU NAVIGATION