Plutarch, Comparison of Theseus and Romulus, chapter 6 5:

ἡ μέντοι μήτηρ ἡ Θησέωσ οὐκ ἐκινδύνευσεν, ἀλλ’ ἔπαθε τὰ τῆσ Ἑκάβησ, ἐγκαταλιπόντοσ καὶ προεμένου τοῦ παιδόσ, εἴγε μὴ πέπλασται τὰ τῆσ αἰχμαλωσίασ, ὡσ ἔδει γε καὶ τοῦτο ψεῦδοσ εἶναι καὶ τὰ πλεῖστα τῶν ἄλλων, ἐπεὶ καὶ τὰ περὶ τοῦ θείου μυθολογούμενα πολλὴν ποιεῖ διαφοράν. Ῥωμύλῳ μὲν γὰρ ἡ σωτηρία μετὰ πολλῆσ ὑπῆρξε θεῶν εὐμενείασ, ὁ δ’ Αἰγεῖ δοθεὶσ χρησμόσ, ἀπέχεσθαι γυναικὸσ ἐπὶ ξένησ, ἐοίκεν ἀποφαίνειν παρὰ γνώμην θεῶν γεγονέναι τὴν Θησέωσ τέκνωσιν.